Maraqlı faktlar kateqoriyası üzrə məqalələr

Dar bir ərazidə ani təzyiq dəyişikliyi ilə meydana gələn qasırğalar burulğan şəklində olan çox şiddətli küləklərdir. Yəni qasırğalar atmosferdə ani təzyiq dəyişikliyindən və isti hava kütləsinin böyük sürətlə yüksəlməsindən meydana gəlir. İsti hava kütləsinin üstünə soyuq hava kütləsi çıxdıqda sıxlığı az olan isti hava kütləsi sürətlə soyuq havanın içinə doğru yüksəlir. Bu arada təzyiq sürətlə azalır.Təzyiq və temperaturdakı ani dəyişikliyin nəticəsində qısa vaxt ərzində şiddətli küləklər meydana gəlir. Hava yüksəldikcə küləyin sürəti daha da artır

Arxeoloqlar Britaniyada tarixdən əvvəlki dövrə aid olan Stounhenc (Stonehenge) məntəqəsində qazıntı işlərinə başlayıblar. Bu, 1964-cü ildən bəri daş erası çərçivəsində aparılan ilk qazıntıdır və arxeoloq-alimlər bu obyektlə bağlı indiyədək qalan suallara cavab tapmaq üçün müasir elmi nailiyyətlərdən istifadə etmək niyyətindədirlər.

Stonehenge bir müəmma qalmaqda davam edir. İngiltərənin cənubundakı Salisbury düzənliyində yerləşən bu abidənin 3 min il yaşı var.

Yeni bir elmi tədqiqatda göstərilir ki, iş yerində keçirilən stress və əsəbilik 50 yaşına qədər qadınlarda ürək xəstəlikləri risqini artırır.

Tədqiqatda iştirak edən 12 min həkim və sanitar qadınların müayinəsi nəticəsində belə bir nəticə çıxarılıb ki, işdəki stress 50 və ya 60 yaşlarında olan qadınlardan daha daha çox gənc yaşlı qadınlara mənfi təsir göstərir.

İş yerində stressin kişilərdə ürək xəstəliyi yarada bildiyinə dair istənilən qədər sübutlar var. Lakin qadınlara bu amilin nə kimi təsir göstərdiyi o qədər də araşdırılmamışdır.

‎1. Bibliya 2462 dilə tərcümə olunub. Həmçinin «Star Track» filmində yadplanetlinin danışdığı klinqon dilinə belə tərcümə olunub. Birdən yad planetlilər Bibliya oxumaq istəsələr çətinlik çəkməsinlər deyə =)
2. Dünyada mövcud olan bütün qarışqaların çəkisi dünyada yaşayan bütün insanların çəkisinə bərabərdir.
3. Braziliyada elə bir hörümçək mövcuddur ki, o kişiləri sancarsa həmin insanlarda bir neçə saat keçməyən ereksiya yaranır. 
4. Anatidaefobiya-elə bir qorxudur ki, bu qorxudan əziyyət çəkən insanlar elə zənn edirlər ki, onları hansısa ördək izləyir.
5. Ağcaqanadları sizdən uzaqlaşdıran vasitələr (sprey və ya kremlər) əslində ağcaqanadları sizdən uzaqlaşdırmır onlar sizi ağcaqanadlardan gizlədir. Belə ki, həmin vasitələr ağcaqanadların hissiyat hüceyrələrini keyləşdirərək onların insanları hiss etmək qabiliyyətini məhv edir. Beləliklə həmin an siz ağcaqanadlar üçün görünməz olduğunuz üçün o sizlərə yaxınlaşmır.
6. Həşərat yeməyənlər üçün xüsusi açıqlama =) Böcəklər dadına görə alma, eşşəkarısı meşə çərəzi, soxulcanlar isə qızardılmış donuz əti tamına malikdirlər.

Britaniya və İtaliya alimlərindən ibarət tədqiqatçılar qrupu 16-cı əsrdə yaşamış alim-astronom Qalileo Qalileyin ekshumasiyasına icazə istəyib.

Alimlər onun qalıqlarının müayinəsi vasitəsilə DNT-sini tədqiq edib öyrənmək istəyirlər ki, Qalileo Qalileyin bəzi elmi işlərinə onun pis görmə qabiliyyəti nə kimi təsir göstərib.

Elm dünyasında müasir astronomiyanın atası kimi qəbul edilən Qalileo Qalileyin görmə qabiliyyəti çox zəif idi və ömrünün sonlarına yaxın o tamamilə kor olmuşdu.

Onun elmi işləri və tədqiqatlarında bəzi səhvlər aşkar edilmişdi. Misal üçün, Qaliley hesab edirdi ki, Saturnun halqası deyil, iki peyki var.

Qalileo Qaliley həm də Yer Kürəsinin Günəşin ətrafında dövr etməsi nəzəriyyəsinin tərfdarı kimi tanınırdı.

«General Elektrik» şirkətində çox geniş yayılmış bir zarafat var idi. Şirkətə yeni bir işçi qəbul edəndə o işçiyə ağ işıq yayan bir lampa düzəltməyi şərt qoyurdular. Təbii ki, şirkətin işçiləri belə bir lampanı düzəltmək mümkün olmadığını bilirdilər. Ancaq yenə də yeni gələn işçi laboratoriyada sırf bu işə vaxt itirsin deyə və sonra da ağ bayraq qaldırsın deyə, zarafatlarından qalmırdılar. Yeni işçilər isə belə bir lampanı düzəltmək mümkün olmadığını bilmir və böyük bir həvəslə işə girişirdilər. Ancaq apardıqları təcrübələrin bir nəticə vermədiyini görəndə insan fitrətinə uyğun olaraq «Mən bacarmaram!» yolunu seçir və təcrübələrinə son qoydular. Ancaq bu işçilərdən yalnız biri, yəni Marvin Pipkin «Mən bacarmaram!» yolu əvəzinə «Mən bacararam!» yolunu seçdi və gecəsini gündüzünə qataraq ağ işıq yayan məşhur fluoressent lampasını kəşf etdi.

Yer kürəsində daim baş verən maraqlı müşahidələr, kiçik fotogörüntülər və qısa kamera çəkilişləri ilə lentə alınmış materiallar planetimizə naməlum uçan obyektlərin daxil olduğunu sübut edir.
Buradan belə bir sual yaranır: bəs bu uçan naməlum obyektlər nələrdir? Deməli, Yerdən başqa da yaşayış olduğu ehtimal edilən planet və yaxud yeni sivilzasiya vardır. Lakin insan oğlu hələ Ay və Mars planetindən irəli gedə bilməmişdir. Bunun əsas səbəbi hazirda insan idrakının və tədqiqat sahəsinin həmin səviyyəyə çatmamasıdır. Yəni UNO-larla bizim aramızda informasiyanın birbaşa beyinə yeridilməsi kimi fərqlər mövcuddur.

Kubalı uzunömürlülər deyirlər ki, onların sirri spirtli içkilərdən imtina, lakin bol-bol siqar çəkmək, qəhvə içmək və sekslə məşğul olmaqdan ibarətdir.
Belə nəticəyə gəlmiş tədqiqatçılar yaşı 100-ü keçmiş 54 uzunömürlü kubalının həyat tərzini öyrənərək gəliblər. Bu qocaların hamısı Kubanın Vilya Klara regionundandır.
Bu ahılların 60 faizinin ata-anası da uzunömürlü olublar.

Con Davison Rokfeller 43 yaşında ikən dünyanın ən böyük inhisarını — " Standart Oyl Kompani" -ni yaratdı.Lakin 53 yaşında ikən əsəb gərginliyi keçirib zəiflədi və mədə xəstəliyinə tutularaq, saçları vıə kirpikləri töküldü. Başı saçsız və qorxulu görünüşdə olduğu üçün parik taxmaq məcburiyyətində qalmışdı. Dünyada ən varlı insan olmasına baxmayaraq, hətta dilənçinin də imtina edəcəyi pəhriz yeməkləri ilə yaşayırdı.
Rokfelleri bu vəziyyətə salan nə idi? Pula elə bağlanmışdı ki, ticarətdə gəlir etdiyi zaman rəqs edir, şapkasını yerə atıb, ətrafında hərəkət edirdi. Lakin pul itirdiyi zaman xəstələnirdi. Bir dəfə Qreyt Leksin üzərindən 40 min dollar dəyərində buğda aparmışdı. Çox bahalı hesab etdiyinə görə 150 dollarlıq sığortanı qəbul etməmişdi.Həmin gecə Eria gölü üzərində müdhiş fırtına qopdu. Rokfeller, yüklədiyi ərzağı itirməkdən o qədər qorxurdu ki, o biri gün səhər şəriki Corc Qardner otağa gəldiyi zaman, onu otağında o başa, bu başa gəzdiyini gördü.

1969-cu il, 16 iyul, saat 9:31
Florida ştatının isti və boğucu havasına baxmayaraq 55 ölkədən 3493 müxbir və 1 milyona yaxın insan bir neçə kilometrlik məsafədən zərif bir raketin kosmosa qalxmasını gözləyirdi. Lakin bu hadisə ilə maraqlanan adamların sayı yalnız bununla bitmirdi. Yer üzünün müxtəlif bölgələrində olan milyonlarla insanın diqqəti bu raketə yönəlmişdi.
Belə bir həyacana səbəb olan və bəlkə də dünya xəlq ediləndən bəri ən çox maraq doğuran bu hadisə nədir?