Moda dünyası kateqoriyası üzrə məqalələr

Dar cinslərdən tutmuş enli cinslərədək hamısı bu gün dəbdədir.
Hər bir hava şəraitindən, bütün dəb şıltaqlıqlarından asılı olmayaraq qarderobumuzda cins həmişə yuxarı asılqandadır. Niyə?
Əsr yarımdır, bu geyim növünə sevgi azalmır. Niyə?
Əvvəla, əfsanəvi dərəcədə universal geyimdir. İkincisi əyinə ideal oturan cinslər yaxın dost kimi səni heç vaxt, heç yerdə darda qoymaz.
Belə cinslərin bu gün əsas 5 növü mövcuddur:
1. Dar skinny cinslər
2. Düz cinslər
3. Enli cinslər
4. ultra-ceqqinslər
5. Boyfriend jeans

Hər dəfə eyni formada, eyni görkəmdə, eyni stildə geyinmək dəbdə monotonluğa gətirib çıxarır. Ən dəbli insanlar öz geyim formalarını gündən-günə dəyişməyə çalışır. Tanınmış modelyer, dizayner, hətta psixoloqlar belə hesab edirlər ki, bu hər bir insanın həyat tərzinə, iş əmsalına və bəzən də xarakterinə təsir edir. Aparılan təcrübələr də göstərir ki, belədə ətrafdakılar da sizi yaxşı qəbul edir.
Müxtəlif üslubları, müxtəlif stilləri birləşdirib, geyinərək, insanın öz obrazını da formalaşdırır. Bu mövzuda tanınmış dizayner və modelyerlərin təqdim etdiyi üslublarla sizi tanış edirik:

Armani modelyerlərin kralı sayılırdı, əbəs deyil ki, nüfuzlu jurnal “Time” 1982-ci ildə Armaninin portretini üz qabığında yerləşdirmiş və belə bir sərlövhə dərc etmişdi: “Dahiyanə Corco Stili”.
Xeyli keçmiş Armaninin rəqibi meydana çıxdı və bu rəqabət Armaninin dincliyini əlindən aldı. Olimpi onunla bölüşən rəqibi kasıb zövqlü, özündən tez çıxan və işinin xatirinə hər şeyi məhv etməyə hazır insan idi. Dünya haqsızlıq üzərində qurulub. Armanini şöhrətə aparan yol asan olmayıb, rəqibi isə bu zirvəyə çox tez və rahatlıqla çatıb.

Dəb yaranan  gündən özünün bir stili, üslubu, forması olub. Tanınmış dizayner və modelyerlərin fikrincə, hər geyimin öz yeri, vaxtı, vədəsi var. Hər geyimi hər yerdə və istədiyin vaxt geyinmək olmaz. Odur ki sizə tanınmış modelyer və dizaynerlərin hansı geyimi nə vaxt, harda  və necə geyinməyinin bir neçə üsulunu təqdim edirik.

1. Klassik   
Bu növ geyimlərdə artıq heç bir element gözə dəymir. Bu stil dəblə o qədər də ayaqlaşmır. Ciddi insanların stilidir və  dövlət əhəmiyyətli tədbirlərdə, məclislərdə istifadə olunur. Bunlar: klassik ingilis kostyumu,ingilis  yaxalıqlı düz biçimli palto, dizə qədər olan düz karandaş yubkalar, futlyar-donlar, düz biçimli şalvarlar.
Əsas rənglər: boz, ağ, bej və qəhvəyi

Araşdırmalar sübut edir ki, London artıq dünyanın moda mərkəzi sayıla bilər. Belə ki, London modaya görə Nyu-York və Parisi geridə qoyub, Londonu artıq dünya modasının paytaxtı hesab etmək olar. Bu şəhər bir il ərzində Nyu-York və Parisi geridə qoyub. Amerikanın «Global Language monitor» tədqiqat təşkilatının mütəxəssisləri belə nəticəyə gəlib. Araşdırmalara görə, Böyük Britaniya dizayneri Aleksandr Makkuinin vəfatından sonra, həmçinin mətbuatın Ketrin Middlton və Böyük Britaniya kraliçası II Yelizavetanın nəvəsinin toyuna yönələn diqqəti sayəsində London moda dünyasında birinciliyi əldə edib.

"İnsan vurulduğu anı heç vaxt unutmur"
Cate Blanchett (Keyt Blanşet) 1969-cu ildə Avstraliya-nın Melburn şəhərində dünyaya göz açıb. Onun ıo yaşı tamam olanda ailəyə ağır itki üz verir.Robert Blanchett ürək tutmasmdan dünyasını dəyişir və June uşaqlarmı təkbaşma böyütmək məcburiyyətində qalır. Ana övladları- nm bütün ehtiyaclarmı təmin etmək və onlara yaxşı təhsil vermək üçün əlindən gələni əsirgəmir. Cate orta təhsiliniMelburndakı metodist ("İnciV'i təbliğ edən ingi- lu-amerikan dini tdriqətinin tərəfdarları) qız kollecində alıb. Elə onun səhnəyə ilk çıxışı da burada baş tu- tub.Cate məktəbin dram dərnəyinin səhnələşdirdiyi bir neçə tamaşada rol alır. Sonradan təhsiliniMelburn uni- versitetinin iqtisadiyyat fakültəsində davam etdirənCate çox keçmir ki, qətiyyən bu sahənin adamı olmadı- ğmı anlayır və oxumağm daşmı atıb, İngiltərəyə səyahətə çıxır.  

Insanların çoxlarının «brend xəstəsi» olduğunu desək yalan olmaz. Dünyada ən məşhur brendlər tanınmış insanların adı ilə bağlıdır. Eyni adlı brendin yaradıcısı olan Marta Stüart 1941-ci ildə Amerikanın Nyu-Cersi ştatında anadan olmuşdur. Onun ailəsi zəngin deyildi; Martadan əlavə ailədə daha beş uşaq vardı. Onların hər birinin tələbatlarını ödəmək isə o qədər də asan deyildi. Kollecdə təhsil alan Marta ilk dəfə 1967-ci ildə broker olaraq birjada işə başlamışdır. Müəyyən müddət sonra mərasim təşkilatçılığı işi ilə məşğul olmağa başlayan gələcək biznes ledi daha sonra kulinariya, toy və şənlik təşkilatçılığına dair kitablar nəşr etdirir.

Hər bir mövsümün öz naxışı, öz ornamenti, öz bəzək gülləri var. Saya geyimlər nə qədər gözəl-yaraşıqlı görünsələr də, onların hər mövsümdə xüsusi naxışlara, bəzəkli güllərə  ehtiyacı var.
Yay mövsümünün əsas bəzəyi şübhəsiz ki, güllü-çiçəkli naxışlardır.
Bu naxışlar geyimlərə xüsusi formada vurulur. Bunların bir çox növləri var: basma, tikmə, toxunma, boyama və sair.
Şübhəsiz ki, hər bir xalqın geyim növlərində milli ornamentlərdən istifadə olunur. Çox vaxt geyimdə hər hansı bir naxışı görəndə, onun hansı xalqa mənsub olduğu o dəqiqə aydınlaşır. Bu sırada şərq ornamentləri xüsusi üstünlük təşkil edir.

Sarafan ilk baxışdan sadə geyim olsa da, əslində tikilişi müxtəlif mürəkkəblik və fantaziya tələb edir.
Sarafanlar ilk dəfə kənd yerlərində peyda olub. 70-ci illərdə isə o şəhərə ayaq açıb, xeyli müasirləşib və demək olar ki, şəhərli qızların sevimli geyim növünə çevrilib.
Sarafanların müxtəlif növləri var: toxunma, tikmə, qismən hörülmə və s. Sarafanların bər-bəzəyində hər modelyer öz fantaziyasına arxalanır.Sarafanların kənarları toxuna, krujevalar, büzmələr, taftalar tikilə, yaxud applikasiyalardan istifadə oluna bilir.

Payız mövsümü bitdi, soyuqlu qarlı günlər gəldi. Dəb həvəskarları qarderoblarındakı sviterləri istifadə etməyə başladı. Ancaq bu sviterlər dəblə uyuşurmu? Bu sualı dünyanın məşhur dizayner və modelyerləri  özlərinə də verdilər. Və çox düşünüb daşınmadan belə qənaətə gəldilər ki, bu mövsüm sviterlərdə yeni naxışlar, elementlər, printlər  əlavə etmək lazımdır. Bu naxışların mənbəyini də təbiətdən götürdülər. Bunlar əsasən üç tendensiya üzərində qurulub:
1. Relyef naxışlar. Bunlar iri qaba toxunuşlu naxış elementləridir ki, sviterlərdə hörükvari formada görsənir.  Belə model sviterləri qode-yubkalarla geyinmək olar. İlk baxışdan bir növ 50-ci illərin dəbini xatırlatsa da, müasir görünür. Belə geyimlə uzunboğaz çəkmə və fetr şlyapa yaraşır.
2. Ağ-qara naxışlı sviterlər. Bu klassik forma bir növ mövsümün hitidir. Belə naxışlı sviterləri hər yerə geyinmək olar. Əsasən qalın kolqotkalarla və denim yubkalarla geyinmək məsləhət görülür. Ağ-qara naxışlı sviterlərə parlaq aksessuarlar daha çox yaraşır.
3.  Şən printlər. Bir çox dizaynerlər bu sviterləri sevimli heyvan rəsmləri ilə bəzəyiblər. Bunlar əsasən meşə maralları, cazibədar panda, şıltaq meymunlar, ipək yunlu quzular və başqa heyvan növləridir. Belə sviterləri dar şalvarlar və cinslərlə geyinmək olar. Belə geyimlərlə yersiz aksessuarlardan qaçmaq lazımdır.
Sviterləri tanınmış modelyer və dizaynerlər qışın ən əsas geyim növlərindən biri sayır. Biz sizə bunların bir neçə növünü təqdim etdik. Öz zövgünüzə uyğun olanı seçib, geyinin ki daima dəbli görünə biləsiniz.