Ciyər paşteti

Paştetin hazırlaması üçün lazımdır:

Quzu ciyəri - 500 q
Kərə yağı - 250 q
Kök - 2 ədəd
Qoz ləpəsi - 150 q
Baş soğan - 2 ədəd
Yumurta - 2 ədəd
Keşniş, şüyüd - ½ dəstə
Limon - 1 ədəd
Duz, istiot

Hazırlanma qaydası

Quzu ciyərinin pərdəsi çıxarılır, yuyulur, tikələrə doğranılır və bişirilir. Qeyd: ciyər bişərkən suyu 3-4 dəfə dəyişdirilir.
Baş soğan və kök orta hissələrə bölünür.
Yumurta bişirilir.
Göyərti xırda doğranılır.
Tavada 100 q kərə yağı əridilir və əvvəlcə soğan, sonra kök, daha sonra ciyər əlavə edilib qızardılır. Duz, istiot vurulur.
Qızarmış ərzaqlara qoz ləpəsi əlavə olunaraq ətçəkən maşınından 2 dəfə keçirilir, üzərinə otaq temperaturunda yumşalmış kərə yağı əlavə edilir və qarışdırılır.
Alınan kütlə nimçəyə əvvəlcə iri, sonra orta, daha sonra kiçik dairə şəklində yayılır.
Tort formasına salınan paştetin üzərinə sürtgəcdən keçirilmiş yumurtanın ağı, sarısı səpilir, halqavarı doğranılmış bişmiş kök, göyərti və limon dilimləri ilə bəzədilir.

Pendirli toyuq paşteti

İnqradientlər:

500 q toyuq ciyəri
500 q toyuq ürəyi
3 baş soğan
1 böyük yaşıl alma
150 q kərə yağı
200 q pendir (brınza)
duz
qara istiot
2 x.q. xardal
4 x.q. bitki yağı

Paştetin resepti-hazırlanma qaydası

Almanın qabığını soyub ortasını təmizləyib, dilimləyin.
Təmizlənmiş toyuq ciyərini və almanı tavada qızardın (tam bişənə qədər). Soğanı təmizləyib iri doğrayın. Təmizlənmiş toyuq ürəyini soğanla birlikdə duzlu suda hazır olana qədər bişirin. Sonra qaraciyərlə
almanı və toyuq ürəyi ilə soğanı iki dəfə ət maşınından keçirin.
Duz, istiot, xardal və yumşalmış kərə yağı əlavə edib bircinsli
qarışıq alınana qədər qarışdırın. İsladılmış sellofanın üzərinə alınan qarışığı bərabər yayın. Onun üzərinə xırda doğranmış pendir səpin (əgər pendir xoşlamırsınızsa, başqa ərzaqdan, məsələn, qızardılmış göbələkdən istifadə edə bilərsiniz). Sellofanın köməyilə paşteti rulet kimi bükün. Ən azı 6 saat soyuducuda saxlayın. Süfrəyə verməzdən əvvəl dilimləyin.

Qaraciyər paşteti hazırlamağın başqa resepti

1kq.Qaraciyər
5 ədəd kök
4 baş soğan
1-2 ədəd dəfnə yarpağı
200 qr kərə yağı
300qr. Qoz
Duz,istiot (zövqə görə)

Ciyəri, kökü və soğanın 2 - ni qaynadırıq .Dəfnə yarpağını qaynayan ciyərin suyuna ələvə edirik. Bu, ona məxsusi dad verəcək. Ciyər bişdikdən sonra onun qabığı soyulur və kərə yağındayerdə qalan 2 baş soğanla bir yerdə qızardılır.
Qızardılmış ciyəri və qozu qarışdırıb ətçəkən maşından 5-6 dəfə keçirin. Duz, istiot vurub qarışdırın.
Bir salafan (və ya falqa kağızı )götürüb stolun üstünə sərin və üzərinə qarğıdalı yağı çəkin. Ciyəri salafanın üstünə yaxşıca yayın. Üzərinə otaq temperaturunda yumşalmış kərə yağı çəkin və rulet şəklində büküb soyuducuya yerləşdirin.