Ürəyin xəstədir? Qaç!

Son illər statistika bəyan edir ki, dünyada sağlamlıqla bağlı 1 nömrəli problem ürək-damar sistemi ilə bağlıdır. Miokard infarkt; nəinki həkimlərə məlumdur, bu gün hətta məktəblilər də ondan əziyyət çəkir. Məsələ ondadır ki, ürək adi əzələdir və lazımi gərginlik olmadan atrofiyaya uğrayaraq gücünü itirir.

Bu gün adi həyatda insanlara böyük fiziki güc gərəkli deyil və zəif inkişaf etmiş əzələlər həyati keyfiyyətlərə təsir etmir. Lakin ürəklə vəziyyət tam başqadır. Belə ki, ürək hər zaman işləyir və müntəzəm stresslər onu tez-tez döyünməyə məcbur edir.  Əgər ürək lazımi gərginliyi almırsa, bu zaman qan dövranı zəifləyir və nəticədə ürək əzələləri oksigen çatışmazlığından əziyyət çəkir. Zamanla bu vəziyyət ürək xəstəliklərinə gətirib çıxarır.
Əlbəttə, ideal variant nizamlı qaydada idmanla məşğul olmaq ürək əzələlərini məşq etdirməkdir. Təəssüf ki, bir çoxları müəyyən xəstəlikdən sonra ürək haqda düşünməyə başlayır. Bu zaman isə artıq həkimə müraciət edib müalicə kursu keçmək, sonra isə ürək əzələlərinin bərpası haqda düşünmək olar. Ürəyin işias xəstəliyi və miokard infarktı – ürək əzələsində zəif qan dövranıdır (müxtəlif səbəblərdən yarana bilər). Qan dövranının bərpası üçün müəyyən məşqlər etmək lazımdır.

Ürək əzələsi üçün təbii və faydalı məşq sürətli yeriş və ya asta qaçış sayılır. Lakin ürəkdə müəyyən problemləri olan insanlar məşq zamanı bir neçə əsas qaydaya riayət etməlidirlər.
1. Məşq prosesini sürətli yerişlə başlayın (ilk 6 həftə). Məşq 20-30 dəqiqə olmaqla həftədə 3 dəfə edilməlidir.
2. İkinci mərhələ yenə 6 həftəlik sürətli yerişdir. Lakin məşq zamanı 45 dəqiqəyə 5 km yol qət etmək lazımdır. Həftədə 4 dəfə bunu edin. Ürək döyüntülərini nəzarətdə saxlayın. (dəqiqədə 100-120 döyüntünü ötməməlidir.)
3.  Normal əhvalın olduğu halda və əks reaksiyalar yoxdursa, növbəti 6 həftəlik proqrama keçə bilərsiniz. 5-6 kilometrlik məsafəni aşağıdakı qaydada keçin. Öncə sürətli yeriş, sonra asta qaçış. Məsələn: 50 metr yeriş, 150 metr qaçış. Gündəlik asta qaçışın müddətini artırın. Əgər sağlamlıqla bağlı problem yaranmırsa, tədricən qaçışa keçin. Ürək döyüntülərinə də nəzarət edin. (Dəqiqədə 120-130-u keçməməlidir.)
Tədricən baş verən bu məşq prosesində insan psixoloji və ya fiziki stress keçirmir.

Hətta sağlam qaçışa başlayanlarda da ürək əzələsində müsbət dəyişikliklər baş verir.
1. Ürəyin fəallığı artır, qan dövranı yaxşılaşır.
2. Sol mədəciyin həcmi artır. Ümumi ürəkdə isə dəyişiklik baş vermir. Nəticədə isə arterial damar genişlənir, ürək oksigenlə daha yaxşı qidalanır. Bu dəyişikliklər ilk 6 həftəlik məşq proqramında müşahidə olunur.
Ürəyin bərpası üçün daimi səy tələb olunur. Düzgün məşq proqramı seçsəniz, bu sizin ən yaxşı vərdişinizə çevriləcək. Həmçinin həyat keyfiyyətiniz yaxşılaşacaq.. Ən əsası isə bu gündən ürəyinizin qayğısına qalın.

Həmçinin bax: Arıqlamaq üçün qaçmaq və  Qaçış idmanı