Moda dünyası kateqoriyası üzrə məqalələr

Və ya soyunmaq geyinməkdən asandı?
Moda — hamımızın yaralı yeri. Daima gözəl görünmək, diqqətdə olmaq üçün tələb olunan əsas şərtlərdən biri də gözəl geyim tərzidir. Atalarımız boşuna deməyib ki, gözəllik ondur, doqquzu dondur. Bəşəriyyət yaranandan geyim mədəniyyəti formalaşmağa başlamış və hər ölkədə öz milli dəyərlərinə söykənərək uzun inkişaf prosesi keçmişdir.

Elitar dəblərin bir çox qanunları var ki, bu gün də onlara riayət edilib və edilməkdədir. Amma zaman və dövr göstərir ki, bəzən bunların əksinə də getmək lazımdır. Müasir düşüncəli dizayner və modelyerlər isə bu çərçivələrə sığmır və çox vaxt bunun əksinə gedərək, müvəffəqiyyət qazanırlar.

1. Məsələn, əvvəllər deyirdilər ki, çanta ilə ayaqqabı eyni rəngdə olsa, daha gözəl görsənər. Ancaq XXI əsr dizaynerləri belə düşünmür. Onların qənaətincə, bu gün çanta və ayaqqabıların rəngi nə qədər müxtəlif olsa, bir o qədər baxımlı olar. Şokolad rəngli çantaya açıq bej rəngli ayaqqabı yaraşar və yaxud metallik rəngli klatç, parlaq rəngli ayaqqabı ilə uyuşar.

Qranj hərfi mənada çirkab, zibil kimi tərcümə olunur. Amma bu adda üslub var. Keçən əsrin 80-ci illərindən bəri təmiz, düzgün, gözəgəlimli, klassik üslubların içinə daha birisi, çirkli, amma çirkabı ilə cəzbedici, bütün mümkün qadağaları pozmuş, amma hamının olmasa da əksəriyyətinin ardınca düşüb getmək istədiyi bir üslub da qatıldı. İndi artıq səliqəli görünmək dəbdən düşmüşdü. Səliqəli davranmaq, trafaretlər əsasında fikir izah etmək, cümlə qurmaq, standartlara cavab vermək geridə qalmağın əlaməti sayılırdı.
Qranj yapanlar həyata çirkab qatıb nirvanaya, yəni tam rahatlıq və sakitliyə çatırlar. Bu üslubun davamçıları təcrübələri musiqidə yapdılar. Çeşidli qrup adları, fərqli olsalar da dünya çirkabında eşələnən, insan daxilinin zir-zibilini böyük səhnələrdə ortaya tökən qruplar yarandı. Qranj musiqisini birləşdirən xarakter elementlər ağır, qarışıq «çirkli» səslənmə, son dərəcə ciddi yanaşma və milanxolik əhval idi ki, insanın daxili lirikasını ortaya atmaq üçün yaranmışdı.

Kişilər öz şəhvani instinktlərinə söykənərək qadın seçmək istədikdə, özləri də istəmədən tünd xasiyyətli və lovğa partnyorlara “tuş gəlirlər.” Texas ştatının professoru Devendra Singh iddia edir ki, kişilər qadınların ən çox bel və omba nahiyələrinə diqqət edirlər – bu isə, “seksual cazibə indeksi” adlanır. Araşdırmalar göstərir ki, kişilər bu qəbildən olan fiziki xassələri qadınların “keyfiyyət nişanı” hesab edirlər. Dolu bədənli xanımlar da diqqətdən kənarda qalmır, lakin onların vücudu mütənasib və simmetrik olmalı, bədənin qatları büküklərlə müşayiət olunmalıdır. əks halda, kişilər onlara fikir verməyəcək. Bütün bunlarla yanaşı, bəhs etdiyimiz məsələnin müsbət cəhətləri də az deyil.

Kişilərin qadın gözəlliyinə olan qavrayışında gözə çarpan mühüm amillərdən biri qadının döşləridir. Burada əslində paradoks var – qabarıq döşlərə malik qadınlar bununla fəxr edir. əksinə, döşlər yastı və yöndəmsiz olduqda isə plastik müdaxilə labüdləşə bilər… Bu zaman, sual ortaya çıxır. Ən mühüm analıq instinkti olan döşlərin süni şəkildə böyüdülməsi onlara nələr hiss etdirir?

Əfqani şalvarları adi şalvarlardan düz aşağı sallanmış ətəkləri ilə fərqlənir. Bu cür şalvarların dünya geyim dəbinə təntənəli yürüşü İspaniyadan başlanıb. Belə geyimlərin rahat, gözəl və şərq stilinə uyğunluğunu ilk dəfə gənclər qiymətləndirib.

Bu gün böyük mübahisələr yaradan qısa ətəklər, elə mübahisəli şəkildə də yaranıb. Bununla bağlı 40 ildir ki, ingiltərəli modelyer Meri Kuant və fransız modelyer Andre Kurej arasında böyük qalmaqal yaşanır. Onların arasında mini ətəyi kimin icad etdiyinə dair qızğın mübahisə hələ də səngiməyib.
Belə ki, 1959-cu ilin yanvarında gənc ingilis dizayner Meri Kuantın ağlına çox maraqlı bir fikir gəlib. Bir dəfə o, rəfiqəsinin qısaldılmış köhnə ətəkdə döşəməni sildiyini görüb və fikirləşib ki, bu cür ətəyi niyə də öz kolleksiyasına daxil etməsin? O vaxtdan podiumlarda yeni bir tendensiya yaranıb. Qızlar müasir dəbin tələbinə tam cavab verən qısa ətəklər geyinərək çılpaq ayaqlarını nümayiş etdirməyə başlayıb.

Kokteyl gecələri 1920-ci illərdə Amerikada yaranıb. Bu şənliklərdə iştirak edən xanımlar daima qeyri-adi donların axtarışında olublar. Əvvəlcə  xanımlar çox qısa olmayan donlar geyinirdilər. Bu donların fasonun fərqliliyi onların qolları və boynu açıq olmasında olub. Belə donları cəsarət edib geyinənlər əksəriyyəti subay gənc xanımlar olub.
Artıq 1930-cu illərdə  dar və düz ətəkli donlar dəbə minir. Bu cür geyimləri müxtəlif yaşlı xanımlar, həmçinin, evil qadınlar da geyinməyə başlayır.
Müxtəlif geyim formalarının artması kokteyl gecələri üçün donları  məşhurlaşdırıb. Bu günə qədər kokteyl ziyafətləri üçün donlar dəyişilir, yeniləşir və hər dəfə bu geyimlərə cürbəcür maraqlı detallar əlavə olunur.

“Ən yeni dəbli geyim növü yaratmaq istəyirsənsə geriyə, keçmişə boylan!” Bu kəlmələr ən tanınmış modelyerlərin birinə məxsusdur.
Bu deyimdə böyük bir həqiqət var. Bu gün ən dəbli geyim növlərindən sayılan kombinezonlar da, heç şübhəsiz, keçmişə bir baxışdan, bir nəzərdən yaranıb. Kombinezonlar nə qədər müasir görünsə də, onların mənbəyi-kökü XVIII-XIX əsrə gedib çıxır.