Saçınıza uyğun daraq seçin

Saçınız yaş, quru halda olarkən və fen çəkərkən hər birində ayrı saç fırçalarından istifadə etmək lazımdır. 

Keçmişdə səliqəli görünmək mütləq idi, ona görə də “saçınızı gündə 100 dəfə darayın” deyə belə bir şüar var idi. Lakin günümüzdə saç tökülməsi problemi ilə qarşılaşan o qədər xanım var ki, onlar saçını belə daramaqdan çəkinir.

Satışda çeşidli saç fırçaları var. Qadınların çoxu hansı formada və hansı materialdan olan fırçanın onlar üçün faydalı olduğunu bilmir. Doğru saç fırçanızı seçmək istəyirsinizsə, o zaman məsləhətlərimizi diqqətlə oxuyun. 

New Yorklu saç ustası Matthew Monzo, saç fırçalarının hansının saç tipinizə uyğun olmasını açıqlayıb. 

Halqalı və həcmli saçlar yaratmaq istəyirsinizsə, dairəvi formada olan fırçalardan istifadə edin. 

Saçınıza ekstra həcm vermək üçün fırçanıza feni tutun ve bir qədər saxlayın.

Saçlarınızı qurutmaq və ya düz model etmək üçün adi saç fırçasından istifadə edə bilərsiniz.  

Saçlarınıza fen çəkməmişdən əvvəl mütləq yekədiş daraqla saçınızı darayın. Bu daraqlar saçdakı düyünləri açmaq üçün ən idael vasitə sayılır. 

Topuz və ya at quyruğu kimi saç modellərində isə sıxdişli daraqlardan istifadə edə bilərsiniz.