Maraqlı faktlar kateqoriyası üzrə məqalələr

• 1977-ci ildə NASA kosmosa Voyagerraketini buraxarkən ona qızıl plastinka da əlavə edib. Əgər raket yadplanetliləri­n əlinə keçərdisə bu plastinka onlara Dünya haqqında dolğun məlumat verəcəkdi. Burada Yer sivilizasiyası haqqında dolğun informasiya, şəkillər və 27 musiqi parçası vardı. Plastinkanın içərinsdə olan 27 melodiyadan biri Azərbaycan musiqisi idi.
• 1863-cü ildə Jül Vern XX əsrin Parisiadlı kitab yazıb. O, bu kitabda o vaxt mövcud olmayan avtomobilləri, faksı və elektrik stulunu ətraflı şəkildə təsvir edib. Naşir onu ağıldan kəm adlandıraraq, əlyazmasını geri qaytarıb.
• Osmanlı dövründə qadınlara verilən ən dəyərli hədiyyə güzgü imiş. Bunun anlamı Sənə səndən dəyərli bir hədiyyə tapa bilmədimdemək idi.

Siluet 

Hüdudları aydın nəzərə çarpan insanın, obyektin və ya səhnənin təkrəngli, adətən, qara, şəklinə siluet deyilir. Bu sözün bu mənada işlədilməsi 1759-cu ildə Fransanın maliyyə naziri olmuş Etyen Siluetin soyadı ilə bağlıdır. Belə ki, həmin ərəfədə Avropanı qana bulamış yeddiillik müharibə zamanı Fransa maliyyə böhranı yaşayırdı və nazir Siluet vəziyyətdən çıxış yolunu müxtəlif islahatların həyata keçirilməsində gördü. Bu islahatlara kral ailəsinin və sarayın xərclərinin və təqaüdlərin azaldılması daxil idi. İslahatlar hakim və zəngin təbəqə tərəfindən xoş qarşılanmamışdı və nazirin nüfuzuna mənfi təsir göstərmişdi.  Həmin dövrdə qara kağızdan kəsilmiş şəkillərin bəyaz kağız üzərinə yapışdırılmasından ibarət olan yeni incəsənət növü meydana gəldi. Bu qayda ilə yaradılmış əsərlər bahalı və bəzəkli rəsmlərlə müqayisədə ucuz və sadə idilər. Maliyyə naziri Etyen Siluetin islahatları da Fransada “ucuz” və bəsit hesab edildiyindən yeni yaranmış incəsənət əsərlərinə də onun soyadı – “Siluet” verildi. 

Qədim zamanlarda bir insanın düşmənini yeməyə dəvət edib ona zəhərli içki təqdim etməsi təbii hal sayılırdı.
Ev sahibi içkinin zəhərsiz olduğunu sübut etmək üçün öz içkisini havaya qaldırar və qonağın içkisindən bir qurtumun öz qədəhinə tökülməsini istəyərdi. Sonra eyni anda içkilərini içərdilər.

Qonaq belə vəziyyətdə ev sahibinə etibarını göstərmək üçün qədəhini ev sahibinin yuxarı qaldırdığı qədəhə yüngülcə vurar ''çin'' səsi ilə içkinin sınağına gərək olmadığını eyham etmiş olardı.

Azərbaycanda xalçaçılıq nümunələrinin yarandığı ilk şəhərlərdən biri Təbrizdir. Təbriz xalçaçılarının toxuduqları ən məşhur xalçaçılıq nümunəsi “Ərdəbil xalçası«dır. Bu xalça uzun müddət dünyanın ən böyük xalçası olmuşdur. Uzunluğu 11,5 m, eni 5,34 m, ümumi sahəsi 61 m² olan xalça dünyanın nadir xalçalarından biridir.

1539-cu ildə Səfəvi hökümdarı I Təhmasibin sifarişi ilə Ərdəbil məscidi üçün toxunmuşdur. Xalçanın digər adı „Şeyx səfi” xalçasıdır. “Şeyx Səfi” xalçası 1893-cü ildə auksionda satılarkən İngiltərəyə gətirilib. Bəzi məlumatlara görə, xalçanı “Ziegler & Co.” adlı xalçaçılıqla məşğul olan bir şirkətə satıblar. Xalçanın satılması ilə əlaqədar danışıqların 1888-ci ildən başlanması barədə söhbətlər də var. 1892-ci ildə Londonda “Vincent Robinson & Co.” şirkəti tərəfindən ticarət evində böyük bir xalça satışa çıxarılıb. Həmin xalça məhz Şeyx Səfi (Ərdəbil) xalçası olub. Xalçanın satışına o dövr üçün yüksək qiymət qoyulub. Xalçanın şöhrəti tezliklə Viktoriya və Albert muzeyinin rəhbərliyinə də çatıb. Muzeyin William Morris adlı dizayneri bu xalçanın möhtəşəm olmasını muzeyin rəhbərliyinə çatdırıb və onun mütləq muzeydə olmasının vacibliyini qeyd edib.

Xəritələrə baxsanız, Atlantik ökeanında bir tərəfi Mayami, bir tərəfi Puerto Rikoya digər tərəfi Bermud adalarına baxan yanlış formalı üçbucaq görünür. Əfsanələrə görə, bir çox adamlar, gəmilər, təyyarələr sirli şəkildə bu rayonda itkin düşürlər. İtkin düşənlərin sayı əsasən kimin üçbucağın yerini nə qədər bilməsindən və hesabatları necə aparmasından asılı olur. Üçbucağın ölçüləri 0.93-dən 2.79 mln.kv.metrə qədər dəyişir. Hər şey müəllifin təsəvvüründən asılıdır ( bəziləri Bermud üçbucağını Azor adalarına, bəziləri Meksika körfəzinə, bəziləri isə Vest-Hind adalarına aid edir). Bəzi tədqiqatçılar hesab edirlər ki, bu ərazinin sirri gedib Kolumba çıxır. Hesabı məhz həmin dövrdən aparsaq Bermud üçbucağında son 500 ildə 200-dən 1000-ə qədər hadisə baş verib. Hərbi- Dəniz, tarixi mərkəzinin əməkdaşı Hovard Rozenberq iddia edir ki, 1973-cü ildən bəri ABŞ-ın sahil mühafizəsi 8000-dən artıq fəlakət siqnalına cavab verib. Sonuncu yüz illikdə isə Bermud üçbucağında təxminən 50 gəmi, 20 təyyarə itib. Sirli itkinlərlə bağlı yadplanetlilərdən tutmuş Atlantidanın qalıqlarında yaşayan antiqravitasiya alətləri və ya digər hələ bizə məlum olmayan texnologiyalara sahib pis niyyətli insanla qədər çoxsaylı fərziyyələr irəli sürüldü. Bəziləri deyir ki, hər şeyin səbəbkarı qanlı axıntılardır, digərləri deyir əsas səbəb ərazidəki maqnitdir. Əlbəttə ki, biz bu rayonda baş verən bədbəxt hadisələri inkar edə bilmərik. Tədqiqatçı-skeptiklər isə daha çox real səbəblərə üstünlük verirlər. Onlar məsələn, təbiət, uğursuzluq, dəniz quldurları, partlayıcı yüklü gəmilər, savadsız dənizçilər və digər təbii və insan faktorlarına inanırlar.

Insanlar bəzən kreativliyi son həddə çatdırmağı bacarırlar..Bu isə bəzən kreativlikdən çox frik-şouya bənzəyir…  
    1)Bəy və gəlin 'Ulduz müharibələri' filmini çox sevirlər deyəsən  2) harmoniya  3)Şrek və Fiona real həyatda 4)Gotika tərzi 5)Mcdonaldsda toy-Bəy və gəlinin daimi görüş məkanı olub deyəsən  6) Zombi-toyu-həyatlarında və həyatlarından sonrakı zombi yaşamlarında uğurlar 7)Əsas odu ki Gəlinin üzü görünməsin :) 8)Təhlükəsizlik əvvəldir-Hərbiçi toyu                                                                                      Ola bilər ki normal bir mərasimlə evlənməsinlər-amma hər bir cütlüyə ailə həyatında uğurlar :)

Dünya ədəbiyyatında ən “məşhur” vampir Brem Stokerin təxəyyülünün məhsulu olan “Drakula”dır. “Klassik” Drakulanın müasir obrazı  bu vampir hesab olunur.

Əslində isə bu vampir obrazının törətdiyi müdhiş vəhşiliklər, əsl Drakulanın – yəni, həqiqətdə Valaxiyanın (indiki Rumınya ərazısı) knyazı olmuş, “Drakula” ləqəbli III Vladın törətdiyi qorxunc vəhşiliklərlə müqayisədə, uşaq nağıllarına bənzəyir. Müqayisə üçün azens.az saytının təqdim etdiyi aşağıdakı 10 tarixi fakta nəzər salaq:

1. Drakula çörəyi bir vedrə qana batırıb yeyərdi.
Drakula haqqındakı yazılardan belə məlum olur ki, əslində, Drakula, öz şikarının boğazını dişləyərək qanını içmirmiş. Amma o qanı qida məhsulu kimi gündə bir neçə dəfə qəbul edirmiş. O, işgəncə ilə öldürdüyü adamların qanını vedrəyə doldurtdurub, yediyi çörəyi vedrədəki qana batırıb qanla isladaraq, yeyərmiş.

Qafqaz

“Qafqaz” adına ilk dəfə e.ə. VI—V əsrlədəki qədim yunan müəlliflərinin əsərlərində — Esxilin “Zəncirlənmiş Prometey”ində və Herodotun mətnlərində rast gəlinir. Kəlmənin mənşəyi haqqında müxtəlif iddilar mövcud olsa da, onlardan ən qədimi 77-ci ildə Plininin “Təbii tarix” əsərində verilir. Müəllif kitabında “Qafqaz” sözünün skif dilində “parlaq buzlu, qarlı” mənasındakı “krou-khasis” kəlməsindən törədiyini bildirir.

Azərbaycan əfsanələrində  Elbrus dağının qədim adı Qaf dağı kimi qeyd olunur və  dar məqamda insanların imdadına çatan Simurq quşu da burada yaşayır.

Həm şöhrət, həm də pul gətirən şeylərdən biri də kəşfdir. İnsanlar həmişə nəsə icad etməyi arzulayıblar. Ancaq bəziləri var ki, kəşfləri insanlara fayda versə də, özlərinin ölümünə səbəb olub:

Mariya Küri – kimyaçı
İki dəfə Nobel mükafatını qazanan ilk qadın olan Küri də öz ixtirasının qurbanı olub. Çox yüksək radioaktivliyə malik radium və polonium elementlərini kəşf edən Küri I Dünya Müharibəsində yaralı əsgərləri müalicə etmək məqsədilə radiumdan alınan radon qazından istifadə edib. Ömrünün böyük hissəsini radioaktiv elementlərin içində keçirən Kürinin sağlamlığı getdikcə pozulub. Küri 4 iyul 1934-cü ildə 66 yaşında anemiyadan dünyasını dəyişib. 

Tomas Endrüs — memar
İrland Tomas Endrüs mindən çox insanın ölümünə səbəb olan “Titanik” gəmisinin memarlarından biri olub. Endrüs da həmin gəminin sərnişinləri kimi Atlantik okeanının dibinə yuvarlanıb.

Test

Latın dilində  “testum” adətən gildən hazırlanan odadavamlı qaba deyilirdi. Qədim zamanlarda qızıl və gümüş indiki kimi qiymətli daşlar hesab olunurdular və onların xalisliyini yoxlamaq insanlar üçün çox vacib idi. Ticarət zamanı sikkələrin xalis daşlardan düzəldildiyini yoxlamaq üçün onlardan bir nümunəni “testum” adlanan qablarda əridir və ayrılan məhlulları ölçürdülər. Sonradan bu kəlmə “test” şəklini aldı və bütün növ qiymətləndirmələrə şamil olundu.

Braziliya

Portuqaliyalı  səyyah Pedru Kabral XVI əsrdə Braziliyanı kəşf edərkən oranı Həqiqi Xaç Torpağı (portuqalca Terra da Vera Cruz) adlandırmışdı. Sonradan bu ərazilər Müqəddəs Xaç Torpağı (port. Terra da Santa Cruz) kimi tanındı.