SEO rəqabət təhlili. Rəqiblərin SEO analizi

SEO markanın təqdimatının ən əhəmiyyətli və populyar üsullarındandır. Rəqabət təhlili SEO tədqiqatlarının strategiyasının qurulmasında mühüm yer tutur. Belə ki, təhlil mərhələlərini diqqətlə nəzərdən keçirməklə siz SEO tədqiqat strategiyasını daha da inkişaf etdirə bilərsiniz. Çünki həm strategiyanız üçün lazım olan dəyişiklikləri, həm də təkmilləşdirmələri aydın şəkildə görmək imkanı əldə etmiş olursunuz. Bununla yanaşı rəqiblərinizin işlərini, etdikləri səhvləri və ya üstünlüklərini daha da düzgün şəkildə müəyyənləşdirə bilərsiniz.
Strategiyanızı analiz etdiyiniz rəqiblərin nəticələrinə əsasən qurmağınız SEO tədqiqatınıza öz müsbət təsirini göstərəcəkdir. Bunun sayəsində rəqiblərinizin hansı sözlərə yönəldiyini, məzmun işlərini, hansı açar sözlərin daha effektli olduğunu müəyyən edə bilərsiniz. Bütün bunlar sizə rəqiblərinizin strategiyasını müəyyən etməklə onlardan bir addım öndə olmağınıza əlvəreşli şərait yaradacaqdır.
Beləliklə, rəqabət təhlili aparmaq üçün üç əsas səbəb vardır:

• rəqiblərinizin nailiyyətlərinin sirlərini tapa bilərsiniz,
• strateji üstünlüklərə nail ola bilərsiniz,
• əlaqə imkanları əldə edə bilərsiniz.

SEO rəqabət təhlili necə aparılmalıdır?

• rəqiblərin müəyyənləşdirilməsi,
• açar sözlərin tapılması,
• məzmunun təhlil edilməsi (daha çox məzmuna sahib səhifələr sıralamada adətən üst sıralarda yerləşir),
• rəqibin veb-sayt dizaynının təhlil edilməsi (veb-sayt dizaynı vacib məsələlərdən biridir),
• rəqiblərin sosial şəbəkə hesablarının təhlil edilməsi,strategiyanın müəyyən edilməsi.

Rəqiblərin SEO analizinin bütün mərhələlərini yaxşı mənimsəmək və yerinə yetirməklə siz istədiyiniz nəticələrə nail ola bilərsiniz.