Maraqlı faktlar kateqoriyası üzrə məqalələr

Dünyanın axırının nə vaxt olacağını birinci dəfə deyil ki, elan edirlər və gözləyirlər. Tarixdə bu dəfələrlə olub.

Bunların ən məşhurları:

500-ci il. 3 Roma ilahiyyatçısı elan etmişdi ki, 500-ci il dünyanın sonudur və bu vaxt İsa peyğəmbər
yenidən dünyaya gələcək.

 1666-cı il. 17-ci əsrin əvvəlində və ortalarında əminlik var idi ki, 1666-cı il dünyanın sonu olacaq. Bu əminlik 3 “6”-nın dalbadal gəlməyinə, 666 isə öz növbəsində Tövrata əsaslıanırdı ki, 666 şər qüvvə ilə bağlıdır.

1843-1844-cü illər. Amerikalı dini fəal Miller inanırdı ki, İsa peyğəmbərin ikinci gəlişi 1843-1844-cü illərdə olacaq. Bu vaxt Yer od tutub, yanacaq.

Hər bir xalqın da özünəməxsus hədiyyə ənənələri mövcuddur. Evə ilk dəfə gələn insanın hansı hədiyyəni gətirməsi, hansı hədiyyənin nə məna daşıması və s. Hansı ölkələrdə hədiyyə adət-ənənəsi necədir?

Almaniya
— Sizə hədiyyə alınmayınca, hədiyyə verməməyə çalışın. Çünki almanlara görə, hədiyyə lazımlı vaxtda verilməli və səhv anlaşılmalara yol açmamalıdır.
— Yaxşı və keyfiyyətli məhsulları sevsələr də, çox bahalı hədiyyələrə üstünlük vermirlər.
— Ala biləcəyiniz ən yaxşı hədiyyələr isə qələm və spirtli içkilərdir.
— Alman evinə qonaq gedəndə bir dəstə gül çələngi ilə ev sahibini məmnun edə bilərsiniz.
— Geyimə aid hər hansı bir hədiyyə seçimi qarşısında qalıbsınızsa, düşünmədən şərf seçin. Almanlar geyimlərini şərfla tamamlamaqdan zövq alırlar.

Dünyanın ən uzun çayı: Nil-Afrika 

Dünyanın ən yüksək dağı:Comolunquma(Everest)-Asiya–8.848 m. 

Dünyanın ən böyük səhrası: Böyük Səhra(Saxara),Afrika

Dünyanın ən böyük mağarası: Carlsbad Mağarası-New Mexico, ABŞ

Dünyanın ən böyük gölü: Xəzər Dənizi–376 min km² 

Dünyanın ən böyük adası:Qrenlandiya–2.175.597 km² 

Robot

İyirminci əsrin məşhur çex yazıçısı Karel Çapek 1920-ci ildə “R.U.R.” (“Rossumun Universal Robotları”) elmi-fantastik pyesini nəşr etdirərkən əslində, dünyəvi lüğətə yeni söz ərmağan edəcəyindən bixəbərdi. Pyesdə hadisələr “robot” adlı “süni insanlar” istehsal edilən zavodda baş verir. Zahirən insanlardan fərqlənməyən bu “robot”lar əslində müasir “android” məfhumuna daha yaxın idilər. Pyesdə insanlara xidmət etməkdə həvəsli “robot”ların bir müddət sonra insanlara qarşı üsyanı təsvir edilib.

K.Çapekin sözlərinə görə, “robot” sözünü özü deyil, rəssam qardaşı Yozef Çapek ixtira etmişdi. O, əvvəlcə məxluqları latınca “işçilər” mənasını ifadə edən “labori” adlandırmaq istəyir. Amma bu kəlmə könlünə yatmır və məsləhət üçün qardaşına müraciət edir. Yozef Çapek isə çex dilində “ağır iş” mənasındakı “robota” sözündən “robot” kəlməsini uydurur.

Kaliforniya Yanğınsöndürmə İdarəsi yanğından sonra meşədə yanmış bir dalğıc cəsədi tapdı. Üstəlik, bu cəsəd dalğıc paltarı, dalğıc üzgəci, dalğıc maskası və dalğıc  balonu ilə  “tam təchizatlı”  bir dalğıc cəsədi idi. Əlbəttə ki, belə bir cəsədin meşə yanğınında tapılması çox təəccüblü idi. Ancaq polis hadisəni araşdırdıqdan sonra bütün sirlər ortaya çıxdı.

  Əslində hadisə belə baş verib. Dalğıc o gün meşədən 20 km məsafə uzaq olan dənizə girmişdi. Meşədə yanğın baş verəndə yanğınsöndürən vertolyotları su götürmək üçün o dənizə getmişdilər. Və su çənlərini dənizə salaraq, oradan yanğını söndürmək üçün su çəkmişdilər. Bu vertolyotlardan biri körfəzdən su çəkərkən dalğıcı da su ilə birlikdə “çəkmişdi”. Sonra da yanğın yerinə apararaq, orada (üstəlik neçə metr yüksəklikdən) yanğının içinə atmışdı.  Nəticədə dalğıc yanaraq ölmüşdü.

Sendviç

18-ci əsrdə yaşamış 4-cü Sendviç qrafı, ingilis zadəgan Monteqyu Con tez-tez qulluqçusuna tapşırardı ki, aşbazının yağda qızartdığı əti ona çörəyin arasında gətirsin. Kart oynayan zaman əllərini yağa bulaşmaqdan qoruduğuna görə zadəgan bu məzəni çox sevərmiş. Monteqyu Con qraf vəzifəsi daşıdığından onun sevdiyi məzə tezliklə məşhurlaşır və camaat “Sendviçin xörəyi”ndən sifariş etməyə başlayır. Sonradan çörək arasında ət parçası və tərəvəz olan bu yeməyə qrafın şərəfinə “Sendviç” adı verilir.

Bildiyimiz kimi əksər insanlar üçün zəngli saat güclü qıcıqlandırıcı amildir. ABŞ-ın Ceffri Tomson Neyroakustik Araşdırmalar Mərkəzinin alimləri bunu dəyişməyi qərara alıblar.
 
Məlumata görə, onların işinin nəticəsi «Tranquil Moments» zəngli saatı olub. İstehsalçıların sözlərinə görə, bu saat insanın tez yuxuya getməsinə kömək edir və yuxunun keyfiyyətini yaxşılaşdırır.

Sirr ondan ibarətdir ki, zəngli saat öz arsenalında alfa, delta və teta beyin dalğalarına təsir edən proqrama malikdir. Həmin dalğalar yuxunun fazaları dəyişdikdə bir-birini əvəz edir.

Heç kəsin, kompüter haqqında azacıq təsəvvürü olan balaca uşağın da ağlına gələ bilməz ki, «Appl» («Apple») qurucularının satışa buraxdıqları ən müasir, «digərlərindən bir çox üstünlükləri ilə» seçilən ilk fərdi kompüterin cəmi… 8 kbayt yaddaşı varmış. Terminal kimi adi televizordan istifadə zərurəti yaradan bu klaviaturasız kompüterlərin 8 kbaytlıq yaddaşının tam yarısını əsas mənbənin (Beyzik) tutduğunu nəzərə alsaq, müasir kompüterlərin «əcdadına» adamın sadəcə gülməyi tutur. 
Ancaq real tarix budur: Stiv Voznyak adlı gənc xeyli zəhmətdən sonra indi bir çoxlarımızın təbəssümlə qarşıladığı bu kəşfi etmişdi və özünə əqidədaş da tapmışdı: Stiv Cobs. Bəli, həmən əfsanəvi Stiv Cobs – kompüter texnologiyasında qeyri-adi kəşfləri ilə dillər əzbəri olan texnologiya dahisi.
Gəlin, bu inanılmaz tarixə qısaca ekskurs edək…

Qanuni oğru — dövlət qanunlarına paralel, fərqli prinsiplərlə yaşayan, fərqli prinsiplər uğrunda mübarizə aparan mafiya titulu.
Oğrular 1930-cu illərdə, ağır repressiya illərində meydana gəliblər. Bu dünyanın yaranmasını Stalinin adı ilə bağlayanlar çoxdur. Onların iddialarına görə, ağır siyasi ortamda və ondan sonrakı aclıq illərində adı cinayətkarlardan ibarət kollektivləşmə ilə müxalif düşüncəli insanlara nəzarət etmək üçün Stalinə “Oğru dünyası” çox lazım idi. Yaranan aləmdə, “oğrular” qanunları tanımamalı, heç bir zaman qulluq etməməli idilər.
Böyük Vətən müharibəsi illərində bəzi “qanuni oğrular” Vətəni müdafiə etmək üçün müharibəyə yollanıblar. Bu addımları onların “qanunpərəstlər” tərəfindən xəbərçi mənası verən “qancıq” adlandırılmasın səbəb olub. Beləliklə, oğru dünyası 2 hissəyə ayrılır və aralarında uzun sürən savaş başlayır. Nəticədə hər iki tərəf ağır itki verir. 1979-cu ildə Kislovodsk şəhərində iki qruplaşmanın rəhbərləri görüşürlər. Bundan sonra qruplaşmalar arasında mübarizə nisbətən səngiyir, lakin “qanuni oğrular” öz ənənələrini qoruyub saxlaya bilirlər.

Hacı Zeynalabdin Tağıyev, Almaniyada səfər zamanı orada yerləşən bahalı restoranlarından birinə rast gəlir. Restoranın görünüşünü çox bəyənib orada nahar etmək qərarına gəlir.
Şəkillərdən də gördüyünüz kimi Hacının üzündə həmişə saqqal olardı və o restorana daxil olaraq künc masalarından birini seçərək əyləşir. Gözləyir… Ancaq xidmətçi ona yaxınlaşmır. Səbəb olaraq isə xidmətçi Hacının xarici görünüşünü görüb onu yoldan keçən və ya aşağı təbəqəli şərqdən gələn bir insan kimi qəbul edir. Sonda özü onu səsləmək qərarına gəlir. Səslədikdən sonra xidmətçi ona hay verir və indicə yaxınlaşacağını söyləyir. Hacı səbr edir, ancaq xidmətçi yaxınlaşmır. Qərara gəlir ki, restoranı tərk etsin. Belə də olur. Hacı gəldiyi kimi də nahar etmədən restoranı tərk edir. Bir müddətdən sonra restoran rəhbərliyi xəbər tutur ki, onların saqqallı və şərq görünüşlü qonağı Bakıdan gələn bir millionerdir. Cəld ağanın arxasınca bir elçi göndərirlər. Ağanı restorana gətirərək ondan üzr istəyirlər və onunçün 20 nəfərlik bir masa açıb müxtəlif təamlarla bəzəyirlər. Hacı soruşur: