Evdarlıq kateqoriyası üzrə məqalələr

Bəzi şirniyyatlarda (məsəl üçün, şəkərbura və paxlavada) qabığı soyulmuş və üyüdülmüş badam içindən istifadə olunur. Badamın qabığını soymaq cəmi bir neçə dəqiqənizi alacaq. Bu da prosesin tamamı.

1. Badamları bir qazana qoyub üstünə onları örtəcək qədər qaynar su tökün.

2. Qoyun badamlar bu suda 2 dəqidə pörtsünlər (oda qoymayın!). Badamları suda çox saxlamayın, yoxsa yumuşalar və üyüdülmələri çətin olar.

3. Badamları süzün və qurulayın. Sonra isə iki barmağınızın arasında sürtərək qabığını soyun.

Siz yağlı mikrodalğalı sobanızı təmizləmək üçün rahat və ucuz vasitə axtarırsınız?
O zaman sizin bununla bağlı  bütün suallarınızın cavabı adicə bir  limondadır.

Sobaya hopmuş yağla uzun müddət mübarizə artıq geridə qaldı. Dərhal limondan istifadə edin və məsələnin rahat həllini tapın.
 
İlk növbədə yarısı sıxılmış limonun şirəsini bir boşqab su ilə, təxmini 300 ml, qarışdırın. Sonra isə hazırladığınız məhlulu sobanın içərisinə qoyun və maksimal istilik dərəcəsinə çevirərək 5-10 dəqiqə saxlayın.

Nəticədə buxar sobanın divarlarındakı yağı əridəcək. Sonda isə limon təravəti hopmuş sobanı çay dəsmalı ilə qurulayın. Və budur həm problem həll olundu, həmdə sobanız təmizləndi.

— Polad çaydanların səthindəki qaralmaları aradan qaldırmaq üçün yarım stəkan üzüm sirkəsinə 1 yemək qaşığı duz əlavə edib qarışdırın. Qab yumaq üçün süngəri bu qarışığa batırıb, çaydanın səthini yuyun. Çaydanın daxilinə yığılmış kirəc təbəqəsini təmizləmək üçün isə kartof qabıqlarını çaydanın içinə töküb, üzərinə su əlavə edin və bir müddət qaynadın.

— Mikseri istifadə etdikdən sonra təmizləmək üçün plastik qaba qaynar su əlavə edin və mikseri bu qaynar suda işlədin.

— Uzun müddət soyuducuda qalıb keyfiyyətini itirmiş yeməyin iyini aradan qaldırmaq üçün soyuducunun rəfini yuyucu vasitə ilə təmizləyib yaxşıca qurulayın. Bir ədəd limonun qabığını soymadan dilimləyin və soyuducunun ən üst rəfinə qoyun. Xoşagəlməz iylər limon sayəsində yox olacaq.

— Yeni alınan mətbəx əşyalarındakı etiketləri mebel cilası vasitəsilə təmizləyə bilərsiniz.

Hər dəfə mətbəxə keçib yemək hazırlamaq, səliqə-sahman yaratmaq sizə çətin gəlməsin.
Çünki bu çətinliyi aradan qaldırmaq üçün sizə bəzi təkliflərimiz var: yemək hazırlamaq, yığıb-yığışdırmaq işini asanlaşdırmaq, daha doğrusu, əyləncəyə çevirmək öz əlinizdədir.

Bilirsiniz ki, mətbəx də ev kimi təmizliyinə daim diqqət edilməsi vacib olan məkanlardandır. Çünki ailə çox vaxt elə burada süfrə başına toplaşır. Buna görə də, əvvəlcə mətbəxi darısqallaşdıran lazımsız əşyalardan təmizliyin. Müxtəlif ölçülərdə rəflər hazırlayıb mətbəxin bir küncündə yerləşdirə və gündəlik istifadə etdiyiniz ərzaq məhsullarını bu rəflərdə saxlaya bilərsiniz.

Hətta lazım gəlsə, mətbəx şkaflarını tavana qədər də qaldırmaq olar. Şkafın ən üst rəfinə isə daha az istifadə etdiyiniz əşyaları qoya bilərsiniz. Beləlikə, həm yer qazanar, həm də şkafın üstünü “toz basmaqdan” qorumuş olarsınız.

Boş divarları isə açıq rəflərlə doldura bilərsiniz. Yaxşı olar ki, mikrodalğalı sobanı və bəzi mətbəx vasitələrini şkafın üst rəflərinə yerləşdirəsiniz.

Mətbəxi gözəl, səliqəli və təmiz saxlamaqla həm orada yemək hazırlamaqdan, həm də bir yerdə süfrə başına toplaşmaqdan zövq alacaqsınız.

1. Yarım kasa sirkə ilə 2 xörək qaşığı qabartma tozunu qarışdırın. Gümüş əşyalarınızı 2-3 saat bu qarışıqda yuyub, yaxşıca parladın. Sonra soyuq suda yaxşıca yuyub qurulayın.

2. Bir xörək qaşığı limon şirəsini yarım kasa su və yarım fincan süd tozu ilə birlikdə qarışdırın və gümüş əşyalarınızı səhərə qədər bu qarışıqda saxlayın.

3. Parlaqlığını itirmiş gümüşləri 1 litr su, 1 xörək qaşığı qabartma tozu və bir parça alüminium folqa ilə qaynadın və gümüş əşyanızı 10 saniyə bu suda saxlayıb çıxarın.

4. Gümüş əşyaları ketçupla da parlatmaq olar. Bunun üçün salfet üzərinə bir qədər ketçup tökün və əşyalarınızı sürtün. Əgər parlamasa, ketçuplu salfeti 15 dəqiqə əşyanın üzərində saxlayın. Sonra da su ilə yuyun.

5. Gümüş əşyalarınızın solğunlaşmasının qarşısını almaq üçün əşyaları saxladığınız daxıla bir neçə ədəd tabaşir qoyun.

1. Paltara yapışmış saqqızı qoparmaq üçün həmin paltarı soyuducunun buzlu yerində 1 saat saxlamaq lazımdır. Əgər paltar buzlu yerə yerləşmirsə, onda saqqız yapışan yerə buz parçası qoyun.

2. Gümüş əşyaları təmizləmək üçün naşatır spirtinə həmin əşyaları salmaq lazımdır, sonra soyuq su ilə yumaq və yun əski ilə qurulamaq lazımdır.

3. Gümüş bəzək əşyalarını təmizləmək üçün isə onları bir parça sink və qaynar paltar sodası məhlulu tökülmüş suya salmaq lazımdır.
Rütubət ləkəsi olan gümüş əşyaları diş məcunu ilə təmizləmək olar. Xanımların işinə yarayacaq məsləhətlər.

4. Bankanın polietilen qapağını açmaq üçün bankanın üstünə qaynar su olan qab qoymaqla açmaq olar. Beləliklə qapaq isinəcək və asan açılacaq.

1791-ci ildə Ferguson Hardie adlı ingilis, roller qolu ilə çalışan və insan gücünün çox istifadə edildiyi rollerdən bir sistem inkişaf etdirdi.

1858-ci ildə Hamilton E. Smith dünyanın ilk mexaniki paltaryuyan maşının patentini götürmüşdür. Paltaryuyan maşınlar ilk başlarda gəmi içində dönən çarxlardan meydana gəlirdi. Yandakı qol çevrildiyində gəminin içindəki çarxlar dönərək paltarların çirkini axıtmağı təmin edirdi. Bu maşınların istifadəsi çox çətin idi.

Ala Fischer, 1906-cı ildə paltaryuyan maşını icad etdi. Maşının içinə üfiqi olaraq bir nağara yerləşdirildi. Bu nağara çirkli paltarların qoyulduğu yer idi. Elektrik köməyi ilə dönən nağara dönərək içindəki paltarları suyla təmas etdirərək təmizlədirdi.

İlk öncə eyni ayaqqabı uzun bir müddət geyinilməməlidir. Forması deformasiyaya uğramasın deyə geyindiyiniz ayaqqabını hər gün 24 saat istirahətdə saxlayın. Geyinmədiyiniz ayaqqabıları taxta qəliblərlə mühafizə edin. Beləliklə ayaqqabı çox nəm almayacaq və çatlaqların meydana gəlməsinin qarşısı alınacaq. İslanmış ayaqqabıları qızdırıcıların yanında saxlayıb qurutmayın. İstinin təsiri ilə dəriləri çatlayar və quruyar. Keyfiyyətli ayaqqabı boyalarından istifadə edin. Tez-tez ayaqqabılarınızı boyayın və badam yağı ilə cilalayın.

Ayaqqabı qulluğunda etdiyimiz səhvlər !
Ayaqqabınız islandığı zaman qızdırıcı və ya soba kimi qızdırıcıların yanına qəti qoymayın. Bu bir çoxlarımızın etdiyi səhvlərdən ən birincisidir.

1

1. Yaşadığınız yerə yaxın bir qəssabla tanış olun və mümkünsə, onunla dost olun. 

2. Büdcənizin imkan verdiyi ətin ən yaxşı hissəsini seçin. 

3. Qəssabın əvvəlcədən hazırladığı və kəsib qoyduğu əti almayın. 

4. Tünd qırmızı deyil, açıq albalı rənginə yaxın olan əti seçin. Boz ətdən mümkün qədər uzaq durun. 

5. Mərmər kimi parlayan ət alın. 

6. Çox təzə ət də almayın. 

7. Əvvəlcədən paketlənmiş ət alsanız, nəmli və içində su olmamasına fikir verin. Saxlama müddətinə də baxmağı unutmayın.