Yaraşıqlı görünüş, gözəl imic kateqoriyası üzrə məqalələr

Bəzi saçlar hava şəraiti, yaxşı qulluq edilməmə, düzgün məhsullardan istifadə edilməməsi nəticəsində vaxtından əvvəl tökülür və sağlam görünmür.

Əslində evdə edə biləcəyiniz bir neçə formulla bu problemdən xilas ola bilərsiz.

Qurumuş və korlanmış saçlar üçün ən yaxşı həll yolu zeytun yağıdır.

2 xörək qaşığı zeytun yağını isidin, bunu yavaş-yavaş saçınıza sürtün.

Daha yaxşı effekt üçün isti suda islatdığınız bir dəsmalı sıxdıqdan sonra yaylıq kimi başınıza sarıyın.

Dəsmal soyuduqdan sonra dəsmalı bir-iki dəfə isidib eyni şeyi təkrarlayın.

Başın yağı yaxşıca özünə çəkməsinə çalışın. Tez qırılan saçlar üçün çox yararlıdır. 

Bədəninizin incə, dırnaqlarınızın manikürlü, saçlarınızın səliqəli, ya dərinizin bronz olması tam mənada mükəmməl görünməniz üçün kifayət deyil. Həqiqətən də baxımlı bir qadının diz, dirsək və topuq bölgələrinə laqeyd yanaşmaması lazımdır.

Diz, dirsək və daban bədənin ən çox sürtünməyə məruz qalan bölgələridir. Buna görə də qısa zamanda sərtləşərək quruyur və tünd rəngdə olur. Sadəcə 3 addımla bu problemdən xilas olub, ipək kimi bir dəri, yumşaq diz, dirsək və çatsız dabanlara qovuşa biləcəksiz.

Ovun
Diz, dirsək və topuq bölgənizi ovcunuza tökdüyünüz təmizləyici məhsul ilə təmizləyin. Məhsulu sürtüb parçayla ovalayın.

Uzun saç həqiqətən də qadının yaraşığıdır. İndiki vaxtda qadınlar uzun saçlara qovuşmaq üçün böyük pullar xərcləyir, bir çox üsullara müraciət edirlər. 
Sizə bildirəcəyimiz sürətli saç uzatmanın 7 üsulunu tətbiqi ilə qısa müddətdə uzun və həcmli saçlara qovuşa bilərsiniz. Evdə hazırlayacağınız vəsaitlərdən ibarət olan bu üsul həm sizə ucuz başa gələcək, həm ipək kimi saçlarınız olacaq, həm də heç bir əks təsiri olmayacaqdır.

Bitki yağları ilə masaj edin
Bitki yağları ilə edilən masaj saç uzatmaq üçün ən təsirli üsullardan biridir. Bu üsul saçınızı bəsləyir və qan dövranına kömək edir.
Yalnız bu yağları tətbiq etməzdən əvvəl bir az isidin və ilıq halda saçınıza və saç diblərinə sürtün. Bunun üçün kokos yağı, zeytun yağı, gül yağı, badam yağlarıyla edilən masaj sürətlə saçınıza nüfuz edərək saçlarınızın qısa müddətdə uzanmasını təmin edəcək. Masajı bitirdikdən sonra saçınızda bu yağı yarım saat saxlayın. Bu üsul saçınızın sürətlə uzanmasını təmin etməklə yanaşı, saç tökülməsini və kəpəyin yaranmasını da önləyəcək.

Soğan suyu
Soğan saç uzatmaq üçün yaxşı vasitədir. O, saç köklərinin yenilənməsinə kömək edir. Soğandan faydalanmaq üçün bir kiçik ölçülü soğan, 3 diş sarımsaq və bir çubuq darçın lazımdır. Bütün bu vəsaitləri ən az 15 dəqiqə qaynadın. Hazırladığınız suyu soyuduqda saçınıza çəkin. Bunu 1 həftə etməlisiniz. Soğan, sarımsaq və darçın suyundan ibarət olan bu su saçlarınızın sürətlə uzanmasını təmin edəcək. Bundan əlavə, istəsəniz, şampununuza da bu sudan əlavə edə bilərsiniz.

Kartof suyu
Kartof saç uzatmaq üçün olan vasitələrdən biridir. Şirəçəkən vasitəsilə kartofu sıxıb suyunu çıxarın. Üzərinə 1 yumurta sarısı və 1 çay qaşığı bal əlavə edin. Bu qarışığı saçlarınıza çəkib 20 dəqiqə saxlayın və saçlarınızı ilıq su ilə yaxalayın.

Limon ilə sağlam və qüsursuz bir cildə sahib olmaq istəyirsiniz? O halda bu yazını oxuyun.

Limon canlı rəngləri ilə təbii məhsuldur, ucuzdur. Limon suyu antiseptik olması ilə yanaşı müalicəvi və təravətləndiricidir. Düzgün məhsullarla qarışdırıldığında gündəlik qulluq üçün idealdır. 

Qatıq+limon pilinqi
1 qaşıq limon suyu, 4 qaşıq qatıq və 1 qaşıq balı qarışdırın. 10 dəqiqə üzünüzdə saxlayıb ilıq suyla yuyun.

Bal+limon üz təmizləyicisi
 2 xörək qaşığı bal, 1 xörək qaşığı qara şəkər tozu və limon suyu. Hamısını qarışdırıb qarışımın dörddə biri ilə dərinizi ovun, sonra 5 dəqiqə üzünüzdə saxlayın. Sonra ilıq suyla yuyun. Qalan qarışımı da 3-4 gündən çox saxlamayın.

Limon+şəkər tozu ayaq qulluq vasitəsi
 Yarım stəkan qara şəkər tozu, 2 xörək qaşığı zeytun yağı və təzə sıxılmış limon suyunu qarışdırıb bununla ayaqlarınıza masaj edin. Duruladıqdan sonra nəmləndirici krem sürtün. Bu qarışım dirsəkləriniz üçün də yararlı olacaq.

Xanımların əksəriyyəti haçalanmış, süpürgəyə bənzər saç ucları problemindən əziyyət çəkirlər. Saçlara saçqıran düşməsi nəticəsində bir çox xanımlar uzun, düz saçlarını quru, cansız saçlara qurban verirlər.

Saç diblərinin vəziyyəti
Saçların hər gün şampunla yuyulması sonda saçların qurumasına səbəb olur. Saç dibinin vəziyyəti saçların parlaq çıxmasına kömək edir.

Saçları açıq havada qurudun
Saçların saç feni ilə yüksək istilikdə qurudulması tez qurumasına kömək olsa da, uclarını korlayır. Saçları fenlə qurudarkən aşağı temperatura qoyun və feni çox yaxından tutmayın. Ən yaxşısı, saçların öz təbii halı ilə qurudulmasıdır.

Saç rəngləmək bəzi xanımlar üçün adətən stress atmaq vasitəsidir. Daim saç rəngi dəyişən xanımlar hər boyama üçün salona getmək yerinə evdə özləri və ya yaxın birinə boyatdırmağı seçərlər. Bu seçim salonda boyama xərclərindən xilas olmaq üçün də yaxşı seçimdir.  Ancaq yaddan çıxarmamaq lazımdır ki, saçlarınızda köklü dəyişiklik edəcəksinizsə, bunu evdə etməyiniz olduqca çətindir və axtardığınızı tapmaya bilərsiniz. Bunun üçün salona, işini çox gözəl bilən saç ustasının yanına getməyiniz lazımdır. Saçlarınıza bir neçə ton dəyişiklik edəcəksinizsə, bunu evdə həll etmək mümkündür. Elə isə saçlarınızı evdə rəngləyəcəksinizə, bu təkliflər sizin üçündür.

Saç boyama çəkməcəsi
Əgər saçlarınızı daim evdə rəngləməyi düşünürsünüzsə, bu rəngləmə üçün bir çəkməcə ayırın. Burada saçlarınızı boyayarkən geyinəcəyiniz köynək, dəsmal, daraq, saç ayırma aləti, broş, saç boyasını qarşdırmaq və saça çəkmək üçün fırça, əlcək və bir qab mütləq olmalıdır.

Vazelin
Saçlarınızı boyamağa başlamadan əvvəl saçlarınızın bitdiyi yerdən başlayaraq alınınıza və qulaqlarınıza vazelin çəkməyi məsləhət görürük. Boyaya bulaşmış olsa da, vazelinlə birlikdə təmizləmək çox asan olacaqdır.

Saçları ayırmaq
Boyayarkən saçları ayırmaq çox vacibdir. Əgər saçlarınızı tünd bir rəngə boyayırsınızsa, mütləq boyun hissəsindən ayırmağa və boyamağa başlayın. Boyun hissəsi digər hissələrə nisbətən rəngi daha gec götürəcəkdir. Əgər sarı bir rəngə boyayacaqsınızsa, ön hissədən başlaya bilərsiniz. Çünki təbii sarı saçlarda ön hissələr daha açıqdır.

Çirkli saç
Saçlarınıza boya çəkəcəyiniz zaman ən az bir gün əvvəl yumanızı məsləhət görürük. Saçlarınız çox təmiz olduğundan məsamələriniz açıq olacağı üçün dəriniz buna görə təsirlənə bilər. Çirkli saç təmiz saçlara nisbətən rəngi daha tez götürür.

Ətir – bu sözdə çoxlu emosiya, hiss, əhval-ruhiyyə, intizar, ümid və arzular var. Ətir insanın əhval-ruhiyyəsini ötürür, onun xasiyyəti, temperamenti, həyat tərzi, zövqləri və üstünlükləri haqqında bizə məlumat verir. Böyük Pablo Pikassonun qızı dizayner Paloma Pikasso təsadüfi olaraq deməyib ki, “ətir – şəxsiyyətin avtoqrafıdır”. “Estée Lauder” Korporasiyasının böyük vitse-prezidenti Evelin Lauder isə öz növbəsində belə hesab edirdi: “Qoxu qadın haqqında hətta onun müəyyən səbəblər və ya düşüncələrdən özü barədə deyə bilmədiyini söyləyir”. Bir çox insan bütün həyatını daim arzuladığı ətir axtarışında keçirir. Ətrin seçimi mövzusuna çoxsaylı kitab, mümkün məqalələr, təlimlər həsr edilib! Fransız ətriyyatçısı Romano Ricci ətirlərin köməkliyi ilə kişiləri valehetmənin yollarını açıqlayıb: «Mən düşünürəm ki, hər bir qadının müxtəlif cəhətləri var. Bunu göstər müəmmalı ol. Bir görüşə incə və məsum ətir vuraraq get, növbəti görüşə isə hissiyyatlı və cəzbedici parfüm seç. Bu çox maraqlıdır və insanı həyəcanlandırır.”

Adətən öz xarici görünüşünə ciddi yanaşan qadınlar geyinərkən hər gün özlərini “Bu gün nə geyinim?” sualı ilə yorurlar. Çox vaxt da dəb dalınca qaçaraq, özlərinə yaraşan rəngləri seçməyi unudurlar. Stilistlərin fikrincə, yaraşan rəngləri seçə bilmək üçün ilk növbədə dərinin, saçın, gözlərin rəngini müəyyənləşdirmək lazımdır.

Yaz rəngləri

Yaz rəngləri tipinə aid olan xanımlar çox zərif və tərəvətli görünürlər.
Dəri: Açıq və ya şaftalı, fil sümüyü, çəhrayı çalarlı qızılı rəngdə olur. Dəri günün altında tez qaralır. ]
Saç: Açıq qəhvəyi və ya təbii sarı olur. Yaz rəngləri tipinə aid olan xanımlarda açıq kürən, açıq xurmayı və qızılı rənglərdə də saçlara rast gəlinir. Adətən saçlarında açıq qəhvəyi çalarlar da diqqəti çəkir. Yaşlandıqca saçın rəngi tündləşsə də, saçlardakı qızılı parıltı itmir.
Gözlər: Firuzə, dəniz rəngi, göy, mavi, yaşıl- kəhrəba rəngində olur. Nadir hallarda qızılı-qəhvəyi rəngli gözlərə də rast gəlinir. Belə qadınların gözlərinin rəngi çox tünd olmur.

Yaraşan rənglər: 

• Əsas rəng — parlaq narıncı.
• Bej rəngi
• Isti sarı rəng (limon rəngi yaraşmır)
• Şampan rəngi
• Narıncı rəngə çalan
• sarı
• Parlaq narıncı rəng
• Açıq qəhvəyi rəng
• Kərpic rəngi
• Tomat rəngi
• Qızılı qəhvəyi rəng
• Çəhrayı rəng
• Qızılı yaşıl rəng
• Firuzə rəngi

Yaraşmayan rənglər: Qara, bozun bütün soyuq çalarları, ağ, purpur-çəhrayı, tünd göy.

Qış rəngləri

Əgər saçlarınız tünd kül və ya qara (tünd şabalıdı), gözləriniz qara, yaşıl, göy, tünd qəhvəyi, dəriniz isə ağ və ya zeytun rəngindədirsə, siz qış rəngləri tipinə aidsiziniz. 

Yaraşan rənglər: 

• Əsas rənglər — ağ və qara.
• Gümüşü rəng, dəmir rəngi
• Limon rəngi
• Qırmızı rəng
• Parlaq çəhrayı rəng
• Soyuq çalarlı tünd qəhvəyi rəng
• Bənövşəyi rəng
• Parlaq göy rəng
• Zümrüd rəngi
• Qaraya çalan yaşıl rəng

Yaraşmayan rənglər: Pastel rənglər, boz, narıncı, qəhvəyinin isti çalarları, sarı-qırmızı, sarı-yaşıl rənglər.

Yay rəngləri

Bu tipə soyuq rənglər xasdır.
Dəri: Açıq, çəhrayı çalarlı rənglərdə olur. Dəri o qədər şəffaf olur ki, altında damarlar görsənir. Dəri torpaq çalarlı da ola bilər. Bu tip qadınlarda çillər də olur. Dəri günün altında qaralır, hətta yandığı üçün qızarır da.
Saçlar: Açıq sarıdan tutmuş tünd xurmayı rəngə qədər tonlarda olur. Rənglərdə soyuq kül çaları nəzərə çarpır. Günün altında belə saçlar yandıqdan sonra bir qədər kürən rəng alırlar.
Gözlər: Yaşıl, mavi, boz, göy və ya qəhvəyidir.

Yaraşan rənglər:

• Əsas rənglər – boza çalan mavi, göy.
• Yumşaq pastel tonlar
• Səma rəngi
• Çəhrayı rəng
• Boza çalan qəhvəyinin bütün çalarları
• Çəhrayıya çalan qəhvəyi rəng
• Tünd qırmızı rəng
• Bozun bütün çalarları
• Parlaq olmayan soyuq rənglər

Yaraşmayan rənglər: Qara, təmiz ağ, çox parlaq rənglər, narıncı, parlaq qırmızı, yaşıl alma rəngi.

Payız rəngləri

Dərisi: Açıq və solğun olur. Müxtəlif çalarlarda – fil sümüyü, şaftalı, bej-qızılı, tunc, zeytun çalarlarda olur. Dərinin üstündə çillər və xallar da görünür. Dərisi günün altında tez yanır və qızarır. Payız rəngləri tipinə aid olan qadınlar yaz rəngləri tipinə bənzəyir. Lakin belə qadınların yanaqlarında qızartı olmur və dərisi günün altında pis qaralır. Sadəcə uzun müddət günün altında qalanda dəri yanaraq qızarır.

Saçları: Kürən saçlı və dərisi çilli olan qadınlar payız tipinə daxildir. Saçları qızılı- qəhvəyi, bal rəngində də olur.
Gözləri: Qəhvəyi, mavi, firuzə rənglərindədir.

Yaraşan rənglər: 

• Əsas rənglər — tünd qəhvəyi və ya tünd yaşıl.
• Fil sümüyü rəngi
• Qızılı bej rəngi
• Tünd sarı rəng
• Tutqun narıncı rəng
• Qızılı qəhvəyi rəngin bütün çalarları
• Bal rəngi
• Pas rəngi
• Yaşıl rəng
• Göyə çalan yaşıl rəng
• Qaraya çalan göy rəng
• Başqa parlaq olmayan isti rənglər

Yaraşmayan rənglər: Qara, ağ, boz, sarı, göy, soyuq çəhrayı, parlaq narıncı rənglər.

Ən həssas dəri tipi olan quru dərinizi canlandırmaq, xüsusi parıltı qatmaq bu maska ilə çox asan olacaq.

Sizə lazım olan 1 ədəd banan və krem şantidir.

Bananı  dərin qabda çəngəllə yaxşıca əzin. İki dəqiqə gözlədikdən sonra krem şantini üzərinə əlavə edib yaxşıca qarışdırın. Qarışımı üzünüzə sürtüb yarım saat gözləyin.

Son olaraq soyuq suyla yuyun. Yaxşı effekt görmək üçün həftədə 1 dəfə bu maskanı edin.

Noxud unu ilə günəşdən zərər görmüş, soyuqdan təsirlənən, korlanmış həssas cildinizi yeniləyib canlılıq qata bilərsiz. Bunun üçün sizə lazım olacaq:

5-6 ədəd noxud
Duz
Su

Noxud ununu bu noxudları tavada əzərək əldə edə bilərsiz. Əldə etdiyiniz bu noxud ununu mikrodalğalı sobada bir az saxlayıb qurumasını gözləyin.

Noxud ununa 1 çay qaşığı krem əlavə edin. Bu qarışıma bir neçə damcı su və duz əlavə edin. Əldə etdiyiniz bu maskanı göz altları xaric üzünüzün qalan yerlərinə  sürtün.

10-15 dəqiqə saxlayıb ilıq suyla yuyun. Fərqi görəcəksiz.