Onlar siqaret çəkmirlər .. Sağlam bəslənirlər, davamlı idman edirlər, amma buna baxmayaraq bəziləri oyun əsnasında, bəziləri isə məşqlərdə həyata gözlərini yumur..
Bildiyimiz kimi idman ən təhlükəli peşələrdən biri sayılır, idmançıların həyatı daim təhlükə ilə üzbəüz qalır. Hər idman növündə zədələr, şikəst qalma halları və hətta ölüm hallarının olması qaçılmazdır.Amma bu dəfə oyun zamanı həyatları ilə vidalaşan futbolçuları xatırlayacayıq. Futbolçular oyun zamanı ya zədələnib dünyasını dəyişir, ya da ürək tutmasından. Bəzilərinin ölümü isə müəmmalı olaraq qalır... Hər halda sizlərdən çoxu belə hallara oyunlara baxan zaman şahid olmusunuz. Təəssüflər olsun ki, bir neçə dəfə mən də şahid olmuşam. O anları televizordan izləmək insana bu qədər ağır təsir edirsə, düşünürəm ki, bu hadisəni yaşayan o futbolçular necə dözülməz hisslər keçirirlər.Komanda yoldaşlarından biri gözlərinin önündəcə həyata əlvida deyib, donmuş vəziyyətdə açıq gözlərlə onlara baxır... Həqiqətən də bilmək olmur ki, ölüm nə zaman və harada səni qarşılayacaq! Onların hamısını qeyd edə bilməsəm də bəzilərinin adını qeyd etdim, əlbəttə ki, bu siyahı daha uzundur və təəsüflər olsun ki, uzanmaqda da davam edir :( 1. 1999-cu il iyul-Stefan Vrabioru, rəqib oyunçu ilə toqquşub infarktından öldü.
2. 2000-ci il oktyabr-Catalin Haldan, hazırlıq matçında öldü.
3. 2003-cü iyun- Marc Vivien Foe ,Fifa 2003 Konfederasiya Kubokunda sahədə yıxılaraq həyatını itirdi.
4. 2004-cü il fevral-Miklos Feher, Portuqaliya Liqasında uzatma anları oynayan zaman ürəyi dayanaraq yerə yıxıldı.
5. 2004-cü il dekabr-Cristiano Junior, 24 yaşında, ikinci qolunun sevincini yaşayarkən sahədə yerə yıxılıb qaldı.
6. 2007-ci il avqust-Antonio Puerta, Sevilla-Getafe oyununun 31ci dəqiqəsində yerdə qalmış və şüurunu itirmişdir. Xəstəxanada keçirdiyi 48 saatlıq həyat mübarizəsinə məğlub oldu.
7. 2007-ci il dekabr, Phil O'Donnel, oyunçu dəyişikliyi zamanı kənara yaxınlaşanda yıxılır və bir daha da qalxmır.
8. 2009-cu il avqust, Daniel Jarque ürək tutmasından ölüb.
9. 2010-cu il may-Midfielder Fred (Frederiko Da Kosta Pineyro) ürək tutmasından oyuncada ölüb.
10. 2010-cu il oktyabr- Miguel Garcia- oyun zamanı infarktdan öldü.
