Yaraşıqlı görünüş, gözəl imic kateqoriyası üzrə məqalələr

Aspirin ağrıları azaldır və qanı duruldur. Həkimlər 40 yaşından yuxarı olan insanlara aspirini damarlarda tromblaşmanın qarşısını alan profilaktik vasitə kimi təyin edirlər. Lakin bu sınanmış preparat kosmetologiyada da çox geniş istifadə olunur.

Aspirinlə üz maskaları dərini çox yaxşı təmizləyir, saçları aspirin əlavə olunmuş şampunla yuduqda kəpək azalır, baş dərisi daha sağlam, saçlar daha canlı olur.

2 həb aspirini yaxşı əzin, 1 dolu x.q. şampunla qarışdırın, saçlarınıza çəkin, yüngül massaj edin və bu maskanı saçınızda 5 dəqiqə saxlayın. Daha sonra yaxşı yuyun. Bu maskanı həftədə 1 dəfə istifadə edə bilərsiniz.

Üz təmizliyi dəriyə qulluğun ən vacib nöqtəsidir. Yəqin ki, siz də bu qulluq rutininə əməl edirsiniz. Bəs sizcə üzünüzü düzgün təmizləyirsiniz? Biz sizə ideal üz təmizliyi üçün 5 sadə addımı təqdim edirik. Bu addımlara əməl etsəniz dəriniz də sizə təşəkkür edəcək!

Məsləhət 1: Gözünüzü basmayın
Makiyajı təmizləyərkən çox zaman gözümüzdəki makiyajı çıxartmaq üçün ya onu barmağımızla ya da ki, pambıq disklə aqressiv şəkildə basırıq. Belə etdikdə biz təmizlik etmirik, yalnız və yalnız kipriklərimizə, göz dərimizə zərər yetiririk. Tələsmək lazım deyil. Kipriklərinizdəki tuşunuzu təmizləmək üçün nəm pambıq disklərdən istifadə edə bilərsiniz. Pambıq diskləri nəm etmək üçün bəzən su bəs etmir. Çünki elə tuşlar var ki, onlar suya qarşı davamlı olurlar. Buna görə də, pambıq disklərinizi nəm etmək üçün müxtəlif markaların göz makiyajını təmizləyən vasitələri var ki, onlardan istifadə edə bilərsiniz. Və prosesi edərkən çalışın gözlərinizi bərk basmayın, masaj hərəkətlərilə onu təmizləyin. Tam təmizlik üçün ən yaxşı proses 5 dəfə təkrar etməyinizdir.

Ehtiyacınız olan ərzaqlar:
1 yemək qaşığı qəhvə qalığı
1 yemək qaşığı yulaf
1 yemək qaşığı bal
1 və ya 2 çimdik darçın

Antioksidantlarla zəngin qəhvə, ölü dərilərdən təmizləyən yulaf, sivilcələrlə mübarizə aparan bal və üz dərisini təravətləndirən darçın bir araya gələn maskanın nəticəsini siz özünüz düşünün. Bu qarışığı krem halına gətirin. Gözətrafını saxlamaq şərtilə üzünüzə sürtün. 20 dəqiqə gözlədikdən sonra üzünüzü yuyun. Əgər bədəniniz üçün istifadə eləmək istəyirsinizsə tərkibindəki ərzaqları 2 qat çox istifadə edin.

 Ancaq bu maska hər kəs üçün deyil, xüsusilə də həssas dəriyə sahib olanlara. Sizə uyğun olub-olmadığını yoxlamaq üçün qarışıqdan bir az dərinizə sürtərək yoxlaya bilərsiniz. Dəriniz çox həssasdırsa darçını maskanın içinə qatmaya bilərsiniz. Təsiri isə eyni olacaq.

— Mütəxəssislər şaxtalı havalarda üzün və əlin dərisini tərkibində spirt olan vasitələrlə silməyi məsləhət bilmirlər. Onlar müxtəlif losyonları qış aylarında süd və ya qliserin tərkibli üz təmizləyicilərlə əvəz etməyi məsləhət bilirlər.

— Şaxtalı havalarda vanna və buxar qəbul eləmək də məsləhət görülmür. Çünki qaynaq su vannasından sonra qış aylarında dəri məsamləriniz daha da dərinləşəcək. Üzünüzü isti su ilə yuyub krem çəkə bilərsiniz, amma bunu etdikdən sonra ən azı 2 saat evdən bayıra çıxmaq olmaz.

Təəssüf ki, sinəni yalnız cərrahi üsullarla əhəmiyyətli dərəcədə böyütmək mümkündür. Lakin bəzi vasitələrin köməyi ilə sinəni bir qədər qaldırmaq, vizual olaraq böyütmək və daha gözəl etmək mümkündür.

1. Xüsusi kremlər
Bu kremlər iki qrupa bölünür: tərkibində hormonlar olan və tərkibində hormonlar olmayan kremlər. Belə kremlər xüsusi komponentlərin köməyi ilə yüngül liftinq effekt verir — sinə qalxır, sinənin dərisi hamarlanır, daha dartılmış olur. Lakin tərkibində hormonlar (fitoestrogenlər) olan kremlərlə ehtiyatlı olmaq lazımdır. Onlardan istifadə etdikdən əvvəl mütləq həkimlə məsləhətləşin. Belə kremlər sağlamlığa ziyan vura bilər. Mənşəsi bilinməyən kremlərdən istifadə etməyin. Bu sağlamlığınız üçün ziyanlıdır.

2. Kontrast duş
Konrtast duş (soyuq və ilıq suyun növbələşməsi) sinədə qan dövranını yaxşılaşdırır, sinə və dekolte nahiyəsinin dərisinin vəziyyətini yaxşılaşdırır. Həmçinin belə duş massaj effekti verir.

Qliserin bir çox kosmetik vasitələrə — krem, maska və s. daxil edilir. Soyuq fəsillərdə dəri tez-tez quruyur, çatlayır, qabıq verir. Bu vəziyyətdə qliserinlə olan maskalar sizə çox yaxşı kömək edəcək. Qliserin dərini daha yumşaq və təravətli edir, çox yaxşı nəmləndirir, dərinin cavanlığını qoruyur. 

Qliserin iysiz, şəffaf mayedir. Qliserin çox ucuz vasitədir, onu istənilən aptekdə tapmaq olar. Qliserinlə maska reseptləri:

— 1 çay qaşığı qliserin, 1 çay qaşığı bal, 1 çay qaşığı yulaf yarması unu (yulaf yarmasını qəhvəüyüdəndə üyüdün), 1 xörək qaşığı suyu yaxşı qarışdırın. Maska çox qatı alınarsa, bir qədər su əlavə edin. Maskanı təmiz üz dərisinə çəkin və 20 dəqiqədən sonra ilıq su ilə yuyun.

Retro stilində nəfis makiyaj istənilən xarici görünüşə uyğun gəlir. Müasir keyfiyyətli kosmetikanın köməyi ilə siz asanlıqla 50-ci illərin seksual obrazını və ya 20-ci illərin dəbli tendensiyalarını təcəssüm etdirəcəksiniz. Bu zaman siz köhnə jurnalları və şəkilləri araşdıraraq bir sıra maraqlı ideyalar ilə rastlaşacaqsınız.

Retro stilində makiyajın sirləri: göz oxları və parlaq dodaq boyası. 50-ci illərin stilində effektli makiyaj etməyə cəhd edin. Merilin Monro kimi hollivud ulduzunun obrazı ilə ilhamlana bilərsiniz: düz oxlar, sıx kirpiklər, zərif üz rəngi və parlaq qırmızı dodaq boyası. Belə makiyaj romantik don və iri buruqlarla yığılmış saç düzümünə mükəmməl uyğunlaşacaq.

İdeyanı təcəssüm etmək üçün sizə lazım olacaq:
makiyajaltı əsas;
tonal krem;
süngər;
ənlik;
kirşan;
nəmləndirici dodaq boyası;
dodaqlar üçün qələm;
pambıq çubuqları;
açıq göz kölgələri;
layner;
kirpiklər üçün həcm verən tuş;
saç burmaq üçün nəzərdə tutulmuş fen.

Yaxşı nəmləndirilmiş dəriyə makiyajaltı əsas çəkin. Əsasa tam hopmağa imkan verin və üzərinə tonal vasitə çəkin. Bu zaman çalışın tonal kremi yumşaq lateks süngərin köməyi ilə bərabər yayasınız. Makiyajı yarımşəffaf kövrək kirşanla bərkidin.

Gözəlliyin aynası hamar dəridir. Dərinin baxımı üçün müxtəlif vasitələrdən istifadə etmək olar. Yaşınızı 5 yaş daha gənc göstərəcək Misir kraliçalarının maskasını tətbiq etməklə daha gözəl dəriyə sahib ola bilərsiniz. Bu maska sayəsində məsamələin də kiçilməsini təmin etmək olar.

Lazım olan vəsaitlər:
— 2 xörək qaşığı zeytun yağı
— 1 xörək qaşığı bal
— 1 yumurta sarısı
— 10 damcı limon suyu

Hazırlanması:
Bu məhsulları bir-birinə qataraq qarışdırın. Göz ətrafı xaric bütün üzə tətbiq edin. 25 dəqiqə gözləyin və durulayın.

Nəmləndirici avokado yağı
Dəri tipinizin necə olmasından asılı olmayaraq nəmləndirici istifadə etməlisiniz. Müxtəlif nəmləndiricilər arasından bizim üçün ən uyğun olanını tapmaq da bir az çətindir. Doğru nəmləndiricini tapsaq da, tərkibində kimyəvi maddələr ola bilər. Buna görə də avokado yağı təbii olması baxımından yaxşı seçimdir.

Avokado yağı dəri üçün qüsursuz bir nəmləndiricidir. Digər təbii yağlardan fərqli olaraq dəri tərəfindən sürətli şəkildə hopdurulur və daha tez effekt verir.

Yaşlanmaya qarşı
Avokado yağı haqqından çox bilinməyən faydalardan biri də onun yaşlanmaya qarşı olmasıdır. Dərinin alt qatlarına nüfuz edərək sərbəst radikallara qarşı mübarizə aparır.

Bir çox qadınlar qaş alma prosesində bir o qədər də diqqətli olmurlar. Lakin qüsursuz görünüşün sirrlərindən biri də üz tipinə uyğun qaşların seçilməsidir.

Mütəxəssislər deyirlər ki, qaşlar qadının özünə əminliyinin göstəricisidir. O, üzün ifadəsini göstərir. Qaş forması və rəngi bir xanımın necə görünmək istədiyini izah edir. “Qaş” deyib keçmək lazım deyil. Çünki qaş dəbi formalaşandan bəri belə fikir var ki, o üzü işıqlandırır və sahibini cavanlaşdırır.