Uğurlu iş qadını olmaq üçün 8 tövsiyə

Necə uğurlu iş qadını olmaq olar? Əgər sizi də bu sualın cavabı maraqlandırırsa, deməli, bu yazı sizin üçündür. Beləliklə, müvəffəqiyyətli bir iş qadını olmağa dair bəzi praktik məsləhətləri təqdim edirik.

1. Müvəfəqiyyətli qadınlar haqqında oxuyun
Biznes və digər sahələrdə müvəffəqiyyətli olan bir çox qadın vardır. Uğurlu qadınların keçmişini və karyera yolunu araşdırıb öyrənməyiniz motivasiyalı olmağınıza və ilham almağınıza köməkçi olacaqdır. Uğurlu qadınların hekayələrini oxumağınız onların necə müvəffəqiyyətli olduqları və proses zamanı hansı çətinliklərlə qarşılaşa biləcəyiniz barədə fikirlər verəcəkdir.

İnternet müvəffəqiyyətli iş qadınlarını araşdırarkən sizin üçün gözəl bir qaynaq olacaqdır. Forbes və Harvard Business School kimi internet saytlarında maraqlı və öyrədici bəzi məqalələr tapa bilərsiniz.

2. Çalışdığınız sahədəki müvəfəqiyyətli qadınları araşdırın
Fəaliyyətdə olduğunuz sahədəki müvəffəqiyyətli qadınların oxuduğu universitetləri, iştirak etdikləri təcrübə proqramlarını, ilk iş təcrübələrini və karyeralarına gedən yol ilə əlaqəli digər məlumatları araşdırın. Bu qadınların nələri doğru etdiyini öyrənin və daha sonra bu məlumatları öz karyera planınızda istifadə edin.

3. Daha az qadının çalışdığı sahələri nəzərdən keçirin
Tarixə nəzər salsaq qadınların elm, mühəndislik, texnologiya, riyaziyyat və kompüter elmi kimi sahələrdə daha az çalışdığını görərik. Bu sahələrin birində fəaliyyət göstərən qadın digər qadınları da bu sahələrdə çalışmağa təşviq edə bilər.

4. İş və ailə həyatınız arasında necə balans yaradacağınıza qərar verin
İşləyən və ya işləmək istəyən qadınların ən böyük narahatlıqlarından biri iş və ailə həyatlarını necə tarazlaşdıracaqlarını bilməməkləridir. İş həyatında yüksəlməyə başlayan qadınlar eyni vaxtda uşaq dünyaya gətirmək yaşına gəlirlər. İş və ailə həyatını balanslaşdırmağın ən yaxşı yolu analıq məzuniyyəti, şirkət dəstəkli uşaq baxımı, işçiyə uyğun iş proqramı, ailə səhiyyə yardımları kimi siyasəti olan bir şirkət tapmaqdır.

5. Haqsız əməkhaqqı ödənişi
İL ilə mübarizə İdarəetmə və inzibati vəzifələrdə çalışan qadınların sayı hər keçən gün artsa da bərabər ödəniş mövzusunda hələ problemlər vardır. Eyni işi etsələr belə qadınların kişilərə görə daha aşağı maaş almağı narahatedici haldır. Ədalətsiz maaş ödənişi ilə mübarizə etmək üçün: Eyni xüsusiyyətlərə sahib və oxşar mövqelərdə çalışan digər kişi və qadınların nə qədər qazandığını araşdırın. Ödəniş təklifi ilə dərhal razılaşmayın. Başlanğıc təklif olaraq təqdim etdikləri ödənişi düşünün və az olduğu halda bunu bildirin.

6. Özünüzə güvənin
Uğurlu bir iş qadını olmaq istəyirsinizsə, özünüzə və bacarıqlarınıza güvənməlisiniz. Özünüzü necə təqdim etsəniz, insanlar da sizi elə tanıyacaqlar. Özünüzə güvəndiyinizi göstərsəniz, insanlar da özünüzdən əmin olduğunuza inanar.

7. İddialı olun
İş həyatındakı qadınlarla bağlı ən geniş yayılmış fikir onların emosional və zəif varlıqlar olduğudur. Bu yanlış fikirlərin öhdəsindən gəlməyin ən yaxşı yolu bunların əksini sübut etməkdir. Uğurlu bir iş qadını olaraq hörmət görmək istəyirsinizsə, iddialı olmalısınız.

8. Tənqidlərin öhdəsindən uğurlu şəkildə gəlin
Tənqidlərin öhdəsindən gəlmək və tənqidləri uzaqlaşdırmaq həyati əhəmiyyət daşıyır. Bununla birlikdə faydalı tənqid və kəskin tənqid arasında da böyük fərq vardır.

gencaile.az