Şlyapalar

Şlyapalar qadınların əsas baş geyimlərindən biridir. Onlar xanımlara cazibədar, yaraşıqlı və aristokrat görkəm verir.
Dizaynerlər hər dəfə şlyapalara müxtəlif lələk, naxış, lent, gül bəzəməklə onlara xüsusi görkəm verir.
Şlyapalar hər mövsümdə müxtəlif naxışda və rəngdə olur. Dizaynerlər də hər fəslin rənginə uyğun şlyapalara yeni bir naxış, element əlavə edirlər. Onların gözəl, yaraşıqlı görünməsi dizaynerlərin fantaziyasından çox asılıdır. Əsasən şlyapalar bu tipdə olur:

1.”Fetrovalı” şlyapa
2. ”Fedora” şlyapası
3. “Tribli” şlyapası
Onların hər üçü də olduqca qiymətli, dəyərli və ələ düşməyən şlyapalardır.
“Fetrovalı” şlyapa “fetr” parçadan hələ 1910-cu ildə hazırlanmağa başlayıb. Əsasən də kişilər geyinib.
“Fedora” klassik şlyapaları isə, əsasən centelmenlər üçün nəzərdə tutulub. Yumşaq parçalı belə şlyapaların günlüyünü həm qaldırmaq, həm də endirmək olur.
“Tribli” tipli şlyapalar isə, əsasən cıdır həvəskarları üçündür. Bəzən belə şlyapaları geyməyi zadəganlar da sevirdi.
Formaları eyni olduğundan bu üç şlyapanı çox vaxt bir- biri ilə qarışdırırdılar. Onların ayırmağının isə bir yolu var. Axı parçaları ayrıdır, seçilir.
İndi belə şlyapalara hər yerdə rast gəlmək olur. Tanınmışların geyimində, ekranda, efirdə, ən dəbli jurnallarda, filmlərdə və sair və ilaxır.