Evdarlıq kateqoriyası üzrə məqalələr

Mütəxəssislərin fikrinə görə, ətin üzərində görünən çirk yoxdursa, əti yumaq nəinki lazım deyil, hətta ziyanlıdır.

Su mikrobların azalmasına səbəb olmur, əksinə, mikroblar su damcıları ilə ətrafa yayılır.

Bişirilmə zamanı ətdə olan bütün mikroblar onsuz da məhv olur. Təbii ki, söhbət yaxşı bişmiş və ya qızardılmış ətdən gedir.

Aşbazlar da bişirdikdən əvvəl əti yumağı tövsiyə etmirlər ki, bu, hazır qidanın dadını pisləşdirir.

Bir çox insan eyvan və ya pəncərə qarşısında bənövşə gülü qoymağı sevir. Lakin bəziləri ona qulluq etməyə çətinlik çəkir. 

Əvvəlcə bunu qeyd edək ki, evdə yetişdirilən bənövşə növü Afrika mənşəlidir. Ona görə də başqa növ bənövşə yetişdirmək istəsəniz, sizə təqdim edəcəyimiz üsullar işinizə yaramaya bilər.

Kiçik və dəlikli dibçəyə üstünlük verin
Evdə bənövşə gülü saxlamaq istəyirsinizsə, ilk növbədə onun qabına fikir verməlisiniz. Bu qab saxsı olmalıdır. Nəzərə alın ki, bir çox saxsı növü də bənövşə üçün uyğun deyil. Saxsılar orta boylu və dəlikli olmalıdır.

Kostyumu hər gün adi şotka ilə təmizləyin, həftədə bir dəfə pencəyin yaxalığını əvvəl çiy kartof, sonra yaş əski ilə silin və qurulayın. Kişi kostyumunda ən çox çirklənən hissə onun yaxası, qollarının ağzı, sinəsi, şalvarın balaqlarıdır. Buna görə pencəyi şotka ilə təmizləyib çırpandan sonra ən çox sürtülən yerləri (parıldayan yerləri) əvvəl təmiz benzinlə, sonra bir hissə naşatır spirti və beş hissə qaynanmış sudan hazırlanmış məhlulla silin. Bundan sonra üstünə quru parça qoyub ütüləyin. Parıltını üç hissə sirkə və bir hissə su məhlulu ilə də aparmaq olar.

Qara kostyumda ütüdən əmələ gəlmiş parıltını çayın dəmi ilə, ya da naşatır spirti ilə aparmaq mümkündür. Şalvarı çırpandan və balaqlarının çirkini təmizləyəndən sonra onu tərsinə çevirib qatlarına içəri tərəfdən yığılan tozu yaxşıça təmizləmək, pambıq və ya şotkanı naşatır spirti qatılmış suda isladaraq, onunla şalvarın daxili və xarici tikişlərini sürtmək lazımdır.

Çörəklə bağlı hazırda israfçılığa çox yer veririk. Hətta ən acınacaqlısı budur ki, zibil qablarının yanında yığın-yığın kiflənmiş çörəklərə rast gəlirik. Bəs çörəyin kiflənməməsi və əbəs yerə zibilə atılmasının qarşısını necə almaq olar?

Evdə mətbəx işləriylə məşğul olmasanız belə, bu məlumatları bilməyinizdə fayda var:

Əgər çörəyi çox almısınızsa, yeyə biləcəyiniz qədərini ayırıb qalan hissəsini soyuducuda saxlayın. Soyuducuda saxladığınız çörəyi istifadə edən zaman sobada isidərək, təzə kimi olmasını təmin edə bilərsiniz.

Südünüz dadını dəyişəndə başqa əlac olmadığı üçün zibilliyə atırsınız. Halbuki dadını dəyişmiş, köhnəlmiş südü də istifadə etmək olar.

Xəmir işləri
Köhnəlmiş və dadını dəyişmiş südü xəmir işlərində istifadə edə bilərsiniz. Digər ərzaqlar və bişirilmə müddəti südün pis dadını yox edəcək.

Şorbaların qatılığını artırın
Sulu xörəklərinizdə də köhnəlmiş süd istifadə edə bilərsiniz. Köhnəlmiş süd şorbalarınıza qatılıq verəcək. Ancaq miqdarına diqqət edin.

Şüşə bankanın qapağını açmaq üçün əlinizə alıb qapağını çevirirsiniz, amma qapaq heç cür açılmır. Bu hamımızın qarşılaşdığı əsəb pozucu vəziyyətdir. Heç cür açılmaq istəməyən bu qapaqları güc istifadə edərək açmağa çalışırıq.

Amma həyatda təkcə ölümə çarə yoxdur deyirlər. Odur ki, aşağıda qeyd etdiyimiz üsullardan istifadə edərək şüşə bankalarını aça biləcəksiniz.

Dükanlarda satılan və bir çox şirniyyatlarda istifadə olunan qabartma tozunu ev şəraitində çox asan hazırlamaq olar.

1. Quru banka götürün.
2. Bankaya 12 çay qaşığı un və ya kartof nişastası tökün (nişasta daha çox qalır).
3. 5 çay qaşığı soda və 3 çay qaşığı limon duzu əlavə edin. Limon duzunu qabaqcadan yaxşı əzin.
4. Bankanın qapağını bağlayın və bankanı yaxşı-yaxşı silkələyin ki, bütün inqrediyentlər yaxşı qarışsın. Qabartma tozu hazırdır.
5. Hazır qabartma tozunu kiçik şüşə qabına tökün və sərin quru yerdə saxlayın.

Hansı yuyucu vasitədən istifadə olunsa da, qara və tünd rəngli geyimlər elə ilk yuyulmada solur. Düzdür, geyimlərin rəngini təzə, canlı tutmaq üçün bir çox kimyəvi üsul var. Təəssüf ki, bu üsullardan istifadə etmək geyimləri daha çox soldura, ya da rəngini dəyişdirə, qarışdıra bilər. Ancaq məsləhət gördüyümüz bu üsuldan istifadə etsəniz, qara paltarlarınızın rəngini qoruyarsınız.

Üsul isə çox sadədir. Sizə yalnız istiot lazım olacaq. Bəli, düz oxudunuz. Yeməklərə qatdığımız qara istiot. Qara paltarlarınızı yumadan əvvəl paltaryuyan maşına bir çay qaşığı istiot tökün. Bu, paltarlarınızın rənginin solmasına mane olacaq, təzə kimi saxlayacaq. Ancaq maşının istilik dərəcəsini mümkün qədər aşağı rejimdə qoyun.

Amerika alimləri ev xanımlarına evi tez-tez təmizləməməyi tövsiyə edirlər. Alimlərin fikrinə görə, evin tez-tez yığışdırılması həm ev xanımının, həm də digər ailə üzvlərinin sağlamlığı üçün… ziyanlıdır.

Belə ki, steril şəraitdə yaşan uşaqların immun sistemi daha zəif olur, onların orqanizmi istənilən infeksiya və virusa daha kəskin reaksiya verir.

Kanadada aparılmış digər bir araşdırmada fermalarda və şəhərdə yaşayan uşaqların sağlamlığı müqayisə olunub. Araşdırma göstərib ki, fermalarda sterillikdən uzaq şəraitdə yaşayan uşaqların immun sistemi şəhərdə yaşayan uşaqlarla müqayisədə daha möhkəmdir, onlar daha az xəstələnir, tez sağalır, allergiyalara meyilli olmurlar.

Digər tərəfdən müasir təmizlik vasitələri ev xanımının sağlamlığına da mənfi təsir edir — allergiya və astmanın inkişafınının riskini artırır.

Ümumiyyətlə südü alumin qabda, orta odda qaynatmaq lazımdır. Yüksək odda bişirilən südün yanmaq ehtimalı böyükdür.

Südü qazana tam deyil, yarıyadək tökün. Süd bişən müddətdə daim qarışdırmaq lazımdır ki, üzərində köpüklər yaranmasın.

Südü qaynadacağınız qazanın içərisini soyuq su ilə yaxalayın. Lakin silib, qurulamayın. Çünki, süd nəinki yana, hətta çürüyə bilər.

Qazanın dibinə üzüaşağı qoyulmuş kiçik boşqab yerləşdirin, sonra südü töküb, ocaqda bişirin.