daxili sekresiya xəstəlikləri kateqoriyası üzrə məqalələr

Qalxanvari vəz boğazda yerləşən kiçik kəpənəyəbənzər orqan olub, insanın bütün fiziki, mənəvi proseslərində iştirak edir. İnsanın enerjisi, əhvalı, sağlamlığı bu orqanın işindən asılıdır. Bu zərif vəzi sıradan çıxarmaq çox asandır. Deyirlər, qalxanvari vəz xəstəlikləri daha çox insanın həyat tərzi, davranışı və keçirdiyi hisslərdən başlayır. Hətta zərərsiz bilib, fərqinə varmadığınız gündəlik vərdişləriniz də onu qısa müddətdə sıradan çıxara bilər.

Yod çatışmazlığı və onun fəsadları nədir?

Mədəaltı vəzi iltihabı hazırda bir çox gənc kişi və qadınlarda rastlanır. Mədə və ürək nahiyədə ağrı,yanğı, köp, ürəkbulanma, hərarətlə əlamət verir. Çoxu bu xəstəliyə səhv qidalanma xəstəliyi də deyir. Çünki mədəaltı vəz müasir qidaları sevmir. Pankreatitin müalicəsi ciddi dietadan keçir.
Alkoqol — qəti olmaz
Fast-food, restoran, kafe, küçə yeməkləri, tərkibində rəng, qatqı, konservant olan istənilən hazır qida
Tünd çay, qəhvə — kofein selikli qişanı qıcıqlandırır

Boğazda əllə hiss olunan törəmə, səsdə dəyişiklik, kəskin arıqlama və ya kökəlmə, saç tökülməsi, halsızlıq, yorğunluq kimi əlamətlər varsa, insanların ağlına gələn ilk ehtimallardan biri də ur, yəni qalxanabənzər vəzinin xəstəliyidir.
Bu xəstəliyin yaranma səbəbi, əlamətləri və müalicəsi barədə Mərkəzi Gömrük Hospitalının ümumi cərrahı Elnur Pirəliyev tövsiyələrini bölüşüb.

Şəkərli diabetdən əziyyət çəkənlər daim qanda şəkərin səviyyəsinə nəzarət etməlidir. Bu işdə xəstəyə xüsusi dərman preparatlarının qəbulu, pəhriz və fiziki aktivlik kömək edir.
Bəzi təbii vasitələr də qanda şəkərin səviyyəsini aşağı salmağa kömək edir. Ən güclü belə vasitə adi darçındır.
Elmi araşdırmaların nəticələrinə görə darçın karbohidratların orqanizmdə parçalanmasını ləngidir və bununla da qanda şəkərin səviyyəsini aşağı salmağa yardım edir.

Zəhərli zob Qalxanvari vəzin çox çalışmasına bağlı olaraq tiroid hormonlarının çox miqdarda ifrazı nəticəsində əmələ gəlir.
Zəhərli zob:

• Qreyvs xəstəliyi
• Toksik adenom
• Toksik çoxdüyünlü zob şəklində olur.
• Qreyvs xəstəliyi

Xəstəlik autoimmun dediyimiz bir səbəblə olur. Bətndaxili dövrdən və yaşadığımız müddətdə immun sistemimiz öz hüceyrələrimizi tanıyır, yad qəbul etmir. Lakin kənardan orqanizmə daxil olan proteinləri dərhal bilir, yad qəbul edir və onu məhv etməyə çalışır. Bunlar bakteriya və ya virus və ya uyğun olmayan orqan nəqli ola bilər. Səbəbi məlum olmayan səbəblə bəzən immun sistem öz hüceyrələrini tanımır, yad kimi qəbul edir və ona qarşı, onu yox etmək üçün antitellər yaradır. Bu antitellər də xəstəliyə səbəb olur. Bu tip mexanizmlə yaranan xəstəliklərə  autoimmun xəstəliklər deyilir.

Haşimoto xəstəliyi ömür boyu davam edən qalxanvari vəz iltihabıdır. 1912-ci ildə Yapon alimi Akira Hashimoto tərəfindən təsvir edildiyindən xəstəliyə bu ad verilib. Autoimmun tireoidit ən çox qalxanvari vəz yetməzliyinə səbəb olan xəstəlikdir. Bu xəstəlik autoimmun adlanan xəstəliklər qrupuna aiddir. Orqanizm özü öz toxumasını tanımır, yad qəbul edir və yox etməyə çalışır. Haşimoto tireoiditində orqanizm qalxanvari vəz toxumasını yox etməyə çalışır və çox miqdarda anti-TPO və anti-tireoqlobulin (Anti Tg) antitelləri yaradır. Bu antitellər qalxanvari vəzə bağlanaraq tireoid hüceyrələrini məhv edirlər.

Depressiya dərmanlarından və antidepressantlardan söz düşdükdə ilk növbədə ağıla gələn şey serotonin hormonu olur. Yəni serotoninin çatışmazlığı səbəbəndən meydana çıxan xəstəlikləri müalicə etmək üçün antidetressantlara ehtiyac olur.

Serotonin nədir?
Serotonin bir neyrostimulyatordur.Yəni serotonin sinir hüceyrələri arasında elektrik siqnallarının daşıyıcısıdır. Serotoninin vəzifəsi bir sinir hüceyrəsindən aldığı siqnalı digər sinir hüceyrəsinə ötürməkdən və beyini çalışdırmaqdan ibarətdir.

Serotonin insanın beynində əmələ gəlir və orqanizmin müxtəlif nöqtələrinə ötürülür. Adətən mərkəzi sinir sistemində və mədə bağırsaq yollarında tapılır.Mərkəzi sinir sistemində olan serotonin insanın ruh halını, yuxusunu, iştahını, biliyini, yaddaşını, cinsi və sosial həyatını tənzimləyir.

Şəkərsiz diabet termini altında çox miqdarda durulaşmış sidik ifrazı ilə xarakterizə olunan xəstəliklər toplanıb. Əksər hallarda həmin xəstəliklər antidiuretik hormonun istehsalı və ya təsirinin pozulması ilə əlaqədar olur.

Şəkərsiz diabet şəkərli diabetlə müqayisədə nadir hallarda rast gəlinən xəstəlikdir. Şəkərli diabet insulin çatışmazlığı və ya insulinə rezistentlik, qanda qlükoza səviyyəsinin yüksəlməsi səbəbindən susuzluq və sidik ifrazının artması ilə xarakterizə olunursa, şəkərsiz diabet zamanı yaranan poliuriyanın qanda qlükoza səviyyəsi ilə heç bir əlaqəsi olmur. Orqanizmdə mayenin həcmini və onun tərkibini balanslaşdıran xüsusi sistemlər fəaliyyət göstərir. İlk növbədə böyrəklər mayenin artığını orqanizmdən xaric edir və sidik əmələ gətirir. Orqanizmə daxil olan suyun miqdarı azalanda, yaxud hədsiz tərləmə və ya ishal nəticəsində maye itkisi baş verəndə böyrəklər kompensator olaraq daha az sidik ifraz edir, bununla da maye balansını qorumuş olur.

İldən ilə şəkərli diabet xəstəliyindən əziyyət çəkən insanların sayı bütün dünyada sürətlə artır.

Müasir tibbdə bu ən ciddi problemlərdən biri sayılır.

Hər il bütün dünyada xəstələrin sayı 6-10% artır, hər 10-15 ildən bir xəstələrin sayı 2 dəfə artır. Bəzi hesablamalara görə, hal hazırda bütün dünyada 200 mln.-dan artıq şəkərli diabet xəstəliyindən əziyyət çəkən insanlar var.

Bu xəstəlikdən heç bir insan sığortalanmayıb. Şəkərli diabet hər bir insanda və hər yaş dövründə inkişaf edə bilər.

Şəkərli diabetin erkən aşkar olunması çox vacibdir. Uzun müddət ərzində inkişaf edən və aşkar olunmayan şəkərli diabet müxtəlif ağır fəsadlara, o cümlədə diabetik komaya, səbəb ola bilər.

Xəstəliyin ilk simptomlarını hər bir insan bilməli və özündə bu simptomları (və ya onlardan bəzilərini) müşahidə etdikdə, dərhal endokrinoloqa müraciət etməlidir.