Yaraşıqlı görünüş, gözəl imic kateqoriyası üzrə məqalələr

Hazırda qarderobunda ən azı bir cüt cins şalvar olmayan insana rast gəlmək çox çətindir. Bir balaca keçmişə nəzər salsaq görərik ki, o vaxtlar cins şalvarlar xüsusi bir qeyri-adilikləri ilə fərlənməsələr belə onlara təlabat inanılmaz dərəcədə çox idi və insanlara ağılasığmaz qiymətlərlə satılırdı. Halbuki indi hər bir kəs öz zövqünə görə istədiyi formada cins şalvarı asanlıqla tapıb, çox sərfəli qiymətlərə də ala bilir. Milyonlarla insan rahatlığı və komfortu ilə fərqlənən denim şalvarlarına üstünlük verir.  əzən insanlar eyni cins şalvar modelini həm iş yerinə, həm gəzintiyə, həm də gecə klubuna geyinir. Bəzilərinin fikrincə bu monotonluqdur, lakin bu, heç də belə deyil. Belə ki, cins şalvarı üzərimizdəki digər üst geyimləri ilə düzgün uyğunlaşdırdığmız halda hər dəfə qeyri-adi bir görkəmə sahib ola bilərik. 
Bəs cins şalvarı necə seçmək olar? Əvvəlcə cins şalvarın nə məqsədlə geyiniləcəyi dəqiqləşdirilməlidir. Bəlkə siz cinsi işə geyinəcəksiniz, ya da sadəcə ay işığında bir gəzintiyə çıxacaqsınız, yaxud da siz bir gecə klubuna getməyi planlaşdırırsınız və istəyirsiniz oradakıların diqqəti yalnız sizdə olsun. Hər bir halda siz bir cüt cins şalvardan bütün bunların hamısını həyata keçirmək üçün istifadə edə bilərsiniz.
    

Gündəlik geyimdə cins şalvardan necə istifadə etmək lazımdır?
Siz gəzintiyə çıxacaqsınız və sizə rahat bir geyim lazımdır? Komfort, rahatlıq və biz az da şarmlı olmaq istəyirsiniz? Bu cür situasiyalarda adətən ən sevimli cins şalvara və fubolkaya üstünlük verilir. Bu futbolka ağ rəngdən tutmuş, çox parlaq çalarlara kimi hər bir rəngdə ola bilər. Formanın da necə olmasının böyük bir əhəmiyyəti yoxdur. Siz öz əhval-ruhiyyənizə uyğun olaraq hər hansı bir formanı seçə bilərsiniz. Hətta futbolkanın cins şalvarınızla mükəmməl şəkildə əlaqələndirilməsinə belə fikir verməyinizə ehtiyac yoxdur. İnanın ki, istənilən parlaq rəngli, diqqəti cəlb edən futbolka cinslə geyinildikdə, klassik formalı bir geyim təəsüratı yaradır. Bunu sınaqdan keçirməkdən və öz individuallığınızı göstərməkdən heç bir vaxt çəkinməyin.

Bəs işə cins şalvarı nə ilə geyinmək lazımdır?
İşə və ya məktəbə düz cins şalvarların geyinilməsi daha məqsədəuyğundur. Xarici görkəminizə bir balaca da eleqantlıq qatmaq istəyirsinizə, cins şalvarla bel hissəsindən azca daraldılmış uzun jaket geyinin. Bu sizə zəriflik və incəlik qazandıracaq. Bekı geyimdə qadınlar çox cəlbedici və stilli görünürlər. 

   

Sevdiyin insanla görüşə gedərkən cins şalvarla nə geyinə bilərsən ?
Sevgilisi ilə görüşə çıxmaq hər bir qızın həyatında ən xoş məqamlardandır. Əlbəttə ki, bu zaman hər bir qız çox gözəl görünmək, özünə inamlı bir təsir yaratmaq və geyindiyi paltarla özünü narahat hiss etməmək istəyir. Bu zaman hətta ən çox sevdiyiniz donu, yubkanı geyinmək istəmirsinizə, onda cins şalvarla uzun kofta və ya topik sizin üçün ən ideal variant hesab olunur. Bu zaman ən gözəl rəng çalarlarını seçməyə çalışın ki, onlar sizin zərifliyinizi daha da ortaya çıxarsın. Düz, yaxşı bir şəkildə oturmuş cins şalvar və onun üzərinə düşən uzun kofta bədən formanızı ortaya çıxarmağa və sizi daha gözəl göstərməyə kömək edər. Yaxşı olardı ki, uzun koftanın beli büzməli olmasın. Çünki bu, sizin bədən formanızı olduğundan böyük göstərə bilər.

Gecə klubuna cins şalvarı nə ilə geyinmək olar?
Klubda hamı adətən bir-birindən seçilməyə çalışırl. Bu zaman insana individuallığı göstərmək məsələsində geyindiyi paltar kömək edir. Belə olduğu halda siz hər hansı bir cins şalvarı müxtəlif şeylərlə kombinə edə bilərsiniz. Məsələn, hər hansı bir klassik köynək və ya ipək kofta, və ya adi bir futbolka sizin köməyinizə çata bilər. Lakin maraqlı və daha effektli görünüş əldə etməyin ən ideal yolu cins şalvarla trikotaj paltarların geyinilməsidir. Çünki bu, sizin xarici görkəminizə müəyyən cazibədarlıq, fəqlilik qatacaq.
Sonda isə qeyd etmək istərdik ki, əgər siz əsl yubka həvəskarısınızsa və düşünürsünüzsə ki, zərif qadın şalvar geyinməməlidir, lakin zamanla cins yubkaları da nə ilə geyinəcəyinizi bilmirsinizsə, heç narahat olmayın. Çünki yuxarıda dediklərimizin hamısı cins yubkalara da şamil edilir. Bir sözlə, bu deyilənlərə əməl etsəniz, görünüşünüzə hər hansı bir zərər gələcəyindən qətiyyən qorxmayın. Bu cür geyimlə siz həmişə qeyri-adi və cazibədar görünəcəksiniz.

Mənbə: Itv.az/

Yay hələ bitməyib. Qarşıda isə məxməri mövsüm var. Bu mövsümün də öz geyim növləri və aksessuarları var. Biz sizə hələlik məxməri mövsümün aksesuarlarından söhbət açacağıq. Əksəriyyət bu müddətdə, sentyabr-oktyabr aylarında istirahət etməyə üstünlük verir. Bəs bu mövsümdə hansı aksessuarlar dəbdə olacaq?
1. İri halqalı sırğalar.
2. Rəngarəng qolbaqlar. Belə qolbaqlar xanımların yayda günəşdən qaralmış qollarında gözəl və yaraşıqlı görsənir.
3. Kiçik gül çantaları.

Sellülit sözünə son illərdə daha tez-tez rast gəlinir. İndi hər bir qadın bədənində (əsasən bud və baldır nahiyələrində) hamarlığı pozulmuş dəri gördükdə, sellülitdən şübhələnir və ondan yaxa qurtarmaq yollarını axtarır.

Hörüklərdən danışan kimi, o dəqiqə göz qabağına qoşa hörüklü kənd qızı gəlir. Əlbəttə hörüklər hamı kimi, kənddən şəhərə gəlib. Kənd qızların səhəri, saçlarını hörməkdən başlanır, çünki, tarlada, bağ-bağçada, həyət-baca işində hörülməmiş saçlarla çıxmaq olmaz.
Sonralar bu hörüklər şəhər qızlarına da xüsusi yaraşıq gətirdi. Hörükləri məşhur xanımlar da dəbə gətirdi. Məsələn, Diana Krüqer bu hörükləri Kann festivalına qədər aparıb çıxardı. Cenifer Lopes xüsusi hörülmüş saç formasıyla səhnəyə çıxdı.

Gözəl və cazibəli görünmək hər bir qadının arzusudur. Lakin Tanrının zərif məxluqlara bəxş etdiyi məlahəti, təravəti qorumaq, onu davamlı etmək əlbəttə ki, qadının özündən də çox asılıdır. Deyirlər, çirkin qadın yoxdur, baxımsız qadınlar var. Baxımlı qadınlar cəmiyyət tərəfindən də daha hörmətlə qarşılanır, onlarda özünə inam və əminlik daha yüksək olur. Bu isə qadınları mənən daha güclü və cəsarətli edir. Qadın gözəlliyini bərpa etmək, qorumaq və davamlı etmək üçün müasir kosmetologiya, plastik cərrahiyyə daha nələrə əl atmır. Lakin etiraf edək ki, təbii vasitələrdən istifadə edərək gözəlliyini və təravətliliyini təmin edən qadınlar daha çoxdur.

Deyirlər, ətirlər insan xarakterinin danışan dilidir. Qoxu öz sahibi haqqında təsəvvür olduğundan da çox məlumaq verə bilər. Əlbəttə ki, burada sarımsaq, siqaret və ya tər iyindən yox, istifadə etdiyimiz müxtəlif ətirlərin rayihələrindən gedir.

Çiçək ətirli: qızılgül, zambaq, jasmin, qardeniya…

Bu cür ətirlərdən istifadə edənlər mülayim, ünsiyyətcil və mehriban insanlardır. Sadiq dost və asanlıqla etibar ediləcək işçidir. Ancaq onların yaxın dostları azdır. Belələri qeyri-adi, gözəl və əntiq əşyaları çox xoşlayır, hətta kolleksiya da yığırlar. Səs-küylü yerləri sevmirlər, evdə oturub, sakit atmosferdə dincəlmək onlar üçün daha münasibdir.

Xalq arasında çirkli saçın əslində daha faydalı olduğu deyilir.
Guya saçdakı yağ nisbəti onun xarici görünüşünə parlaqlıq qatır. Ancaq parlaq saç ilə yağlı saç arasında çox incə bir xəttin olduğu da həqiqətdir. Bəs yağlı saç nədir və necə meydana gəlir? Əslində «yağlı saç» deyə bir anlayış yoxdur. Yağlı olan dərinin özüdür.
Belə ki, saçları düz şəxslərdə dəridən ifraz olunan yağ gün ərzində sürətlə yayıldığı halda buruq saçlılarda bu müddət daha yavaş irəliləyir. Buna görə də istifadə ediləcək şampun çox diqqətli seçilməlidir. Həddindən artıq yağlı saçları yuyarkən şampunu iki dəfə tətbiq etmək lazım ola bilər.

Bundan başqa, yağlı saçlara sahib olan qadınların saçlarını necə düzəltdikləri də çox əhəmiyyətlidir. Çünki saçı tez-tez fırçalamaq və daramaq yağlanmağı sürətləndirir. Eyni zamanda saçların mümkün olduğu qədər az yığılmasında da fayda var. Saç mütəxəssislərinin fikrinə görə, yağlı saçlara sahib olan qadınlar qısa saç kəsiminə üstünlük verməlidirlər.

Digər bir fikrə görə, yağ alına təmas edərək sızanaqların yaranmasına da səbəb ola bilər. Yağlanma xarici görünüşə təsir edən bir problem kimi görünsə də, əslində başqa problemlərin də başlanğıcı sayılır. Saçın həddən artıq yağlanmasının qarşısı alınmazsa, bu, tüklərin tökülməsinə, hətta kəpək və seboreik eqzamanın yaranmasına səbəb ola bilər.

Bəzən başqa ölkədə olarkən ordakı qadınların gözəlliyi, cazibədarlığı diqqəti cəlb edən zaman düşünürsən, görəsən onların bu qədər təravətli görünməsinə kömək edən nədir?

Yaponiya: dərinin mərmərliyi və sadə düyü
Yapon qadınları dərisinin şəffaflığı (farfora bənzər rəngi) ilə məşhurdurlar. Onlar bunu necə əldə edirlər? Düyü və dəniz yosunlarının köməyi ilə. ABŞ–da dəriyə qulluq üzrə xüsusi kosmetik vasitələrin istehsalı ilə məşğul olan şirkətin nümayəndəsi biznes qadını K.S.Kenq bu haqda belə şərh edir: «Qədim zamanlardan yaponlar düyü kəpəyindən sabun kimi istifadə edirdilər. Onlar kəpəyi torbaya töküb üzərinə bir qədər su əlavə edir və skrab kimi bədən dərisinə sürtürdülər.

Əgər saçlarınızın qayğısına qalmaq istəyirsinizsə, aşağıda göstərilənlərin, heç olmasa, bəzilərini həyata keçirin:  * Saçınızı yuyarkən qətiyyən sabundan istifadə etməyin. Çünki sabun saçın qurumasına və üzərindəki kiçik canlı hüceyrələrin ayrılmasına səbəb olur.
* Saçları tez-tez bir yerə toplamaq saç hüceyrələrinin sıxılmasına yol açır və saçlar qırılır.
* Daraq alarkən dişlərinin mümkün qədər geniş olmasına çalışın.
* Saçınızı darayarkən nəmli və ya islanmış olmasına diqqət yetirin. Çünki quru saçı daradıqda qırılır.
* Quru saçlar üçün 2 xörək qaşığı küncüt, badam və ya günəbaxan yağı götürün. Sonra 3-4 xörək qaşığı noxud unu hazırlayın. Yumazdan əvvəl saçınızı seçdiyiniz yağla masaj edin. Sonra qalan yağın üzərinə noxud unu və bir az da isti su əlavə edərək qarışdırın. Bu qarışığı saçınıza vurub yaxşıca yuyun.
* Bitki yağları saçlara canlılıq, elastiklik və parlaqlıq gətirir, ətrafdakı zərərli təsirlərdən qoruyur.
* Saçları yuduqdan sonra yaxalamaq xüsusilə yağlı və kəpəkli saçlarda möcüzələr yaradır. Başın dərisi qurudursa, bitki mənşəli qarışıqlarla və ya azacıq alma sirkəsi əlavə edilmiş su ilə yaxalamaq məsləhətdir.
* Saçınız yağlıdırsa, 1 ədəd limonun qabığını sürtgəcdən keçirin və 1 qaşıq nazik doğranmış cökə və yarım litr su əlavə edərək qarışdırın və qaynama dərəcəsinə çatana qədər qızdırdıqdan sonra 10 dəqiqə dəmə qoyduqdan sonra süzün. Sonra 8 ədəd limonun suyu ilə birlikdə hamısını bankaya töküb çalxalayın və 2 gün saxlayın. Saçınızı yuduqdan sonra 1 litr ilıq suya həmin mayenin 1/8 hissəsini əlavə edib, saçınızı yaxalayın.
* Saçınıza daha çox parlaqlıq vermək üçün qurudarkən feni saçın kökündən uclarına doğru tutaraq qurudun.

Pomada (dodaq boyası) makiyajda son nöqtədir. Düzgün uyğunlaşdırılmış pomada üzünüzü anında canlandırmaqdan əlavə hətta gözlərinizin parlaqlığını da vurğulaya bilər. Pomadanın rəngi zövqünüzə, geyiminizin rənginə, ya da dəbdə olan rənglərə görə seçilsə də, dodaqlarınızın formasını da nəzərə almalısınız. Dodaqlarınız dolğundursa, yumşaq tonlarda mat (parıltısız) pomadalardan istifadə etmək məsləhət görülür. Dodaqlarınız nazikdirsə, tünd rəngli pomadaya üstünlük verin
1. Pomadanıza uyğun rəngdə dodaq qələmi ilə ortadan uclara doğru dodaqlarınızı çevrələyin.
2. Dodağınızın hər tərəfini qələmlə doldurun. Beləcə həm pomadanızın davamlılığı artacaq həm də silinməyə başladığında dodaqlarınız cansız görünməyəcək.
3. Pomadanı fırçayla dodağınıza çəkin.
4. Pomadanın davamlılığını artırmaq üçün ilk qatı çəkdikdən sonra artığını salfetlə silin və ikinci qatı çəkin.
5. İşıltılı görüntü üçün dodaqlarızın tam ortasına rəngsiz bir parladıcı toxundurun.

.

Pomadaların tarixi

Keçmişdə içindəki zəhərli boyalar səbəbi ilə qadınların ölümlərinə səbəb olan, kosmetik firmaları heyvanlarda sınayır deyə boykot edilən, qadınları həyat qadını olaraq damğaladan və bəzi cəmiyyətlərdə dini səbəblərlə qadağan edilən pomada hər şeyə baxmayaraq 125 ildən bəri ardıcıl olaraq emal edilir və indiki vaxtda çantasında pomada daşımayan bir qadını az qala tapa bilməzsiniz.
Tarixdə bilinən ilk pomada bundan 8 min il əvvəl misirlilərin tətbiq etdiyi zəyi qaynadaraq əldə etdikləri qırmızı boya ilə dodaqlarını rəngləmələridir. Qədim Yunan və Romada ancaq yuxarı sinfin qadınlarına dodaqlarını qırmızıya rəngləmələrinə icazə verilərdi.
Boyama işi çətin və zaman alıcı idi. Parisli bir ətir satıcısı 1884-cü ildə qırmızı boya ilə bal pətəyi və balzamı qarışdırıb ipəkdən parça bir rulo içinə yerləşdirib qələm şəklində satışa təqdim etdi. Qadınlar bu yeni kəşfi dərhal sevib ona sosiska (Saucisse) adını belə verdilər. Parisli səhnə sənətçisi Sarah Bernhardt isə bu yeni görünüşə mehebbet tanrısı Erosun sehrli çubuğu adını taxdı və səhnəyə çıxarkən istifadə etməyə başladı. Fransız mühafizəkarları bu yeni dodaq boyasına muxtelif səbəblərə gore qarşı çıxdılar,amma bacara bilmədilər. 1900-cı ildə indiki vaxtda hələ də istehsal edən Fransız firması Guerlain bu siqaret şəklindəki dodaq boyasını bütün Fransada satmağa başladı.
1912-ci ildə Guerlain çıxardığı qırmızı dodaq boyalarını Amerikaya gətirib New Yorkda satışa təqdim etdi və bu hadisə böyük bir sensasiya yaratdı. İlk başda yalnız qırmızı olan dodaq boyası pomada (Rouge) daha sonraları başqa rənglərdə də emal edildi.
Pomadadan ən çox zərər görən restorançılar və quru təmizləyicilər oldu. Pomada ləkələrini stəkanlardan və köynəklərdən çıxarmaq olduqca çətin və zaman alıcı idi. Zamanla dodaq boyaları daha qalıcı oldu və hətta içinə qoyulan kimyəvi maddələrlə dodaqları şişirib böyütmək də mümkün idi.
İnsanlar danışarkən bir-birlərinin dodaqlarına baxarlar. Qadınlar da bunu bildiklərindən kişilərin baxışlarını üzlərindəki qırışlar və sallanmalardan uzaq tutmaq üçün dodaqlarını qırmızıya rəngləyərək kişilərin diqqətlərini dodaqlarına çəkərlər. Rolling Stonesin solisti Mick Jagger-in boşandığı maniken yoldaşı Bianca Jaggerin söylədiyi kimi: «Səhərlər yorğun və canavar kimi bir üzlə qalxdığımda dodaqlarımı rəngləyər-rəngləməz özümü yenə normal bir qadin kimi hiss edərəm.» 

Pomadanı (dodaq boyasını) necə çəkməli?

Dodaq boyası seçərkən dərinin rənginə fikir vermək lazımdır. Pomadanı üz dərisinə əsasən seçmək mütləqdir. Nəinki üz dərisi, həmçinin dişlərin rəngi də nəzərə alınmalıdır. Pomada alarkən ilk növbədə pomadanın son istifadə tarixinə baxmaq lazımdır. Əgər bu informasiya yoxdursa, pomadanın köhnəliyini müəyyən etmək çətin deyil. Köhnə pomadanın pis iyi, üzərində ağ ləkələri və solğun rəngi olur. Pomadanın maksimal istifadə müddəti üç ildir, soyuducuda saxlanıldıqda və fırça ilə sürtüldükdə. Əgər pomadanı birbaşa dodağınıza vurursunuzsa, istifadə tarixi il, qabına günəş şüası dəyibsə. üç ay olur. Keyfiyyətli pomada rahat çəkilməli, dodaq da hamar qalmalıdır. Onu sildikdən sonra dodaqlarda dartınma və ləkə qalmamalıdır.

Pomadanın növləri

Pomadanın tərkibindən asılı olaraq nəmləndirici, qidalandırıcı gigiyenik, davamlı, super-davamlı və parıltılı növləri var.
Nəmləndirici: Dodağı həm rəngləyir, həm də çatvermədən qoruyur. Onun tərkibinə avokado, kakao, günəbaxan, kokos, gənəgərçək yağı və çobanyastığı cövhəri daxildir. Çatışmayan cəhəti isə dodaqdan tez silinməsidir.
Qidalandırıcı: Soyuq havada dodağı quruma və çatlamadan qoruyur, tərkibinə böyük miqdarda mum daxildir. Davamlı və super-davamlı: ləkə qoymur, dodaqda 24 saata qədər qalır. Onun tərkibinə efir yağları və rəngləyicilər daxildir. Davamlı pomadadan hər gün istifadə etmək məsləhət görülmür, belə ki, o, dodaqları qurudur.
Gigiyenik pomada: Quruluq və çatın yaranmasının qarşısını alır. Qışda dodaqlar üçün əvəzsizdir. Tərkibində vitaminlər, qidalandırıcı, nəmləndirici maddələr var. Təəsüflər olsun ki, dodaqlara rəng vermir. Parıltı: təbii makiyaj zamanı istifadə olunur. Tərkibində yağ və vitaminlər, az miqdarda bitki rəngləyiciləri var. Parıltını vurarkən ehtiyyatlı olmaq lazımdır, çünki o, tez yayılır. Kosmetoloqlar qeyd edirlər ki, dodaq qurumasına qarşı ən yaxşı müdafiə gigyenik pomadalardır. Hansı vasitəni – parlaq pomada, dodaq parıltısı və ya rəngsiz gigiyenik pomada seçməyinizdən asılı olmayaraq hər bir kosmetik vasitə özünəməxsus tərzdə dodaqlarınıza qulluq edir.
Qulaqlarımızı soyuqdan qorumaq üçün papaq taxır, əllərimizə əlcək geyinirik. Amma dodaqlarımızı qışın soyuğundan qorumağın yolu yoxdur. Bu da o deməkdir ki, onlara əlavə qulluq lazımdır.
Dodaqları yumşaltmaq üçün istənilən bitki yağından (ən yaxşısı zeytun yağı) istifadə etmək olar. Bunu pomadanın altından da sürtə bilərsiniz.
Çatlamış, quru və sərt dodaqları bal, xiyar suyu, çaytikanı yağı ilə sürtmək olar. Əgər dodaqları limon şirəsi ilə sürtsəniz, onlar uzun müddət təravətli və təbii görünüşünü saxlayacaq.
Dodaqlarınıza həmçinin üz kremi, tərkibində E vitamini olan yağ və ya aloye olan gel çəkə bilərsiniz. Nəticədə dodaqlar nəm və yumşaq olacaq.
 
UPD. Braziliyalı alimlər araşdırıblar ki, dodaq boyası kariyes yaradır. Dodaq boyasından çox istifadə edən qadınların dişlərində kariyesin əmələ gəlmə riski böyükdür. Bunu braziliyalı mütəxəssislər dünyada məşhur olan 10 brendin dodaq boyasını analiz etdikdən sonra üzə çıxarıblar. Araşdırma göstərib ki, pomadaların tərkibindəki parafin kariyesə səbəb olur. Boyanın tərkibində onun miqdarı az olsa da, hər gün pomadadan istifadə sonda belə problemə aparıb çıxarır.
 
Pomadanı çəkmək texnikası
Dodaqlarınızın gözəl görünməsini istəyirsinizsə, hər şeydən əvvəl onların qurumuş və çatlamış olmamalarını təmin etməlisiniz. Bunun üçün yanınızda daşıyacağınız bir çatlaq kremini (lipstick) lazım olduqda çəkməyiniz kifayət edəcək. Makiyaja başladıqda dodaqlarınız çatlaq olmamalı, çünki çatlaq dodaqlarda pomada təbəqə kimi qalxır və çox pis görünür.
Xüsusilə qışda pomada seçiminizi dodaq qoruyuculu olanlardan etməlisiniz. Bəzi pudralı pomadalar gözəl görünmələrinə baxmayaraq dodaqlarınızı quruda bilər. Parladıcı tərzdə olanları seçsəniz, dodaqlarınızı da nəmləndirər.
Pomada çəkməyə başlamazdan əvvəl nə qədər yüngül makiyaj etmiş olsanız da, dodaq qələmi istifadə etməlisiniz. Doğru çəkilən bir dodaq qələmi makiyajın təbiiliyindən heç bir şey azaltmaz. Əksinə, pomadanın qalıcılığını artırar.