Uşaq arabasının üzərinə tülbənd örtməyin

Siz də körpənizi günəşdən, ağcaqanaddan qorumaq üçün arabasının üzərinə tülbənd örtürsünüz? Bunu qətiyyən etməyin!

Bir çox ana uşaq arabasının üzərinə tülbənd örtür və bununla uşağı qoruduğunu düşünür. Ancaq isveçli həkimlərin fikrincə, arabanın üzərinə tülbənd atmaq istiliyi qat-qat yüksəldərək, ani körpə ölümü sindromu riskini artırır.

Uşaq həkimi Svanet Norgren nazik tülbəndin belə, hava sirkulyasiyasını əngəlləyib içəridə istiliyə səbəb olduğunu açıqlayıb.

İsveçli araşdırmaçıların gəldiyi qənaətə görə, üzəri örtülü olan körpə arabasının içərisindəki istilik bayırdakından 15 dərəcə daha yüksək olur. Körpə özünü ana bətnindəki kimi hiss edir və anidən nəfəs çatışmazlığı yaşaya bilər.

Həddən çox isti ani körpə ölümü sindromuna səbəb ola bilər. Uşağı istidən qorumaq istəyirsinizsə, arabanı bürümək yerinə, çox isti olan saat 11:00-17:00 arasında bayıra çıxarmayın.