Maraqlı faktlar kateqoriyası üzrə məqalələr

Palıd qozasının yetişməsi üçün 50 il vaxt lazımdır.

Çirkli qar təmiz qardan tez əriyir.

Arıların 5 gözü olur.

Dinamitin hazırlanmasında yer fındığından istifadə olunur.

Tarixdə ilk odekolon taun xəstəliyinə qarşı profilaktik vasitə kimi istifadə edilib.

Las-Veqas kazinolarında saat olmur.

Qarışqa digər canlılarla müqayisədə ən böyük beyinə malikdir. Təbii ki, bədəni ilə müqayisədə.

Qızlar kişilər kimi səbirli deyil. Onlar hər şeyi əvvəlcədən öyrənmək istəyir, gələcək talelərini əvvəlcədən bilməyə can atırlar. Bunun üçün, inanmasalar da, cürbəcür fallara üz tutur və batil inancları yerinə yetirirlər. Necə deyərlər, fala inanma, faldan da qalma…

Gələcəyi görə bildiyini iddia edən bir çox falçılar müxtəlif üsullarla fala baxırlar. Lakin qəhvə falı bir növ əyləncə xarakteri daşıyır. Bu tərzdə qəhvə falları sadə qaydalarla baxılır. Qəhvə fincanı saat istiqamətinin tərsinə, baş üzərində üç dəfə çevrilir. Bu zaman bir dilək tutulur. Daha sonra qabın üzərinə doğru çevrilərək bağlanır.

Fincan sapından başlayaraq xəyali bir qütb, ekvator xətti ilə ikiyə yarılıb dörd parça şəklində tutulur. Saatın əqrəb– dəqiqə əqrəbinin dönmə istiqamətinə görə fala baxmağa başlanmalıdır. Xəyali qütb xəttinin sağ tərəfində qalan şəkillər müsbət simvollar olaraq şərh olunur, xəyali qütb xəttin sol tərəfində qalan şəkillər mənfi simvollar kimi yozulur.

Xəyali ekvator xətti üstündə qalan şəkillər üçün hadisələrin qısa bir zaman sonra reallaşacağını göstərdiyinə inanılır. Xəyali ekvator xətti altında qalan şəkillər hadisələrin daha uzun bir zaman sonra reallaşacağını bildirir.

Qəhvə falına baxdığınız adam haqqında şüuraltınızdakı mesajları xatırlamalısınız. Falına baxdığınız adamla fincandakı şəkillər arasındakı əlaqəni dərhal quraraq enerji meydana gətirməli, daha sonra bənzətmə və şərhi verməlisiniz. Fincandakı şəkillərin mənasının nə sizi, nə də falına baxtığınız insanı üzməsinə, ya da çox sevindirməsinə icazə verməməlisiniz, nəticə etibarı ilə fal olduğunu unutmayın.

Britaniya alimlərinin Edinburq Universitetində aparılan tədqiqatlar insan orqanizminin əsas qocalma səbəbini aşkara çıxarıb. Tədqiqat rəhbəri Endryu Stivenson iddia edir ki, təqvim və saat olmasa idi, insan ömrü indikindən qat-qat uzun olardı: “İnsanlar gün ərzində işlərini saata görə proqramlaşdırırlar. Hər yerdə təqvimlər var və insan hər günün necə qurtardığını, növbəti günün necə başladığını bilirlər”.

Sadalananların insan psixologiyasına güclü təsir etdiyini və insan həyatını proqramlaşdırdığını deyən Stivenson, təqvimdə hər rəqəm dəyişdikcə insanın təhtəlşüurunda ömründən daha bir gün getdiyi təəssüratının yarandığını qeyd edib. Bu da onun orqanizminə təsir edir. Nəticədə, orqanizm qocalır.

Bəşəriyyətə məlum olan ən qədim göydələnlər Yəməndə inşa olunub.  “Ayaqda qalan” göydələnlərdə hələ də insanlar yaşayır. UNESCO tərəfindən qorunan tikililər Yəmənin turizm obyektlərindən hesab olunur.

Güman edilir ki, göydələnlər müqəddəs kitablarda da haqqında danışılan Ad qövmü tərəfindən inşa edilib. Tarixi mənbələrdə isə tikililərin inşaatçıları kimi Hadramut vilayətində yaşayan Hadramilər göstərilib. Onlar bu tikililəri dağıdıcı hücumlardan qorunmaq üşün tikiblər.

1. Ən qısa müharibə Anqlo – Zənzibar müharibəsi 40 dəqiqə davam edib. 
17 avqust, 1896-cı ildə Birləşmiş Krallıq və Zənzibar arasında müharibə başlayır və 40 dəqiqədən sonra başa çatır. Müharibənin başlamasına səbəb, Britaniya yönümlü Sultan Hamad bin Tuvainin öldürülməsi və Sultan Xalid bin Barqhaşın hakimiyyəti ələ keçirməsi idi. 40 dəqiqə çəkən müharibədə 500 Xalid tərəfdarı öldürülmüş, bir britaniyalı dənizçi yaralanmışdı.

2. Donuz müharibəsi — Müharibə ABŞ və Britaniya hakimiyyətinin sərhəddi olan San Xuan adalarında bir donuzun öldürülməsi nəticəsində başlamışdı. Müharibə zamanı yeganə itki donuzun ölümü idi və bu müharibə ABŞ tarixinə qansız müharibə kimi daxil olub.

3. 335 il davam edən itkisiz müharibə- Bu müharibə Niderland və İngiltərə arasında Siliya adası uğrunda baş verib. 335 il davam edən müharibədə bir dəfə də olsun güllə atılmamış və heç bir itki haqda məlumat verilməmişdi. Müharibə 1986-cı ildə imzalanan sülh sazişindən sonra sona çatmışdı.

Dünyanın ən hündür binasının sıx dumanla əhatə olunmuş görünüşü fantastik filmlərdəki səhnələri xatırladır.

Lakin bu heyranedici şəkillər məşhur Hollywood filmlərinə verilmiş effktlərin deyil, Dubayda Günəşin çıxması zamanı yaranan təbii effektlərin nəticəsində yaranıb.

Dünyanın ən hündür binası olan və onu əhatə edən göydələnləri hündürlükdə geridə qoyan Burj Khalifa duman təbəqəsinin üzərindən çəkilib.

Yeni bir şəhərə səyahət etdikdə bir çamadan pul xərcləməli olacağınızı düşünməyin.
Avropa dedikdə ilk düşündüyümüz «ora getmək üçün çoxlu pul lazımdır» olur. Ancaq bahalı Avropa ölkələrinin pulsuz tərəfləri də var. Həmin ölkələrdə pulsuz zövq ala biləcəyiniz şeyləri təqdim edirik.

1. Sürixdə pulsuz şokoladlar yeyə bilərsiniz. Bu, məhz ora getmək üçün gözəl bir səbəbdir. Pulsuz şokolad yemək, şokolad muzeylərini pulsuz gəzmək, Lindt və Sprungli şokolad markalarını dadmaq, bundan başqa nə istəyirsiniz?

2. Kopenhagendə pulsuz velosipedlərdən yararlanaraq, bütün səyahətinizi bununla etsəniz, axşam bahalı restoranlarda yemək yemək üçün bütün pulunuz özünüzə qalacaq.

3. Edinburqda festivallar pulsuzdur. Hətta pulunuz cibinizdə qala-qala bu festivalları izləsəniz, daha çox güləcəksiniz.

“Çimərlik” dedikdə, ağla ilk gələn okean, dəniz, qum, günəş istisi, dalğalar olur. Ancaq bəzi çimərliklərdə insanlar meduz zəhəri, köpək balığı dişləməsi, radiasiya, zibillik, oğurluq kimi hallarla rastlaşır ki, bu da bütün tətili məhv edir. Beləliklə, siyahını sizə təqdim edirik:

1. Avstraliyanın Tivi adası: şəffaf meduzalar
Avstraliya çimərlikləri dünyanın ən təhlükəli çimərlikləri sayılır. Onu təhlükəli edən təkcə köpək balıqlarının hücumu deyil, suda görünməyən yumru meduzlardır. Bədənləri şəffaf olan yumru meduzlar Timor və Arafur dənizlərində üzür. Əsasən, uşaqların bədəninə yapışmaqla ağır yanıqlar əmələ gətirirlər ki, bu da ölümlə nəticələnir. Son 20 ildə 12 uşaq həyatını itirib, keçən il yalnız 10 yaşlı bir qızı xilas etmək mümkün olub.

Ginnesin rekordlar kitabında «XX əsrin ən amansız» canisi 1949-cu ildə anadan olan Pedro Alonso Lopes hesab edilir. Ekvadorda, Kolumbiyada, Peruda 300 azyaşlı (10 yaşdan az) qız uşağını öldürdüyünü boynuna alan bu cinayətkar, öz əməllərini 1973-cü ildən 1980-ci ilin mart ayınacan törətmişdir. Onun etirafından son­ra meyitlərin yalnız 53-nü tapmaq mümkün olub.

Həmin dövr üçün ən qorxulu canilərdən biri də (Ginnesin rekordlar kitabına gö­rə) alman seksual manyakı, 1909-cu il təvəllüdlü Bruno Lyudkedir. Lyudke etiraf edib ki, 1928-ci ildən 1943-cü il yanvarın 29-na qədər 85 qadın öldürüb. Lyudke 1944-cü il aprelin 8-də Vyanada edam olunub.

700 il bundan öncə, demək olar ki, bütün dünyanı az qala fəth edən tarixin ən nəhəng sərkərdəsi Çingiz xanın qəbrinin harada olması hələ də bəşəriyyət üçün sirr olaraq qalmaqdadır.

Amma, tarıxçilər tərəfindən belə ehtimal olunur ki, Çingiz xanın qəbri Monqolustanla Rusiyanın sərhədindədir. Bu sadəcə olaraq təxminlərdir.

Çingiz xanın qəbrini tapmağa cəhd edən alimlər və mütəxəssislər çox olmuşdur. Amma bütün bu cəhdlərə baxmayaraq, nəhəng sərkərdənin qəbrini tapmaq mümkün olmamışdır.

XX əsrin sonları XXI əsrin əvvələrində bütün dünya arxeoloqları, tarixçiləri və alimləri yenidən axtarışlara başlamışlar. Xüsusilə, eksklüziv lisenziyaya malik olan məşhur amerikalı arxeoloq dünyanın bütün KİV-nə məlumat vermişdir ki, o, Çingiz xanın qəbrinin axtarışına başlayır və tezliklə o, qəbri aşkar edəcəkdir. Arxeoloqun dediklərindən belə məlum olmuşdur ki, guya onun əlində qəbrin qəbrin yerini göstərən qədim əlyazmalar, xəritələr və yazılar vardır.

Bu sensasion xəbər bütün dünya alimlərinin marağına səbəb olmuşdur. Amerikalı arxeoloqun bütün cəhdlərinə baxmayaraq, nəhəng sərkərdənin qəbrini tapmaq mümkün olmur. 700 ildən artıq bir vaxt keçməsinə baxmayaraq, Çingiz xanın qəbrini tapmaq niyə belə müşkülə çevrilmişdir?..