Maraqlı faktlar kateqoriyası üzrə məqalələr

Doğurdan da qızılı belə bir mötəbər edən nədir? Yer kürəsində bu metalın ehtiyatları çox deyil. Rast gəlmə ehtimalına görə 73-cü elementdir. Lakin nəzərə alın ki, platin daha nadir metaldır və qiyməti qızıldan bahadır.

Bütün dünya dillərində qızıl adı ya “sarı”, ya da “qırmızı” mənasını verir. Onun Latınca adı Aurum da “dan parıltısı” və ya “şəfəq” deməkdir.

Qızılı nəcib metal edən odur ki, o başqa kimyəvi maddələrlə gümüş kimi reaksiyaya girmir. Qızıl həmçinin çox plastikdir və onu döyərək son dərəcə nazik lövhə şəklinə salmaq mümkündür. Məsələn, düyü boyda qızılı döyərək ondan 1 kvadratmetr sahəsi olan lövhə hazırlamaq olar.

1. "Əl təmizliyi"- artıq şeyi götürməmək deməkdir. Burada həmçinin ehtiyacı olanlara gəlirin qırxıncı, onuncu və digər bir hissəsinin paylanması nəzərdə tutulur.

2. «Qulaqların təmizliyi»- bu, qorxudulmuş, qəzəbli və küylü insanlara qulaq asmamaq və qulağını dedi-qodu, şər və boş söz-söhbətlərdən kənar etmək deməkdir.

3. «Gözlərin təmizliyi»- gözləri qəzəb, hirs, paxıllıq və tamahdan qorumaq deməkdir.

4. «Ağızın təmizliyi»- ağızı boşboğazlıq və şər kəlmələrdən qorumaq deməkdir.

5. «Bədənin və geyimin təmizliyi»- bədənin və geyimin təmiz saxlanılması deməkdir.

1. Bir insan həyatı boyunca təxminən 22 kiloqram dəri itirir 

2. İsti su soyuq sudan daha ağırdır.

3. Həşəratlar yatmır.

4. Bambuk dünyanın ən sürətlə böyüyən bitkisidir, bir gündə 90 sm-ə qədər uzanır.

5. Asqırarkən ürəyiniz də daxil olmaqla bütün orqanlarınızın funksiyaları dayanır.

Havayalı qız sağ qulağına çiçək taxırsa bu deməkdir ki, oğlan axtarır. Əgər çiçəklərin sayı çoxdursa deməli daha ehtirasla istəyir.

Uşaqlar günə ərzində orta hesabla 400 dəfə, böyüklər isə 15 dəfə gülürlər.

İnsanların 66 faizi gözlərini yumaraq öpüşür. Qalanları isə öpüşərkən partnyorlarının emosional reaksiyasının izləməyi sevir.

Sevənlərin 40 faizi rədd cavabı aldıqda klinik depressiyaya düşür.

Bir insan həyatı boyu orta hesabla 20160 dəqiqə, ya da 14 gün öpüşür.

Hər beş nəfərdən ikisi ilk məhəbbətləri ilə ailə qurur.

Qadınlar avtomobillərini kişilərdən daha yaxşı park edə bilirlər.

Qadınların 90 faizi, kişilərin isə 75 faizi ictimai tualetdən istifadə etdikdən sonra əllərini yuyur.

Son səkkiz il ərzində Yaponiyada saxta dost, qohum, hətta sevgili xidmətləri təklif edən firmaların sayı xeyli artıb. Bunun başlıca səbəbi — bənzər xidmətlərə müştəri marağının, tələbatının günbəgün artmasıdır. Hazırda ölkədə bu cür xidmətlər göstərən 10 firma mövcuddur.

Firma əməkdaşları müştərilərin toy, yas, ad günü, uşaqlar üçün keçirilən əyləncəli gecə və sair tədbirlərinə qatılır, oradakı digər dəvətlilərə özlərini tədbir səbəbkarının dostu, qohumu və ya iş yoldaşı kimi tanıdırlar. Bundan əsas məqsəd — həmin məclis sahibinin dost-yoldaşsız, tənha və özünə qapanmış (introvert) biri olduğunu gizlətmək, ört-basdır etməkdir.

Məsələn, sözügedən firmanın kişi əməkdaşı ad günü keçirilən uşağın müəlliməsinə özünü doğma əmi kimi təqdim edə bilər. Özünün bu məclisə hazırlıq ərəfəsində işdən çıxarıldığını açıb-ağartmaqdan çəkinən ev sahibi firma əməkdaşını məclisdəkilərə öz şirkətinin şefi kimi tanıdır. Məclisin təşkilatçısı başına topladığı dost-tanışın onun şəxsi həyatındakı uğursuzluqlarına acımasını istəmirsə, onda firmadan gələn cavan və yaraşıqlı qız onun sevgilisi rolunu görünməmiş səmimiyyətlə oynamağa çalışır.

Beynəlxalq Estetik Cərrahlar Birliyi tərəfindən aparılan araşdırmada məlum olub ki, dünyada ən çox Cənubi Koreyalılar gözəl görünmək naminə bıçaq altına yatırlar. Araşdırmalarda Türkiyə axırıncı yerlərdə qərarlaşıb.

Beynəlxalq Estetik Cərrahlar Birliyinin apardığı araşdırmanın nəticələrinə görə 2011-ci ildə dünyada təxminən 15 milyon estetik əməliyyat keçirib. Cənubi Koreyada 77 nəfərdən biri estetik əməliyyat olunur. Cənubi Koreyanın paytaxtı Seulda 19-49 yaş qrupundakı qadınların 5-də biri əməliyyat üçün bıçaq altına yatıb. Onlar ən çox göz qaldırma əməliyyatı üçün müraciət edirlər.

Asiya ölkələri isə ən çox burun əməliyyatı üçün müraciət edirlər. Çin, Yaponiya, Cənubi Koreya göz qaldırma, Asiya ölkələri burun əməliyyatları, Amerika, Meksika və Avropa ölkələrində ən çox sinə əməliyyatları keçirirlər.

1. Qədim Yunanıstanda borc verən gedib borc götürənin torpağında xüsusi lövhə qoyurdu. Bu lövhə ipoteka adlanırdı. İpotekanın mənası bu idi ki, borclu vaxtında pulu qaytara bilməsəydi, torpaq kreditorun adına keçirdi.

2. 1827-ci ildə Əlcəzair hökmdarı fransız səfiri borcunu ödəmədiyinə görə milçəköldürənlə vurmuşdu. Bu hadisə 3 il sonra Fransanın Əlcəzairi işğal etməsinə bəhanə olmuşdu. 

3. Hindu qəbiləsindəki bir adətə görə, borc götürən girov əvəzinə öz adını qoyur. Borc ödənənəcən qəbilədəkilər həmin ona jestlərlə və anlaşılmazla səslərlə müraciət edirlər. Yəni adını çağırmırlar.

4. Çörçill deyirdi: “Dövlətini reputasiyasını borc götürə bildiyi məbləğ müəyyən edir”.

5. Orta əsrlərdə Roma papaları faizə borc verməyi qadağan edirdilər. İnsanların maddi durumundan istifadə edib varlanmaq qorxunc günah hesab edilirdi. Buna görə 1179-cu ildə III Aleksandr sələmçiləri islaholunmaz günahkarlar elan etmişdi. Belələri hətta öləndə də müqəddəs yerlərdə deyil, kənarda dəfn edilirdi.

6. Orta əsrlərdə İngiltərədə bir qanun var idi ki, borca görə həbs qərarı çıxarılmış adamı evində həbs etmək olmazdı. Onu həbs etmək üçün evdən çölə çıxmağını gözləmək lazım idi.

7. Orta əsrlər fransız komediyasında varlı adam ondan qoyun oğurlamış çobanı məhkəməyə verir. Məhkəmə zamanı varlı adam çobanı unudaraq onun vəkilini danlamağa başlayır. Sən demə vəkil də ona borclu imiş. Hakim mübahisəni kəsərək deyir: “Qayıdaq bizim qoyunlara”.

Aralıq dənizi sahillərində Makedoniyalı İsgəndər tərəfindən əsası qoyulmuş qədim İsgəndəriyyə şəhəri çoxdandır alimlərin, arxeoloqların, tarixçilərin diqqətini cəlb etməkdədir.

Tarixi məlumatlara görə, məşhur sərkərdə Makedoniyalı İsgəndər burada dəfn olunmuşdur:

O, e.ə. 323-cü ilin iyun ayında Babilstanda vəfat etmişdir. Rəvayətə görə, ölməmişdən qabaq ondan soruşurlar ki, bəs əsasını qoyduğun böyük imperiyanı kimə tapşırırsan? İsgəndər pıçıltı ilə — “yaxşı adama” deyə, cavab vermişdir. “Yaxşı adam” dedikdə o, özünün ən igid sərkərdələrindən biri olan Ptolomeyi nəzərdə tutmuşdur. Lakin Ptolomey gözlənilmədən Misirə köçmüşdür.

İsgəndərin mumiyalanmış cənazəsi qızıl tabutda İsgəndəriyyəyə yola salınmışdır. Araba Suriyaya çatdıqda Ptolomeyin göndərdiyi əsgərlər cənazəni ələ keçirib Misirə aparmışlar. Ptolomey əvvəlcə tabutu Qahirənin yaxınlığında, din xadimlərinin qədim şəhəri sayılan Memfisdə basdırmağı əmr etmişdir. Lakin 2 il sonra qızıl tabut mumiyalanmış cəsədlə birlikdə İsgəndəriyyəyə aparılır. Burada müxtəlif səbəblər üzündən qızıl tabut əridilmiş və dağ büllurundan düzəldilmiş tabutla əvəz edilmişdir. Sonralar İsgəndəriyyədə gedən vuruşmalar zamanı İsgəndərin büllur tabutu yoxa çıxmışdır.

1. 2030-cu il nə qədər uzaqdadırsa, 1998-ci il də o qədər uzaqdadır.

2. Mamontların nəsli Misir piramidaları tikildikdən 1000 il sonra tükənib.

3. Kök əvvəl bənövşəyi olub.

4. “Ulduz müharibələri” filmi çıxanda Fransada hələ də gilyotinlə edam cəzası mövcud idi.

5. İnanmaq çətindir, amma ABŞ-da kitabxanalar MakDonalds restoranlarından daha çoxdur.

6. Bananla insan DNT-sinin 50 faizi üst-üstə düşür.

Adətən tələbələri yetkinlik yaşına çatmış, dünyagörüşü formalaşmış gənclər kimi təsəvvür edirik
Lakin bəzən istisnalar olur. Öz yaşına uyğun olmayan zəkaya və biliyə malik uşaqlar (Qərbdə belə uşaqlara “vunderkind” deyirlər) böyüklərin onlar üçün hördüyü stereotip və inamsızlıq hasarlarını aşaraq tələbə adı qazanırlar. Təbiətin bəxş etdiyi fitrəti və düşüncəni maksimum istifadə edən belə istedadlı uşaqlar gələcəkdə böyük elmi nailiyyətlərə sahib olurlar.

Milli.Az modern.az-a istinadən dünyanın ən gənc tələbələrinin siyahısını təqdim edir.