Evdarlıq kateqoriyası üzrə məqalələr

Uşaq otaqları
Uşaq otağının dekorasiyasına töhfə verən, yuxulu körpə və yorğun valideynlərin rahat edə biləcəyi, oyun oynayarkən körpənizin rahat ola biləcəyi xalçalar seçin. Tük tökməyən, qısa tüklü, orqanik məhsullardan hazırlanmış xalça seçin.

Qonaq otağı
Bu otaqda daha çox oturulduğu üçün dözümlü xalçalar seçin.

Yemək otağı 
Otaqda yemək yeyildiyi üçün ləkə tutmayan xalça seçin. Tünd rəng tonlarında olsun.

Böyük xalça sifarişi vermədən əvvəl stilinə, rənginə, otağın dekor və rənginə uyğunluğuna, məkanın istifadəsinə uyğun stildə, ölçüdə xalça seçin.

Ölçü götürərkən divardan 30-60 sm boşluq buraxmaq lazımdır. Otağa işıltı qatacaq xalça alın.

Mətbəx üçün masaları əhatə edə biləcək xalça seçin.

Məkanın ölçüsündən çox böyük xalça almayın.

Yemək otağı üçün uzun tüklü xalçalar almayın. Tək rəngli və geometrik naxışlı xalçalar rəng uyğunluğunda daha asan seçilir.

Soyuducunun buzluğu evdə ən vacib məkanlardan biridir. Onun köməyi ilə yeməklərimizi aylarla xarab olmadan saxlaya bilirik. Ancaq insanlar bəzən dondurulması lazım olmayan qidaları da buzluqda saxlayırlar. Bəs hansı qidaları buzluğa qoymaq olmaz? 

Çoxlu su tərkibli meyvə və tərəvəzlər - Qarpız, alma, kartof, xiyar və digər su tərkibli meyvə-tərəvəzləri buzluqda saxlayanda dadını itirir. Buna görə onları ya tez yemək lazımdır, ya da saxlamaq üçün başqa yol tapın.

Donu açılmış ət, bişmiş makaron, konservləşdirilmiş məhsullar soyuducuda saxlamaq üçün uyğun deyil. Daxılda saxlamaq lazımdır. Hava keçməyən konteynerdə saxlayın.

Qabıqlı yumurta - Buzluqda çox donduğu üçün çatlaya və içinə bakteriya keçə bilər.

Kremli məhsullar - Smetan, yoqurt, pudinq kimi kremləri buzluqda yox, soyuducuda saxlayın.

Yumşaq pendirlər - Buzluqda yumşaq yox, möhkəm pendirləri saxlaya bilərsiniz. 

Un və ya nişasta ilə qatılaşmış souslar - Buzluqda saxlasanız tutarlılığı dəyişəcək və yararsız olacaq.

Ərinmiş dondurma - Buzluğa qoysanız dadını itirib  yapışqan kimi olacaq. 

Sobada bişirilmiş qidalar - Yemək bişirib qalanını  yenə buzluqda dondursanız, bakteriyaların inkişafını təşviq edəcək.

Tomat daha çox pomidor və qırmızı bibərlərin əzildikdən sonra suyunun çıxarılması və qaynadılması ilə hazırlanan qidadır. Tomatlarda isə nəmlə bağlı olaraq kiflənmə çox tez-tez yaşanır. 

Evdə hazırlanan tomatlarda deyil, daha çox hazır tomatlarda kiflənmə olur. Düzgün saxlanma və istifadə üsulları ilə tomatlarınızın kiflənməsinin qarşısını ala bilərsiz. 

— Tomatların dəmir qutuda olmasına diqqət edin. Tomatın ağzından götürərkən boş qalan hissəsini doldurana qədər duru yağ tökün. Yağ soyuducuda donub tomatın kiflənməsini əngəlləyəcək.

— 1 kilo tomata 1 stəkan bitki mənşəli yağ əlavə edin və bir qazanda az odda qaynadaraq bişirin. 1 yemək qaşığı turşuluq duz əlavə edin. Soyuduqdan sonra təmiz bir cam qaba qoyub saxlayın.

— Soyuq yerdə saxlayın.

— Hava keçməsin.

— Duz ilə qarışdırıb yağ əlavə edilməsi kiflənmənin qarşısını alır.

— Tez müddətdə istifadə edin.

— Ağzını açdıqdan sonra yaxşı bağlanmasa, ağzına stəkan qoyun.

Geyimdən saqqızı təmizləmək kifayət qədər asandır, axı bu problemi həll etməyə kömək edən bir çox yoxlanılmış üsul mövcuddur.

Ən sadə və etibarlı variantla geyimdən saqqızı təmizləmək, şübhəsiz, geyimin kimyəvi təmizləməyə təslim edilməsidir. Orada asanlıqla müxtəlif kimya vasitələrinin köməyi ilə geyimə ilk görünüşü qaytaracaqlar. Əlbəttə, bu “həzz” böyük maliyyə xərclərini tələb edir.
Ev üsulu vasitəsi ilə saqqızı geyimdən necə təmizləmək olar?

Qaynatma və isti hava
Əgər cins parçaya saqqız yapışdısa, onda cinsdən saqqızı qaynatma metoduyla təmizləmək olar: 100C temperaturda suya çirklənmiş cinsləri salmaq lazımdır ki, saqqız ərisin. Su soyuduqdan sonra nə vaxt ki, ora əlləri salmaq mümkün olacaq, lazımsız diş fırçası və ya bıçağı götürün və şalvarda olan saqqızı maksimum sürtməyə çalışın.
Həmçinin fenin isti havasının köməyi ilə də saqqızı yumşaldıb parçadan təmizləmək olar.

Yüksək temperatur üsulları yalnız o parçalar üçün tətbiq edilə bilər ki, bu temperatur geyimin etiketində göstərilmiş olsun.

Şaxta
Əgər kiçik batırılmış hissəni soyuducunun dondurucu kamerasına asanlıqla yerləşdirmək mümkündürsə, onda bu üsulu yoxlamaq lazımdır. Geyimi polietilen paketə yerləşdirin. Diqqət etmək lazımdır ki, saqqız paketə yapışmasın. Əgər saqqız qablaşdırma paketinə yapışırsa, onda deşik açın və dondurucu kameraya yerləşdirin. Paketi 2-3 saat soyuducuda saxlayın o vaxta kimi ki ,saqqız bərkisin. Daha sonra bıçağın və ya maqqaşın köməyi saqqızı qaşımağa çalışın. Bu elə də çətin olmalı deyil: donmuş saqqız adətən ovulur və asan qopur. Əgər batırılmış geyim çox həcmlidirsə və soyutma kamerasına yerləşmirsə, onda saqqız olan sahəyə buz kublarını qoymaq olar.

Mətbəxdə bacarıqlı olmaq üçün illərlə təcrübə qazanmaq lazımdır. Amma bəzi məsləhət və tövsiyələri bildikdən sonra hər bir qadın mətbəxdə xariqələr yarada bilər.  Məsələn, yaxşı qabarmış, ləziz, xoş ətirli keks bişirmək isə heç də çətin deyil! Sadəcə keks hazırlayarkən aşağıdakıları nəzərə almalısınız:

Keks hazırlayarkən istifadə edəcəyiniz vəsaitin otaq istiliyində olmasına diqqət yetirin.

Keks üçün əvvəl yumurtaları çırpıb, şəkəri əlavə edin və birlikdə yenidən çırpın. Daha sonra duru yağ, süd kimi maye vəsaitləri, ən son da unu əlavə edin.

 Reseptinizdə otaq istiliyində kərə yağı ya da marqarin istifadə edilirsə, əvvəl kərə yağı ya da marqarini şəkərlə çırpın. Sonra üzərinə yumurta və digər vəsaitləri əlavə edin.

Keks hazırlayarkən karbonat yerinə qabartma tozunu seçin.

Yeməklərə dad verən soğan çox təəsüf ki, qoxusuyla kabusa çevirilib. Yemək bişirdikdən sonra əllərin soğan qoxmaması üçün sizə bəzi məsləhətlər təqdim edirik.

1. Limon suyu
Bir limonu əllərinizdə ovaraq, soğan qoxusundan xilas ola bilərsiniz.

2. Alminium
Alüminiumdan olan hansısa mətbəx əşyasını soyuq suyla sanki sabunlayırmış kimi yuyun. Alüminium soğan qoxusuna səbəb olan kimyəvi maddələri məhv edib, qoxunu uzaqlaşdırır.

Dünəndən qalan yeməyi ertəsi gün isidib yemək hər evdə artıq bir ənənəyə çevrilib. Bəs görəsən bu etdiyimiz doğrudurmu?

Qida zəhərlənməsinin səbəbkarı bəlkə də elə özümüzük. Ev xanımları axşamdan bişirdikləri yeməklərin artığı qalanda soyuducuya qoyub ertəsi gün isidərək yenidən süfrəyə təqdim edirlər. Bunun qida zəhərlənməsinə səbəb olduğunu bildirən mütəxəsislər ev xanımlarını ciddi şəkildə xəbərdar ediblər.

Ertəsi gün yeməyin ancaq yeyiləcək miqdarının isidilməsi gərəkdir. Yemək bişirildiyində qida zəhərlənməsinə yol aça biləcək bakteriyalar ölür. Yeməkləri, xüsusən ətləri yaxşı bişirmənin vacibliyini qeyd edən mütəxəssislər qidanın hər tərəfli bişməsinə diqqət edilməsini vacib buyururlar. 

Yeməkləri təkrar-təkrar isitməyin 
Dünəndən qalan yeməkləri ertəsi gün yediyinizdə hər tərəfinin isindiyinə əmin olun. Çünki yeməyi soyuducuda saxladıqda bakteriyalar yenidən yaranır və bu da qida zəhərlənməsinə səbəb olur. Ancaq yemək isidildiyində bakteriyalar ölür.

Qida zəhərlənməsinə yol açan bakteriyalara diqqət edin 
Bakteriyaların yaranmasının və zəhərlənmə hallarının qarşısını almaq üçün qidaları doğru temperaturda bişirmək vacibdir. Soyuq halda saxlanması gərəkən qidaları otaq temperaturunda saxladıqda zəhərlənməyə yol aça bilər. Yeməyin qalan hissəsini dərhal çox dərin olmayan qaba boşaldıb, arasında məsafələr açdıqdan sonra soyuducuya qoymalısınız. Qida zəhərlənməsi çiy yeməklərin bişmiş yeməklərlə təmasda olması, əllər, istifadə edilən mətbəx əşyaları, bıçaq vasitəsilə baş verir. Buna görə çiy yeməklərə əllərinizi vurduqdan sonra əllərinizi mütləq yuyun. Çiy yeməkləri sellofana, ya da qaba töküb soyuducuya qoyun.

İstifadə etdiyiniz işığın mövqeyi evinizin dekorasiyasına ciddi təsir edir. İşıqlandırma hiylələriylə evinizdə möcüzələr yarada bilərsiniz.

Planlayın
Otağınızı işıqlandırmazdan əvvəl, otağınızda necə abu-hava yaratmaq istədiyinizə qərar verərək işə başlaya bilərsiniz. İşıqlandırmada istifadə edəcəyiniz məhsul, otağınızın tavanlarının daha hündür görünməsini təmin edə bilər. İstifadə etdiyiniz işıqlandırmadan otağınızı olduğundan daha geniş ya da daha fərah göstərə bilərsiniz.

1. Kal meyvələrin daha tez dəyib sulanması üçün yeganə ehtiyacınız olan şey kağız torbadır. Kağız torbada saxlanılan meyvələr daha tez yetişir. 

“Bağım balacadır, heç nəyə yaramaz” deyə düşünməyin. Sizə kiçik bağlar üçün bəzi məsləhətlər təqdim edirik.

Pəncərə saxsıları — Günəş işığı düşən pəncərənizdə yetişdirə biləcəyiniz qədər bitki yetişdirə bilərsiniz.

Həyət bağı — Geniş torpaq sahələrində yetişdirilən bitkilər üçün günəş işığı nə qədər əhəmiyyətlidirsə, balaca ərazilərdə yetişdirilən bitkilər də bir o qədər vacibdir. Gilsiz torpaq istifadə etmək ən ideal hesab olunur. Bitkilər suya nə qədər yaxın olsa, o qədər yaxşıdır.

Qutuda çay bağçası — geniş taxta bir qutuya müxtəlif bitkilər əkə bilərsiniz. Qutunu evin ən çox günəş düşən hissəsinə yerləşdirin.

Əgər eyvanınız, həyətiniz günəşlidirsə, hər bitkini və ya tərəvəzi saxsı qablarda da olsa, yetişdirə bilərsiniz. Ancaq unutmaq lazım deyil ki, pomidor, xiyar və bu kimi tərəvəzlərə daha böyük saxsı qablar lazımdır.