Kevinin 22 yaşı təzəcə tamam olmuşdu, özündən əmin, çox ağıllı və bir cavan oğlan idi . 10 gündən sonra Koreyadakı müharibə zonasına yollanmaq üçün İngiltərədən ayrılacaqdı, heç bir şeydən qorxmurdu amma , ölkəsindən ayr
ılmaq çətin gəlirdi ona.
Ağır addımlarla böyük bir kitabxanın qapısından içəriyə girdi, bir kitab götürüb oturdu və səhifələməyə başladı. Həqiqətən də çox gözəl mövzuları özündə əks etdirən bir kitab idi, amma daha da maraqlı olanı isə kitabı daha əvvəl başqasının da oxumuş olması və bəzi yerlərə qeydlər götürmüş olması idi. Oxuyanın qeydlər götürdüyü hissələr Kevinə maraqlı gəldi, qeydləri oxuduqca sarsılırdı. Kim ola bilərdi bu? Dərhal kitabxanaçıya yaxınlaşdı və əvvəl kitabı oxuyan adamın kim olduğunu soruşdu
“Holly adında bir qadındır” deyə cavab verdi kitabxanaçı
Qadının ünvanın kitabxanaçıdan aldı və evə çatar çatmaz bir məktub yazdı:
"Böyük Kitabxanada bir kitab oxudum. Əlavə etdiyiniz qeydlər qarşısında heyranlıq duyduğumu gizlədə bilmədim. 10 gün sonra Koreyaya gedirəm, sizi tanımaq və sizinlə məktublaşmaq istəyirəm. Cavabınızı səbrsizliklə gözləyirəm.
Hollydan müsbət cavab gəldi və məktublar ardı arxasına yazılmağa başlandı. Hər yeni məktubda bir-birlərindən bir az daha təsirlənir, ürəklərini bir-birlərinə bir az daha açırdılar. 2 il bu şəkildə keçib getdi. Kevin və Holly bir-birlərinə bəlkə minlərlə məktub yazmış, hər məktubdan da biri birilərinə daha da bərk bağlanmışdılar.
Kevinın ölkəsinə geri dönmə vaxtı gəlib çatdı, son məktubunda Hollyni görmək istədiyini yazdı. "Ancaq səni tanıya bilmək üçün mənə bir şəkilini göndər xahiş edirəm" deyə əlavə etdi.
Holly görüşməyi qəbul etdi lakin şəklini göndərmədi. "Şəkilin nə əhəmiyyəti var ki? Bizi bir birimizə bağlayan ürəklərimiz deyilmi? Yaxama qırmızı bir çiçək taxacağam." dedi.
Günlər bir-birini qovdu və Kevin ölkəsinə qayıtdı. Qatardan endiyi ilk anda gözləri Hollyni axtardı. Bir müddət baxdı baxdı, sonra insanların arasından indiyə qədər gördüyü ən gözəl bir qadını gördü. Uzun boylu, çox gözəl, uzun sarı saçlı, gömgöy iri gözləri və mavi paltarıyla möhtəşəm bir qadın idi. Qadına doğru bir addım atdı, amma yaxasında heç bir şey yox idi. Qadın onun gözlərinə baxdı və "Salam dənizçi, mənimlə gəlmək istərsənmi?" deyə soruşdu. Elə həmin an gözəl qadının arxasında , yaxasında qırmızı çiçək olan qadını gördü. Qısa boylu, kök , boz qısa saçlı, tozlu uzun paltosu və qalın biləkləriylə sakitcə dayanırdı. Kevin çaşmış idi, az əvvəl həyatında gördüyü ən gözəl qadından bir təklif almişdı amma qarşısında da ürəyinə aşiq olduğu qadın dayanırdı. Özünü yığışdırdı və yanından keçən dünyalar gözəli qadına vecinə almadan irəlilədi. Əlində Holly ilə bir-birlərini tanımalarına kömək edən kitab vardı. Əlini uzatdı,
-"Salam Holly" dedi gözlərinin içində gülümsəyərək.
-"Bağışlayın" dedi qadın.
-"Mən Holly deyiləm.
Bir az bundan qabaq buradan keçən sarı saçlı mavi paltarlı qadın yaxama bu çiçəyi taxdı və bunun həyatının imtahanı olduğunu söylədi. Sizi stansiyanın çıxışındakı cafedə gözləyəcəkdi...
