Düz qarın üçün 7 tövsiyə

Düz qarın bədən quruluşunun gözəl olması üçün ən vacib amillərdən biridir. Lakin bəzən hətta normal çəkisi olan insanların qarnı "çıxır". Bunun səbəbləri arasında həzm problemləri, qəbizlik, qarın əzələlərinin zəif olmasıdır. 

1. Düzgün qamət. Bu həm onurğanın sağlamlığını təmin edir, həm də qarın əzələlərini möhkəmləndirir. Yeriyəndə və oturanda qamətinizə daim nəzarət edin.

2. Qarnınızı «yığın». Qarını yığmaq çox sadə, əziyyətsiz və eyni zamanda effektli məşqdir. Bu sadə məşqin köməyi ilə qarın əzələlərini daha bərk etmək mümkündür.

3. Bağırsaqların normal boşalmasını təmin edin. Bağırsaqların fəaliyyətinin pozulması köpə, qəbizliyə səbəb olur ki, bu da qarının böyüməsinə gətirib çıxardır.

4. Kifayət qədər su için. Su iştahanı azaldır, arıqlamağa kömək edir, bağırsaqların fəaliyyətini yaxşılaşdırır.

5. Şirin qazlı içkilər yastı qarının əsas düşmənidir. Onlarda həm bağırsaqları "şişirdən" qaz var, həm də «boş» kalori çoxdur.

6. Probiotiklərlə zəngin olan qidalar (qatıq, yoqurtlar, süzmə, kələm turşusu və s.) bağırsaqların fəaliyyətini tənzimləməyə və arıqlamağa kömək edir.

7. Massaj edin. Qarnı saat əqrəbi istiqamətində massaj edin. Bu həm qarın əzələlərini möhkəmləndirir, həm də bağırsaqların fəaliyyətini yaxşılaşdırır, köpdən azad edir.