Moda dünyası kateqoriyası üzrə məqalələr

Koko Şanel Samyur adlı kiçik əyalət şəhərində anadan olub. Anası gəzməyi sevən atasının axtarışına çıxanda yolda onu sancılar tutub və qızı yaxınlıqdakı monastrların birində doğmalı olub. Doğuşu qəbul edən monax qadın uşağa Qabriel adını verib. Avara ata peyda olub, qızına gözünün ucuyla baxıb və çıxıb gedib. Qabrielin anası bronxitdən öləndə qızın 12 yaşı vardı. Tək qalmış ata oğlanlarını qohumlarına verib Qabrieli iki bacısıyla Obazin monastrına göndərir. Atası yetimxanada olarkən bir dəfə də yanına gəlməmişdi.
Həmişə qaşqabaqlı, hirsli gəzən Qabriel dərslərində uğur qazanmadı.Burda tikməyi də öyrədirdilər, Qabriel hamıdan pis tikirdi. Gələcəyin dəb kraliçası üçün kökləmək, yamaq atmaq çox maraqsız gəlirdi. Amma monastrdan çıxan kimi o, hazır paltan dükanında dərzi işini asanlıqla tapa bildi. Yaxınlıqdakı kavaleriya qarnizonu olduğundan onun tezliklə xeyli pərəstişkarı əmələ gəlmişdi.

Dünyanın tanınmış modelyerləri hər il hansı rəngin dəbdə olmasına baxmayaraq, öz kolleksiyalarında hər zaman qırmızı rəngə önəmli yer verirlər. Rəng mütəxəssislərinin fikrincə, qırmızı – səmimiyyət, güc, ehtiras, şəhvət və eşq rəmzidir. Onlara görə, bu rəng insanı hadisələri aydınlaşdırmaqda daha sürətli qərarlar verməyə yönəldir. Heç təsadüfi deyil ki, xanımların əksəriyyəti gecə-mərasim libaslarını seçərkən onda qırmızı rəngin olmasına müsbət yanaşırlar. Çünki bu rəng diqqəti daha tez özünə cəlb edir. Hər halda, danılmaz reallıqdır ki, modelyerlər öz müştərilərinin rəyinə əsaslanaraq, qətiyyən qırmızı rəngdən imtina etmir, əksinə, ona böyük həvəslə yanaşırlar. Onlar belə hesab edir ki, qırmızı həm də unudulmazlığı ifadə edir. Maraqlıdır ki, 1940-50-ci illəri yenidən gözdən keçirdən “Prado” və “Dior” qırmızı rəngdə olan ətək və pencəklərə üstünlük verdikləri halda, yeni nəsil modelyerlər bu rəngin qarışıq modellərdə istifadəsini əsas götürürlər.

“Dost üzə, düşmən isə ayağa baxar”. Bu qədim el misalında böyük bir həqiqət var. Təsəvvür edin ki, çox gözəl geyinmisiniz, son dəblə, zövglə, amma ayaqqabılarınız bu dəbə uyğun gəlmir. Belədə  dostunuz bunu  üzünüzə vurmayacaq. Amma bədxahlarınız o dəqiqə gözünü ayaqlarınıza dikib deyəcək: bu nə  ayaqqabıdır geyinmisən?  

Müasir dövrdə əksər xanımların qarderobunda şalvara rast gəlmək mümkündür. Yəqin ki, bunun da əsas səbəbi şalvarın daha praktik olması, xanımların əksəriyyətinin bu geyimdə özlərini rahat hiss etməsidir. Bəs görəsən bir zamanlar yalnız kişilərin geyindiyi şalvar qadınların qarderobuna necə daxil olub?

Mövzu ilə bağlı bir sıra mənbələrə müraciət edəndə bəlli oldu ki, tarixdə ilk dəfə şalvarı şərq qadınları geyiniblər. Hətta belə deyirlər ki, 3 min il bundan əvvəl şalvarı Assur padşahının həyat yoldaşı Semiramida dəbə salıb. Şalvarların qadın qarderobuna tam şəkildə keçməsi isə XX əsrdə baş verib.

Modelyerlərin fikrincə, hər geyimin, aksessuarın şahanə bir növü olur. Qış üst geyimlərinin isə onnillər boyunca bir şahanə növü varsa, o da şubadır. Təbiət sevənlərin və heyvanları müdafiə edənlərin etirazına baxmayaraq, bu gün də ən dəbli şubalar təbii xəzlərdən və aşılanmış heyvan dərilərindən hazırlanır. Bunların sırasında norka, kül rəngli şimal tülküsü, dağ keçisi, ərəbdovşanı, skuns, qunduz, samur, qara-qonur tülkü xəzi, vaşaq və şinşilla xüsusi yer tutur.

Ulu əcdadlarımızın ilk geyimi jilet olub. Eramızdan əvvəl müxtəlif heyvan dərilərindən hazırlanan  jiletlər insanları mağaralarda soyuqdan qoruyub. Əsrlər keçdikcə bu geyim növü müasirləşib, dəbdən-dəbə minib və bu gün dəbin ən pik nöqtəsinə çatıb.
Jiletin xüsusiyyətlərindən biri bədənin əsas əzalarını soyuqdan qorumaq və qolları işlək saxlamaqdır. Bu da ilk illər daha çox ovçular, balıqçılar və müxtəlif qış idman növləri ilə məşğul olan idmançılar üçün nəzərdə tutulmuşdur. Sonradan jiletlər dəb aləminə ayaq açdı.

Dünyanın əfsanəvi dizaynerlərdən biri Koko Şaneldir. Dəb tarixinin ən qızılı səhifələri onun adıyla bağlıdır. Koko Şanelin yaratdığı neçə-neçə geyim növləri bu gün də dəb sərgilərinin əsas bəzəyidir. 1971-ci ildə dünyasını dəyişən məşhur dizaynerin bir sıra önəmli fikirləri, dəyərli məsləhətləri dünya modelyerlərin əbədi devizinə çevrilib. 
Gözəllik sadəlikdədir.
Dəb ötür keçir, stil qalır.
Bunlar Koko Şanelin əsas kredosu idi.
İndi isə onun dəb qanunları ilə tanış olun:

XX əsr boyu insanlar özlərini sərbəst ifadə etmək azadlığı uğrunda mübarizə aparıblar. Şəffaf paltar bu cür azadlığın ən ali nöqtəsidir.
Şəffaf alt köynəklərini hələ eramızdan əvvəl 1500-1300-cü illərdə Misir qadınları geyiniblər. XIV əsrdə isə 7-ci Karlın sevgilisi Aqnessa Sorel tamamilə açıq sinəni dəbə gətirib. Onun bu vəziyyətdə çəkilmiş protretləri heç də rəssamın təxəyyülü deyil. Bir neçə əsr sonra isə açıq sinənin yenidən dəbə düşməsində Lukreçiya Borcanın rolu olub. Daha sonra Fransada Jozefinanın zamanında şəffaf parçadan tikilmiş paltarlar dəbə düşüb, lakin onlar Lukreçiya Borcanın paltarlarının yanında rahibə geyiminə oxşayırdı.

Tençlər universal geyim növü sayılır. Bu payız isə trençlərin dünya dəb aləminə bir növ triumfu başlanıb.
Havalar soyuduqca xanımlar  qarderobunda trençə daha çox üstünlük verir. Eləcə də plaşlara.
Bunların ən dəbdə olan növü isə klassik ingilis formasıdır. Böyük Britaniya duman və yağışlar diyarı olduğundan bu ölkədə trenç və plaşlar xüsusi əhəmiyyət kəsb edir.

Şlyapalar qadınların əsas baş geyimlərindən biridir. Onlar xanımlara cazibədar, yaraşıqlı və aristokrat görkəm verir.
Dizaynerlər hər dəfə şlyapalara müxtəlif lələk, naxış, lent, gül bəzəməklə onlara xüsusi görkəm verir.
Şlyapalar hər mövsümdə müxtəlif naxışda və rəngdə olur. Dizaynerlər də hər fəslin rənginə uyğun şlyapalara yeni bir naxış, element əlavə edirlər. Onların gözəl, yaraşıqlı görünməsi dizaynerlərin fantaziyasından çox asılıdır. Əsasən şlyapalar bu tipdə olur: