Tuş seçimi
Tuş seçimi
Tuş seçimi çox ciddi məsələdir, ilk növbədə, tuş keyfiyyətli olmalıdır ki, gözlərə mənfi təsir göstərməsin. Tuşu düzgün seçməyin bir neçə qaydası var. Birincisi, qablaşdırmaya fikir verin. Qabda tuşun növü, ölkə və istehsalçının adı, həmçinin hazırlanma müddəti və tərkibi göstərilməlidir. Yaxşı olar ki, tuşu vitrindən almayasınız. Çünki ola bilsin onu kimsə açıb yoxlayıb. Sonra tuşun fırçasını çıxararaq rənginə və iyinə fikir verin. Yaxşı tuşdan ətir gəlmir və ya çox az şirin iy gəlir. Tərkibinə görə tuş kremə bənzəməlidir. Əgər o, həddindən artıq duru və ya qatıdırsa, deməli saxlama şəraitinə düzgün əməl olunmayıb. Tuşun keyfiyyətinə tam əmin olmaq üçün fırçanı ovcunuza sürtün: əgər xətt hamardırsa, topalar əmələ gəlmirsə, deməli, ondan rahat istifadə edə bilərsiniz.
Ən ideal tuş rəngi
Özünüzə və məkana yaraşan ideal rəngi seçin.
Qara tuş klassikadır. Onu hər gün istifadə etmək olar. Eləcə də qara tuş ziyafət makiyajının ayrılmaz hissəsidir. Həmçinin üst kirpiklərə qara, alt tərəfə isə gözünüzün rənginə uyğun tuş vura bilərsiniz.
Əgər siz sarışınsınızsa, qaşlarınız və kirpikləriniz açıq rəngdədirsə, tünd-qəhvəyi tuşdan istifadə edin. Belə tuş daha təbii görünəcək.
Əgər saçınız qaradırsa, onda qara-göy tuş seçə bilərsiniz. Məhz qara-göy, sadə göy yox. Belə ki, gündəlik həyatda göy tuş bayağı görünür. Onu ziyafətlərə vurmaq məsləhətdir.
Tuşun növləri:
Uzadan, həcm verən, suyadavamlı
Tuşlar həm tərkibinə, həm də fırçanın formasına görə fərqli olur.
1. Uzadan tuşun məqsədi adından da məlumdur. Onun tərkibinə kirpikləri daha uzun edən xüsusi liflər (ipək və neylondan) daxildir. Çox zaman belə tuş ikili qutuda satılır - ağ kreməbənzər kütlə kirpikləri uzadır, ikinci tərəf isə rəngləyir. Belə tuşu çox vurmaq olmaz, yoxsa kirpikləriniz elə uzanar ki, gözlərinizi açmaq çətinləşər.
2. Həcm verən tuş gözlərin ifadəliliyini artırır, kirpikləri sıxlaşdırır. Bu effekt mum sayəsində əldə olunur. Mum kirpikləri hər tərəfdən əhatə edir. Belə tuşun fırçası hamar tüklü olmalıdır. Bəzi kompaniyalar qaba əlavə fırça da qoyurlar ki, kirpiklərə daha yaxşı forma vermək mümkün olsun.
3. Suyadavamlı tuş rütubətli hava üçündür. Belə ki, tərkibindəki qatran onu rütubətdən şişməyə qoymur. Belə tuş çox zaman allergik reaksiya verir, ona görə ondan müstəsna hallarda istifadə etmək lazımdır. Əgər qutunun üzərində "moisture-proof" yazılarsa, belə tuşu hovuza, saunaya rahat vura bilərsiniz, çünki bu tuş istənilən rütubətə tab gətirəcək. Amma onu silmək üçün xüsusi vasitələr tələb olunacaq.
Tuşun tərkibi sabun, rəngləyici piqment, su, donuz pəyəsi və s-dən ibarətdir.
Mənbə: "Aysel" jurnalı
Ən ideal tuş rəngi
Özünüzə və məkana yaraşan ideal rəngi seçin.
Qara tuş klassikadır. Onu hər gün istifadə etmək olar. Eləcə də qara tuş ziyafət makiyajının ayrılmaz hissəsidir. Həmçinin üst kirpiklərə qara, alt tərəfə isə gözünüzün rənginə uyğun tuş vura bilərsiniz.
Əgər siz sarışınsınızsa, qaşlarınız və kirpikləriniz açıq rəngdədirsə, tünd-qəhvəyi tuşdan istifadə edin. Belə tuş daha təbii görünəcək.
Əgər saçınız qaradırsa, onda qara-göy tuş seçə bilərsiniz. Məhz qara-göy, sadə göy yox. Belə ki, gündəlik həyatda göy tuş bayağı görünür. Onu ziyafətlərə vurmaq məsləhətdir.
Tuşun növləri:
Uzadan, həcm verən, suyadavamlı
Tuşlar həm tərkibinə, həm də fırçanın formasına görə fərqli olur.
1. Uzadan tuşun məqsədi adından da məlumdur. Onun tərkibinə kirpikləri daha uzun edən xüsusi liflər (ipək və neylondan) daxildir. Çox zaman belə tuş ikili qutuda satılır - ağ kreməbənzər kütlə kirpikləri uzadır, ikinci tərəf isə rəngləyir. Belə tuşu çox vurmaq olmaz, yoxsa kirpikləriniz elə uzanar ki, gözlərinizi açmaq çətinləşər.
2. Həcm verən tuş gözlərin ifadəliliyini artırır, kirpikləri sıxlaşdırır. Bu effekt mum sayəsində əldə olunur. Mum kirpikləri hər tərəfdən əhatə edir. Belə tuşun fırçası hamar tüklü olmalıdır. Bəzi kompaniyalar qaba əlavə fırça da qoyurlar ki, kirpiklərə daha yaxşı forma vermək mümkün olsun.
3. Suyadavamlı tuş rütubətli hava üçündür. Belə ki, tərkibindəki qatran onu rütubətdən şişməyə qoymur. Belə tuş çox zaman allergik reaksiya verir, ona görə ondan müstəsna hallarda istifadə etmək lazımdır. Əgər qutunun üzərində "moisture-proof" yazılarsa, belə tuşu hovuza, saunaya rahat vura bilərsiniz, çünki bu tuş istənilən rütubətə tab gətirəcək. Amma onu silmək üçün xüsusi vasitələr tələb olunacaq.
Tuşun tərkibi sabun, rəngləyici piqment, su, donuz pəyəsi və s-dən ibarətdir.
Mənbə: "Aysel" jurnalı
