Jurnalist, teleaparıcı, şair Əyyub Məmmədov- Şeirlər
Jurnalist, teleaparıcı, şair Əyyub Məmmədov- Şeirlər
Məzarlar da danışır
Məzarlar da zamanla
Dostlaşıb tanış olur
Bəzi daşlar orda da
Fəhləyə məmur olur
Məzar var ki, başında
Bir abidə ucalır
Məzar var ki, başında
Adi bir daş dayanır
Məzar var il boyu
Həmişə yada düşür
Məzar var tarix boyu
Heç ora yolun düşmür
Məzar var yanı hasar
Bir qoruğa bənzəyir
Məzar var kol-kos basır
Kim olduğu bilinmir
Adama elə gəlir
O daşlar da danışır
Ona yaxın məzarla
Öz dərdini paylaşır
Mərhum şairə Rəhilə Elçinin xatirəsinə
Bir çiçək idin ki,ömürlük təzə
Araz yadigarı qalmışdın bizə
Qəlbində nə böyük gözəl arzular
Heyf xəyalların düşdü dənizə
Səndən bizə qalan dəyərli miras
Təmiz duyğuların, hisslərin oldu
Yazdığın alovlu, odlu şeirlər
Bir də kitab dolu xatirən oldu
Gözəl nümunədir həyat yolların
Vaxtsız yol çıxdı ömür karvanın
Bilməzdik Rəhilə ziyarətinə
Şahidlik edəcək nurlu məzarın
Nə xoşbəxt insansan sevənin çoxdur
Sənin ürəklərdə heykəlin tuncdur
Uzanır cənnətə indi qolların
Qovuşar ruhuna Məmməd Arazın
Yarımçıq sevgilər
Məhəbbət yolunda yıxılmaq olar
Yetər ki, qalxmağa bir yolun olsun
Ayrılıb yenidən sevmək də olar
Yetər ki, sevməyə bir üzün olsun
Bir ürək nə qədər sevgi daşıyar
O olar, bu olar, o biri olar
Qəlb boxça deyil kim gəldi tuta
Axırda cırılıb, partlayıb daşa
Demə sevənlərim günahkar idi
Yarı yolda qoyub tərk etdi məni
De mən qəlbimi açıq qoymuşam
Hər gələn atını oynadıb getdi
Bir gün geriyə dönüb baxanda
Alnının qırışı çaşdırar səni
Yarımçıq sevgilər bir alov kimi
İçində qaynayıb yandırar səni
«Nənəmin təsəllisi»
Ört üstünü yat ay bala
Getmə dərin xəyala
Qış da bitir çox az qalıb
Gül-çiçəkli bahara
Bilirəm heç sevmirsən
Soyuq qışı, qarı sən
Ayaqqabın su buraxır
Dərsə gedə bilmirsən
Dua edib nənə-bala
Tapşırarıq yaradana
Çətin olmaz bu qışı da
Yetişərik bahara
Böyük oğlan olarsan
Sən də bir gün ucalarsan
Hər nə qədər imkan olsa
Keçmişini unutmazsan
Yağışlı gecələr
Yağır küçələrə payız yağışı
Sanki illərin həsrətin yuyur
Qatır qabağına torpağı, daşı
Bu gecə gözümdən yuxunu qovur
O vaxt səninlə yağan yağışda
Möhkəmcə islanıb çox üşümüşdük
Yadına gəlirmi soyuq ayazda
Titrəyə-titrəyə biz öpüşmüşdük
Bir dəfə yenə də yağışlı gündə
Tutub əl-ələ yaman qaçırdıq
Başdan ayağa suyun içində,
Adamsız küçədə at oynadırdıq
Hər gün yağırdı bizim şəhərə
Bəzən leysan, bəzən də çiskin
Bir gün zəng edib dedin ki, mənə
İmkan olsa çətir alarsan mənə
Gölməçə olardı hər tərəf,hər yan
Ara verməzdi burda yağışlar
Hər gün ayaqların su olduğundan
Demişdin xəstəyəm, donuram yaman
Sən demə çoxunun yağışlı gündə
Varmış xatirəsi bir ürək dolu
Bilməzdim mənim də yağışlı gündə,
Düşəcək yadıma bir sevgi yolu.
Gecikirsən ay ürək
Arzuları bir-bir gerçək etməyə
Vaxt azalıb, gecikirsən ay ürək
Bu həyatda əməl qoyub getməyə
Gecikirsən bir az tələs ay ürək
Çoxdandır heç yoxlamırsan özünü
Bəlkə sağlam, bəlkə xəstəsən bilək
Deyirdin ki, qəm bağlayıb üzünü
Gecikirsən sil dərdini ay ürək
Hiss edirəm içində bir boşluq var
Vaxt ötsə də dola bilmir bu ürək
Çox sakitsən bilirəm ki, sözün var
Töküb, boşalt öz içini ay ürək
Pünhan tutmusan neçə sirrini
Bilirəm vəfada tayın yox ürək
Hərçənd bilməsələr bəzən qədrini
Gecikirsən üsyan elə ay ürək
Əvvəlkitək zövq almaqda acizsən
Əl-qolunu itirmiş bir əlilsən
Son mənzilin uzaq deyil bilirsən
Gecikirsən aman yoxdur ay ürək
Yaşım çatmadı görəm mən sizi
Gəzdim ölkəmi mən qarış-qarış
Görmədim Zəngilan, Laçın, Şuşanı
Bir də Cəbrayılı, o Qubadlını
Hələ Kəlbəcərtək gözəl məkanı
Yaşım çatmadı, görəm mən sizi
Bir gəzib dolanam hər tərəfinizi
Necə qurban getdiz yağı düşmənə?
Heç kimsə bilmədi aqibətinizi
Yurddan ayrı düşdüz tarimar olduz
Gözlərdə durub, bədgüman olduz
Günah kimdədir, necə oldu ki,
Qoruya bilmədik tamam yox olduz
Gərək deyil şuşalı, laçınlı olam
Təəssüb çəkən vətən oğluyam
Keçdikcə illər hey aram-aram
Qorxuram sizə heç qovuşmaram
Düşmən torpağımda gəzib əylənir
Badələr qaldırıb, yallı da gedir
De necə dözüm, mən bu halətə?
Göz dağı verir mənə heyvərə
Düyünlər açılsın, simlər qırılsın
Sülh sazişləri bir yana qalsın
Hər gün sinəmə od qoyan düşmən
Silahın gücündən yanıb dağılsın
Kayzen.az 08.07.2019
Məzarlar da zamanla
Dostlaşıb tanış olur
Bəzi daşlar orda da
Fəhləyə məmur olur
Məzar var ki, başında
Bir abidə ucalır
Məzar var ki, başında
Adi bir daş dayanır
Məzar var il boyu
Həmişə yada düşür
Məzar var tarix boyu
Heç ora yolun düşmür
Məzar var yanı hasar
Bir qoruğa bənzəyir
Məzar var kol-kos basır
Kim olduğu bilinmir
Adama elə gəlir
O daşlar da danışır
Ona yaxın məzarla
Öz dərdini paylaşır
Mərhum şairə Rəhilə Elçinin xatirəsinə
Bir çiçək idin ki,ömürlük təzə
Araz yadigarı qalmışdın bizə
Qəlbində nə böyük gözəl arzular
Heyf xəyalların düşdü dənizə
Səndən bizə qalan dəyərli miras
Təmiz duyğuların, hisslərin oldu
Yazdığın alovlu, odlu şeirlər
Bir də kitab dolu xatirən oldu
Gözəl nümunədir həyat yolların
Vaxtsız yol çıxdı ömür karvanın
Bilməzdik Rəhilə ziyarətinə
Şahidlik edəcək nurlu məzarın
Nə xoşbəxt insansan sevənin çoxdur
Sənin ürəklərdə heykəlin tuncdur
Uzanır cənnətə indi qolların
Qovuşar ruhuna Məmməd Arazın
Yarımçıq sevgilər
Məhəbbət yolunda yıxılmaq olar
Yetər ki, qalxmağa bir yolun olsun
Ayrılıb yenidən sevmək də olar
Yetər ki, sevməyə bir üzün olsun
Bir ürək nə qədər sevgi daşıyar
O olar, bu olar, o biri olar
Qəlb boxça deyil kim gəldi tuta
Axırda cırılıb, partlayıb daşa
Demə sevənlərim günahkar idi
Yarı yolda qoyub tərk etdi məni
De mən qəlbimi açıq qoymuşam
Hər gələn atını oynadıb getdi
Bir gün geriyə dönüb baxanda
Alnının qırışı çaşdırar səni
Yarımçıq sevgilər bir alov kimi
İçində qaynayıb yandırar səni
«Nənəmin təsəllisi»
Ört üstünü yat ay bala
Getmə dərin xəyala
Qış da bitir çox az qalıb
Gül-çiçəkli bahara
Bilirəm heç sevmirsən
Soyuq qışı, qarı sən
Ayaqqabın su buraxır
Dərsə gedə bilmirsən
Dua edib nənə-bala
Tapşırarıq yaradana
Çətin olmaz bu qışı da
Yetişərik bahara
Böyük oğlan olarsan
Sən də bir gün ucalarsan
Hər nə qədər imkan olsa
Keçmişini unutmazsan
Yağışlı gecələr
Yağır küçələrə payız yağışı
Sanki illərin həsrətin yuyur
Qatır qabağına torpağı, daşı
Bu gecə gözümdən yuxunu qovur
O vaxt səninlə yağan yağışda
Möhkəmcə islanıb çox üşümüşdük
Yadına gəlirmi soyuq ayazda
Titrəyə-titrəyə biz öpüşmüşdük
Bir dəfə yenə də yağışlı gündə
Tutub əl-ələ yaman qaçırdıq
Başdan ayağa suyun içində,
Adamsız küçədə at oynadırdıq
Hər gün yağırdı bizim şəhərə
Bəzən leysan, bəzən də çiskin
Bir gün zəng edib dedin ki, mənə
İmkan olsa çətir alarsan mənə
Gölməçə olardı hər tərəf,hər yan
Ara verməzdi burda yağışlar
Hər gün ayaqların su olduğundan
Demişdin xəstəyəm, donuram yaman
Sən demə çoxunun yağışlı gündə
Varmış xatirəsi bir ürək dolu
Bilməzdim mənim də yağışlı gündə,
Düşəcək yadıma bir sevgi yolu.
Gecikirsən ay ürək
Arzuları bir-bir gerçək etməyə
Vaxt azalıb, gecikirsən ay ürək
Bu həyatda əməl qoyub getməyə
Gecikirsən bir az tələs ay ürək
Çoxdandır heç yoxlamırsan özünü
Bəlkə sağlam, bəlkə xəstəsən bilək
Deyirdin ki, qəm bağlayıb üzünü
Gecikirsən sil dərdini ay ürək
Hiss edirəm içində bir boşluq var
Vaxt ötsə də dola bilmir bu ürək
Çox sakitsən bilirəm ki, sözün var
Töküb, boşalt öz içini ay ürək
Pünhan tutmusan neçə sirrini
Bilirəm vəfada tayın yox ürək
Hərçənd bilməsələr bəzən qədrini
Gecikirsən üsyan elə ay ürək
Əvvəlkitək zövq almaqda acizsən
Əl-qolunu itirmiş bir əlilsən
Son mənzilin uzaq deyil bilirsən
Gecikirsən aman yoxdur ay ürək
Yaşım çatmadı görəm mən sizi
Gəzdim ölkəmi mən qarış-qarış
Görmədim Zəngilan, Laçın, Şuşanı
Bir də Cəbrayılı, o Qubadlını
Hələ Kəlbəcərtək gözəl məkanı
Yaşım çatmadı, görəm mən sizi
Bir gəzib dolanam hər tərəfinizi
Necə qurban getdiz yağı düşmənə?
Heç kimsə bilmədi aqibətinizi
Yurddan ayrı düşdüz tarimar olduz
Gözlərdə durub, bədgüman olduz
Günah kimdədir, necə oldu ki,
Qoruya bilmədik tamam yox olduz
Gərək deyil şuşalı, laçınlı olam
Təəssüb çəkən vətən oğluyam
Keçdikcə illər hey aram-aram
Qorxuram sizə heç qovuşmaram
Düşmən torpağımda gəzib əylənir
Badələr qaldırıb, yallı da gedir
De necə dözüm, mən bu halətə?
Göz dağı verir mənə heyvərə
Düyünlər açılsın, simlər qırılsın
Sülh sazişləri bir yana qalsın
Hər gün sinəmə od qoyan düşmən
Silahın gücündən yanıb dağılsın
Kayzen.az 08.07.2019
