Ramazan ayı kateqoriyası üzrə məqalələr

Bismilləhir-Rahmənir-Rahim!
Mübarək Ramazan ayının Şah zirvəsi olan Qədr gecəsinin Əhya gecələrini yaşamaqdayıq. Allahdan hər bir kəs üçün bu mənəvi ziyafətdən tam şəkildə istifadə edə bilmək, bu gecələrdə ayılmaq, oyanmaq, dirilməyi istəyirik. Xoş olsun halımıza ki, Allah Təala belə əzəmətli gecələri yaşamağı lütf edib!

Möminlər bütün dövrlərdə Qədr gecələrində məscidə tələsərdilər. Həmin gecələrdə Qədr gecələrinin fəzilətindən danışardılar. Əgər hansısa günah işlətsələr, bu mübarək gecənin intizarını çəkərdilər. Çünki bilirdilər ki, bu, elə gecədir ki, heç bir insan əliboş geri qayıtmaz. Heç bir ürək İlahi rəhmətdən ümidsiz olmaz. (Tebyan)
Bu həyəcan və şövqü yeni nəslə ötürə bilmişikmi? Bu nəsil yeni texnika ilə dəyişsə də, ürəkləri həmin ürəkdir. Həmin ixlaslı və intizarda olanlar ürəklər.

Şeytanın (lən) bu mübarək aydakı ən çox fəaliyyəti — bu ayın feyz və bərəkətini bizdən almağa çalışmaqdır. Əgər bir qədər diqqət etsək, görərik ki, bu ayda münaqişələrin və yersiz vaxt öldürməklərinin sayı kifayət qədər olur. Şeytan öz dostlarının yardımı ilə fitnə və münaqişə hazır edər və çalışar ki, insanlar bu mübarək aydan az tövfiq əldə etsinlər. (Tebyan)
Ramazan ayı demək, İlahi ziyafətə daxil olmaq deməkdir. İnsan nəfsinə deyər ki, bəsdir yedin, indi Allaha diqqət etmək, ibadət etmək zamanıdır. Biz Məhbubumuzla xəlvət etmək istəyirik və ancaq yediklərimiz bizi Ondan qafil edir.

Ramazan ayı bütün ayların sultanı olub, xüsusi əhəmiyyətə malik olan aydır. Bu, o aydır ki, Allahın rəhmət qapıları açılar və günahlar bağışlanar, dualar qəbul olar, sədəqələr qəbul olar, iftar süfrələri açılar və möminlərə təam verilər, Quran tilavət olunar, istiğfar edilər və oruc tutular...
Bundan başqa, bəzi amillər vardır ki, bu ayı başqa aylardan üstün edər.

İmam Baqir (ə) buyurur: “İslam beş dayağın üzərində inşa olunmuşdur: namaz qılmaq, zəkat vermək, Ramazan ayının orucu, Beytul-haramın həcci, biz Əhli-Beytin (ə) vilayəti”. Quran-Kərim oruc barəsində buyurur: “Ey iman gətirənlər, sizdən əvvəlkilərə yazıldığı kimi, sizə (də) oruc yazıldı və qərara alındı, (ki,) bəlkə (ruhunuz qüvvətlənsin və nəfsi istəklərdən)çəkinəsiniz”. (”Bəqərə” 183).

Ramazan ayında oruc tutan insanlarda yuxu pozğunluğu və halsızlıq yaşana bilər. Yaxşı, yuxusuzluğun qarşısını almaq üçün hansı tədbirlər görülməlidir. Diqqətlə oxuyun!
Mübarək Ramazan ayında yuxu pozğunluğunun arta biləcəyini nəzərə alaraq, həddindən artıq qəhvə və dəm çayının istehlakından qaçmaq lazımdır.
Dos. Dr. Yavuz Selvi, Ramazan ayında yuxusuz olma məsələsinə toxunaraq rahat yatmanın insanın öz əlində olduğunu söyləyib.

Allah Təala orucu vacib edərək, insanların təqvasını imtahana çəkmək istəmişdir. Həzrət Zəhra (s.ə) “Fədəkiyyə” xütbəsində buyurmuşdur: “Orucun vacib olmaq səbəbi – insanların ixlas meydanında imtahana çəkilməsidir”.
Oruc – elə ibadətdir ki, ancaq Allahla bəndə ondan xəbərdar olar. Onu tutmaq və tutmamaq yolu ilə insanların təqvası imtahana çəkilər. Ola bilsin ki, insan oruc olsun, ancaq başqalarının bundan xəbəri olmasın.

«Oruc tutulan zaman səhhətdə bəzi narahatlıqlar yaranır ki, bəzən bu hallara görə insanlar özlərini oruc kimi nemətdən məhrum edirlər». Bunu həkim-fitoterapevt Füzuli Hüseynov deyib.
Həkim bildirib ki, artıq bütün dünya ac qalmanın faydasını görmək üçün bunun 30 gün davam etmə vacibliyini qəbul edir:

Mübarək Ramazan ayı gəlməkdədir və Allah Təala bu ayda hər bir sağlam bəndəsinə oruc tutmağı əmr etmişdir. Bəs orucun nə faydası vardır ki, Uca Allah bu qədər ona əməl etməyə təkid edir?
1. Oruc insanın təqvasını gücləndirər və ixlaslı olmasına səbəb olar. İmam Sadiq (ə) buyurur: “Allah Təala buyurmuşdur: “Oruc Məndəndir və mükafatını də Mən verirəm””.
Həzrət Zəhra (s.ə) buyurur: “Allah orucu, ixlası möhkəmləndirmək üçün vacib buyurmuşdur”.
2. Dünya və axirət əzabına mane olar. İmam Əli (ə) buyurur: “Oruc mədəni daraldar, əti tökər və cəhənnəmin yandırıcı istisindən uzaq tutar”.

«Oruc tutmağın orqanizmə müsbət təsir etməsi öz təsdiqini tapmış bir faktdır. Ancaq təbii ki, bu halda qidalanma rejiminə diqqət yetirmək çox önəmlidir. Ac-susuz qalmağın bədəni zərərli maddələrdən təmizlədiyini, lakin bu zaman da qida səbətinə ciddi fikir verməyin lazım olduğunu diqqət edilməlidir».

Bunu həkim-fitoterapevt Elnur Eldaroğlu «Oruc tutmaq kimlərə olmaz?» adlı məqaləsində bildirib. Orucluq zərərli maddələrin ən böyük düşmənidir. Bəzən bundan da yanlış şəkildə istifadə edilir, gün ərzində ac və susuz qalmağın əvəzi iftarda bunlardan çox istifadə edərək çıxarılır. İftarda çox sürətli yemək çox ziyanlı nəticələrə gətirib çıxarır. Sahur və iftarda xüsusilə duz istifadəsini məhdudulaşdırmaq lazımdır. Çünki insan uzun müddət ac qaldıqda özündən asılı olmayaraq bu kimi qaydaları unuda bilir.