Poeziya kateqoriyası üzrə məqalələr

— Görən yenə Şuşanın bal dadırmı havası?
— Tərtərin nəğməsinə görən kim qulaq asır?
— El gedəndən Həkəri necə boğur hirsini?
— Yazılı daşlarımız kimə verir dərsini?
— Bizləri unutdumu görən Göyçə, Zəngəzur?
— Təbriz niyə danışmır, Ərdəbil niyə susur?
— Bu ehkam dağılanda qatmazlar ki aranı?

Məncə dilimizin əsas qüvvəsi,
Əvəzlik, say, isim, sifət deyildir.
Mənimçün ən əziz nitq hissəsi,
Feldir, çünki «sevmək» feldir.

Ulduz sayaraq gözləmişəm hər gecə yarı,
Gec gəlmədədir yar yenə, olmuş gecə yarı

Gözlər asılı, yox nə qaraltı, nə də bir səs,
Batmış qulağım gör nə döşürməkdədi darı

Bir quş: “Ayığam”-söyləyərək gahdan inildər,
Gahdan onu day yel deyə laylay huş aparı

Yatmış hamı, bir Allah oyaqdı, daha bir mən
Məndən aşağı kimsə yox, ondan da yuxarı

Suda qərq etsə də ey dil, məni-naçarı yağış
Söndürə bilmədi qəlbimdəki odları yağış

Göydə səyyarələr ağlar bir bax bu su da
Yarı səyyarələrin göz yaşıdır yarı yağış

Soyuq ahım ki buludlu göyə getdi, çatdı
Ol zamandandı tutub çölləri, gülzarı yağış

Necə ar eyləməyib busə o güldən dilədim
Yuyub üzdən aparıb yoxsa həya, arı yağış

Bir-birimizdən küsmək nə lazım,
Yaxşılıq yaxşıdı, pislik nə lazım.

Bunu demədimi atalar bizə,
Gələr bəd əməldən xətalar bizə!

Qoysan bu dünyada yaxşı əməllər,
Ruhuna min rəhmət söyləyər ellər.

Tək qalmaq istərəm,
Tək qalmaq, hərdən.
Özümə çəkiləm bayquşdan betər:
Dartmalar, didmələr,deyinmələrdən
Qulağım dolubdur,
daşıbdı, yetər...
Sanaram bir axşam düşüncəm duru,

Pəncərəm önündə sular çağlayır,
Xal düşür gecənin aydınlığına.
Qollarım üstündə bir qız ağlayır,
İnana bilməyir qadınlığına.
Başının örpəyi yana sürüşüb,
İçməyib,məst olub…

Qəzəbim özümə ar gəlir mənim,
Mən dağam, zirvəmə qar gəlir mənim,
Adamlar əynimə dar gəlir mənim,
Çıxardın əynimdən bu adamları…

Menyu

Döyməkabab, söyməkabab
Əyməkabab, uymakabab
Ciyərkabab, xiyarkabab
Cigərkabab, digərkabab
Şairkabab, anarkabab
Nazirkabab, nəzirkabab
Deputatkabab, debilkabab
Laçınkabab, Şuşakabab
Rəiskabab, rəzilkabab
Cəbhəkabab, Müsavatkabab
AMİPkabab, YAPkabab
MTNkabab, BABkabab
Demokratkabab, liberalkabab
Vətənkabab, gödənkabab
Bir də… arnamuskabab.

Bilmirəm heç nəyi, lələ, bilmirəm,
Mən kiməm, nəçiyəm, hələ bilmirəm.
Getmişəm, özümə gələ bilmirəm,
Dəli olmağıma bir addım qalıb.

Ömrümün bu yaşda nağılına bax,
Nağıldı, ay Allah, nağıl, ona bax!
Ağılsız eşqimin ağılına bax,
Dəli olmağıma bir addım qalıb.