Evdarlıq kateqoriyası üzrə məqalələr

Canlı aləmin kiçik bir hissəsinin evinizdə olması nə qədər xoşdur! Lakin heyvan və bitkiləri sevmək azdır. Onlara düzgün qulluq etmək lazımdır.

Akvariumu təmiz və gözəl saxlamaq bacarığınız varsa,ona uyğun balıqları xüsusi saytlardan seçin və alın. Evdə yaratdığınız süni su mühiti sizi stresdən uzaqlaşdıracaq.

Balıqlardan sonra su bitkiləri,filtr,termometr və s. alınmalıdır. Balıqların həyatını uzatmaq üçün akvariumu mütəmadi təmizləmək lazımdır-kiçik akvariumu hər həftə, böyük akvariumu isə ayda bir dəfə. Dekorativ balıqların sahibi akvariumdakı qida artıqlarının təmizliyinə, suyun duruluğuna və balıqların davranışına hər gün fikir verəcək. Qida artıqları balıqlar qidalandırıldıqdan 10 dəqiqə sonra suyun səthindən tor vasitəsi ilə təmizlənir,suyun dibindən isə sifonla.

Qaralmış tül pərdələr bütün qadınların ortaq kabusudur. Fərqli kimyəvi yuyucu məhsullar istifadə etmənizə rəğmən tül pərdələrinizi ağarda bilmirsinizsə, sizə məsləhət görəcəyimiz bu üsullar kabusdan xilasınız olacaq. Tül pərdələriniz əvvəlki bəyazlığına qovuşacaq.

— Pərdələri yuyacağınız suyun içinə və ya paltaryuyan maşına 2 yemək qaşığı şəkər tozu əlavə edin.

— Ya da ki pərdələri islağa qoyacağınız suya yumurta qabıqları da əlavə edin, bir az gözlədikdən sonra yuyun.

Soğan hər qadının mətbəxində olan tərəvəzdir. Yeməyə ləzzət qatmaqla yanaşı bir çox faydaları da var. Soğan növlərinə görə müəyyən qruplara ayrılır. Təzə soğan, qırmızı soğan və sarı soğan kimi. Bu soğanları növlərinə görə müəyyən yeməklərdə istifadə etmək lazımdır. 

Sarı soğan
Sarı soğanın ən böyük üstünlüyü ucuz olması və hər mövsüm tapıla bilməsidir. Eyni zamanda, sarı soğanlar demək olar ki, hər yeməkdə istifadə edilə bilər. Salatlarda, souslarda və şorbalarda sarı soğanla möcüzələr yaradır.

Ərik
Ərik seçərkən ləkəsiz, eyni rəngdə olmasına diqqət edin. Əzik olmasın. Bunlarla yanaşı, qaysının səthi tamamilə quru və forması zədələnməmiş olmalıdır.

Badımcan
Badımcanın qabığı sərt olanların əvəzinə yüngül elastik olanları seçin. Üzərində azca çatlar və ağ ləkələr olan badımcanları almayın. Eyni zamanda, badımcanın saplağı qəhvəyi deyil, yaşıl olmalıdır.

Paltaryuyan maşın hər bir evdə lazım olan vacib əşyadır. Bu gün artıq həyatımızı onsuz təsəvvür etmirik. Amma belə vacib köməkçinin qiyməti də az deyil, ona görə də onun iş qabiliyyətini qorumaq lazımdır. Bizim kran sularının vəziyyətini nəzərə alsaq, görərik ki, maşınlar tezliklə sıradan çıxır. Sizə maşınların ömrünü uzadan, çox pul tələb etməyən bir vasitədən danışmaq istəyirik.

Bunun sirri adi limon turşusundan istifadə etməkdədir. 3,5 kq-lıq standart maşınlara 15 qr-lıq 4 limon turşusu paketi bəs edər. Əgər maşının həcmi böyükdürsə onda limon turşusunun miqdarını artırırıq. Hətta bəziləri 5 kq-lıq maşın üçün 100qr –lıq 2 limon turşusu paketindən istifadə etməyi məsləhət görürlər.

Kranlardan istifadə zamanı qırılma, hansısa mexaniki parçasına ziyan dəymiş ola bilər və bu krandan istifadəni çətinləşdirər.

Ən böyük problem isə kranın qırılmasıdır. Bəs qırılan kranı necə təmir etmək olar?

Bu vəziyyəti düzəltmək üçün əvvəlcə su borusunu bağlamaq lazımdır. Beləcə təmir əsnasında su axmaz. Kranı çevirərək yerindən çıxarın. Ardından yeni kranın daxil olan hissəsini bantla ya da parçayla bağlayın. Bu əməliyyatı əlinizlə etməyiniz açar istifadəsinə görə meydana gələ biləcək su daşmasınının qarşısını almış olar.

Elə əşyalar var ki, mütəmadi olaraq onlardan istifadə edirik. Lakin istifadə müddətlərini nəzərə almırıq. Halbuki əşyaşların da ömrü var. Əgər hələ də onları istifadə edirsinizsə, ya tullayın, ya da yenisi ilə əvəz edin.

Fırça daraq
Fırça daraqlarınızı həftədə bir dəfə təmizləyin, ildə bir dəfə isə dəyişdirin.

«Traynik»
1-2 il istifadə müddəti var. Xüsusən də çoxgözlü «trayniklərin» də gücünün bitdiyi vaxt var. Əgər həmin müddəti keçsəniz, problemlər yarana bilər.

Bir çox qadınların yemək bişirmək üçün mətbəxdə istifadə etdiyi tökmə dəmir qazan və tavalar keçmiş dəb kimi görünsə də, əslində, bu cür qablar sağlamlıq baxımından faydalıdır.

Dəmir qazanlar istiliyi yeməyin hər tərəfinə eyni miqdarda paylayır və yeməyinizin ləzzətli olmasını təmin edir. Eyni zamanda artıq qalan yeməyi dəmir qazanlarda arxayınlıqla saxlaya bilərsiniz. Bunun heç bir ziyanı yoxdur.

Yeməklərinizi daha az yağda bişirə bilərsiniz
Kartof, ya da ət qızardarkən çoxlu miqdarda yağdan istifadə etmənizə gərək yoxdur. Bunun üçün tökmə dəmir tavalarınızı bir dəfə yağlamanız bəsdir.
– İlk öncə tavanızı qalın duz təbəqəsi ilə örtün.
– Üzərinə 1 barmaq qədər yağ qoyub əridin.
– Yağdan tüstü çıxana kimi tavanızı isidin.
– Daha sonra yağ və duz qarışımını tökün, qalan yağı kağız salfetlə tavaya yeridin.

Sağlamlıq baxımından soyuducunun təmiz olması vacibdir. Hər kəsə məlumdur ki, soyuducu təmizlənmədiyində içərisindən pis qoxular gəlməyə başlayır. Soyuducu rəflərinə bulaşmış yemək qalıqları bir müddət sonra bakteriya yaranmasına səbəb olur. Buna görə soyuducunu müntəzəm şəkildə təmizləmək gələcəkdə yarana biləcək pis qoxuların və sağlamlıq problemlərinin qarşısını almış olar.

Bunun üçün aşağıdakı üsullar olduqca faydalıdır:
— Soyuducunu təmizləmədən əvvəl işlək vəziyyətdə olub-olmadığından əmin olun. Əgər soyuducunuzda donmuş buzlar varsa, buzların əriməsini gözləyin, sonra təmizliyə başlayın.

— Soyuducuda təmziləmək istədiyiniz hissəni sirkəli su ilə silə bilərsiniz. Bu, pis qoxuların və bakteriyaların qısa müddətdə yox olmasına kömək edəcək.

Ailə büdcəsində xərc payı yüksək olan elektrik enerjisindən hansı üsullarla daha az istifadə etmək olar sualı demək olar ki, hamını düşündürür. Bu baxımdan enerji səmərəliliyi, enerjiyə qənaət istiqamətində bir sıra tövsiyələri təqdim edirik.

• İşıqlanmada 100, 75, 60 və 40 Vattlıq lampalarını 25 Vt və daha aşağı vattlıq LED (diod) lampaları əvəz edin. Bilin ki, lampaların dəyişdirilməsinə bir dəfə vəsait qoymaqla sərf olunan elektrik enerjisinin 80 faizə qədər qənaət etmək olar. Mütəxəssislərin fikrincə, enerjiyə qənaət edən və ekoloji baxımdan təhlükəsiz olan müasir işıqlandırma vasitələrinin tətbiqi və istifadəsi zərərli maddələrin, o cümlədən karbon-dioksid qazı tullantılarının faizinin azalmasına gətirib çıxarır. Deməli, bu dəyişiklik həm ailə büdcəsi, həm də ailə üzvlərinin saglamlığı üçün sərfəli və faydalıdır.