33 millisaniyədə verilən qərar

Yeni bir araşdırmya görə insan, yad bir insanın etibarlı olub olmadığına 33 millisaniyədə qərar verir.

ABŞ-dakı Nyu-York universitetinin psixoloqları yeni bir araşdırmayla, yad bir insana güvənib, güənməməyimizə qərar verməyimizin 33 milli saniyə çəkdiyini ortaya çıxarıb.

Bir millisaniyə, saniyənin mində biridir. Araşdırmaya görə insanlar, qaşları yüksək və almacıq sümükləri nəzərə çarpan insanlara, üzləri, qaşları düşük, almacıq sümükləri batıq olanlara nisbətdə daha çox güvənirlər.

Araşdırma çərçivəsində bir qrup könüllüdən komputerdə 300 insan üzünə baxmaları və bu üzlərin nə qədər etibarlı olduğuna qərar vermələri istənib. Mütəxəssislər, bütün könüllülərin bir insana güvənib güvənməyəcəklərinə, bu üzü bilgili bir şəkildə aşkarlamadan öncə qərar verdiklərini deyiblər. Onlar bəzi üz cizgilərinə sahib insanların, bütün iştirakçılar tərəfindən daha etibarlı qəbul edildiyini bildiriblər.

Tanınmış aktrisa Ancelina Coli də, etibarlı insanlara örnək göstərilib.