İnsanlar bir-birlərini sevərək evlənirlər.Xoşbəxtlik,səadət və övlad xatirinə ailə qururlar.Elə isə nə üçün boşanırlar?Nəyin xatirinə vaxtilə bağlanmış nigahdan imtina edirlər?
Xalq hakimi boşanma haqqında işə baxır:
- Nə üçün ayrılmaq istəyirsiniz?
- Xasiyyətimiz tutmur,bir-birimizi daha sevmirik.O,məni başa düşmək istəmir.Kobud və xudpəsənddir.Ailə qayığısı çəkmir.Yalnız özünü düşünür.
-Bəs sən özün?(sual cəvabsız qalır).
Hər dəfə bəhanələr gətirilir.İki təzad:toy və boşanma,məhəbbət və nifrət,sevinc və kədər.
Azadlıq ən böyük nemətdir.Biz bu azdlığı başa düşür və ondan sui-istifadə etmirik.Lakin heç də hamı şəxsi həyatda azadlığı düzgün başa düşmür və ondan ağıllı sürətdə istifadə etməyi bacarmır.Məhz bu zaman real ziddiyyət baş qaldırır;Şəxsiyyət azadlığının səviyyəsi onun mənəvi-psixoloji və estetik mədəniyyətinin səviyyəsini qabaqlayır.Bəzən ciddi səbəb olmadan nikahı pozdururlar.
Məs:İki hərfin-"Z" və "R" hərflərinin ücbatından az qala gənc ailə dağılacaqdı.Yeni doğulan körpə üçün ad seçilərkən ər-arvadın sözü düz gəlmir.Ata deyir qızın adını "Gülnar" qoyaq,ana deyir "Gülnaz"!! mübahisə uzun sürür,ər-arvad yektin rəyə gəlmirlər...Nəhayət ər-arvadının fikrini nəzərə almadan,doğum haqqında şəhadətnamədə qızın adını "Gülnar" yazdırır.Bununla mübahisə söz-söhbət daha da artır və iki hərf "R" və "Z" boşanma haqqında məsələ qaldırmaq üçün kifayət olur.Xöşbəxtlikdən halq hakimi gənc ər-arvadı başa salmağa və barışdırmağa müvəffəq olmuşdur.
Məhəbbəti mühafizə etmək, saxlamaq çətindir.Onu inkişaf etdirmək bundan da çətindir.Toya qədərki məhəbbət pöhrədir,onun qol-qanad atması,gözəl və sağlam ağac olması üçün bu pöhrəni bəsləmək,böyütmək lazımdır.Onu böyütmək üçün bacarıq,məharət və qüvvət çatmamışdırsa,buna yalnız təəssüflənmək olar.
Müəllif-Cahandar
