Flora kateqoriyası üzrə məqalələr

Bu meyvənin adı berqamotdur. Berqamot sitrus meyvələrinə aiddir. Lakin digər sitrus meyvələri ilə müqayisədə berqamotu acı dada görə çiy halda yemirlər. Bu qeyri-adi meyvə dünyada kulinariya, parfümeriya və kosmetologiyada çox geniş istifadə olunur.

Berqamot yağı çaya əlavə olunur. Belə çay sağlamlıq üçün çox faydalıdır.
Berqamot və berqamot çayı ürək üçün olduqca faydalıdır — damarları genişləndirir, qan dövranını yaxşılaşdırır, qanda «pis» xolesterolun səviyyəsini aşağı salır. Həkimlər bu çayı ürək xəstəlikləri olan insanlara müalicəvi vasitə kimi tövsiyə edirlər.

Palıd, hündürlüyü 40-50 çatan, bəzi halarda diametri 2 m-dən çox olan uzunömürlü ağacdır. Palıd qozalarının qeyri-adi müalicəvi xüsusyyətləri və kulinariyada çoxlu istifadə formaları var. Ondan qoza qəhvəsi və qoza unu hazırlayıb çörək və bulka məmulatlarına, həmçinin sıyıqlara əlavə etmək olar. Yüksək qidalandırıcı xassəsinə görə palıd qozası müharibə və aclıq illərində xilaskar rolu oynayıb.

Faydalı xüsusiyyətləri-palıd qozasının qida məhsulu və müalicəvi vasitə olduğu qədim dövrlərdən məlumdur. Hələ 5 min il əvvəl qozadan qida məhsulu kimi istifadə edilib. Palıd qozasının tərkibində zülallar, karbohidratlar, taninlər, şəkərlər, piyli yağlar, aşı maddələri və çox miqdarda nişasta var.

Araşdırmalar göstərib ki, vəzəri qan hüceyrələrini qoruyur və hətta qan xərçənginin riskini azaldır.

Vəzərinin qan üçün faydaları qədim zamanlardan məlumdur. Hələ dahi Hippokrat öz elmi əsərlərində vurğulayırdı ki, bu ot qanı təmizləyir.

Qədim Misirdə vəzəri və onun toxumları cinsi zəifliyinin müalicəsində istifadə olunurdu. Xalq təbabətində vəzəri iltihabəleyhinə və bəlğəmgətirici vasitə kimi istifadə olunur.

Öskürək və bronxit zamanı bu kimi faydalı qarışıqdan istifadə edin: 3 x.q. xırda doğranmış vəzərinin üzərinə 1 stəkan isti su tökün, 1 saat ərzində termosda dəmləyin, gün ərzində 2-3 dəfə stəkanın 1/3 hissəsi olmaqla için.

Yuxusuzluqdan əziyyət çəkirsinizsə vəzəri dəmləməsinə 1 ç.q. bal əlavə edin və yatmazdan əvvəl yarım stəkan olmaqla için.

Balqabağın dünyada 700-ə qədər növü mövcuddur. Bunlardan 3-ü — adi, irimeyvəli və muskat növləri Azərbaycanda daha geniş becərilir. Bir çox vitamin preparatlarının, şirniyyat sənayesində sukat və müxtəlif içliklərin hazırlandığı balqabağın şirəsinin nə qədər faydalı olduğunu bilirsinizmi?

Bundan başqa balqabaq şirəsinin sağlamlığa bir sıra faydaları var. Uzun sürən müalicə proseduralarından, gərgin fiziki və zehni yorğunluqdan sonra orqanizmin bərpası üçün balqabaq şirəsi ən yaxşı vasitə hesab olunur. Onun tərkibində pektin olduğu üçün bu içki güclü antioksidantdır. Buna görə də balqabaq şirəsi orqanizmin xolestroldan və ağır metallardan təmizlənməsində mühüm rol oynayır.

Bu gün bazarda əməkömənci gördüm yadıma onun faydaları düşdü, çünki indi kim istəsə tapa bilər, bağlar və bazarlar onunla doludur.

Əməköməncinin çox zəngin tərkibi vardır. Tərkibindəki seliyin çoxluğuna görə ağciyər xəstəliklərində bəlğəmgətirici kimi əvəzolunmazdır. Eyni zamanda həmin selikli maddələr qastritdə, mədə-bağırsaq yaralarında yaranın üzərini həm örtür, həm də sağaldır. Bu zaman əməkömənci dəmləməsi içilir.

Əməkömənci bitkisinin tərkibində bir maddə də var ki, ona «mallivin» deyirlər bu maddə çox güclü mikrob və bakteriya öldürücüdür. Məsələn ağzınızda çoxlu yaralar çıxırsa və gec sağalırsa, boğazınız tez-tez gəlirsə, angina olursunuzsa, bir dəstə əməköməncini çeynəyib suyunu udursunuz, oduncağını isə udmursunuz.

Sitrus növünə aid olan limon həmişəyaşıl bitkilərdəndir. On birinci əsrin əvvələrində Cənub-Şərqi Asiyadan Aralıq dənizi ölkələrinə gətirilmiş və hələ də burada geniş şəkildə becərilir. Limon həm məhsuldar, həm də dekorativ bitkidir. İstisevenolduğundan soyuq iqlimə malik ölkələrdə dibçəkdə əkilir. Yazın sonlarından etibarən onu açıq havaya çıxarırlar. Payızda isə onu evə qoymaq lazımdır.

Ev şəraitində limonun müxtəlif növləri becərilir. Onlar çiçəkləyir və məhsul verirlər. Limonun müalicəvi əhəmiyyəti çoxdan məlumdur. Meyvəsinin qabığında efir yağı var, ləti isə vitaminlərlə zəngindir. Bitki hətta meyvə verməsə belə, evdə sağlam mikroiqlim yaradır. Belə ki, bitki havaya fitonsid buraxır ki, o da immunitetin möhkəmlənməsinə kömək olur, insanın əhvalına müsbət təsir göstərir.

Kələmçiçəyikimilər fəsiləsinə aid olan birillik bitki, qızılgül adlanan tünd-yaşıl çiçəklər üçün becərilir. Əsasən İngiltərədə, İspaniyada və İtaliyada becərilir.

100q brokkoli – 25 kkal
Tərkibində qida lifləri, kalium, fosfor, kalsium, maqnezium, dəmir, sink, manqan, kükürd, C, B1, B2, B5, B6, PP, E, K vitaminləri və A pro-vitamini var.

Stressiz
Brokkolinin müntəzəm istehlakı stresə qarşı əla bir silahdır.

Vitamin bombası
Brokkoli vitaminlərin və mineralların, xüsusilə də kaliumun, folio turşusunun, dəmirin, beta karotinin və kükürd birləşmələrinin zəngin mənbəyidir – vitamin və mineral bombasıdır. Brokkoli yeməklə biz immun-müdafiə sistemimizi aktivləşdiririk, anemiyanın, infeksiyaların, qara ciyər xəstəliklərinin, xərçəng xəstəliyinin qabağını alırıq. Bütün bunlardan başqa, brokkoli həm də qocalma prosesini yavaşıdır!

Kivi kiçik bir meyvə olmasına baxmayaraq, faydaları çoxdur. Əsil vətəni Çindir. Kivinin faydaları ilə tanış olaq:

1. Kivinin təxminən 100 qr-da 98 milliqr. C vitamini vardır. Kivini səhər yeməklərində yemək məsləhət görülür. Bədənə C vitaminini daxil edir və immun sistemini möhkəmləndirir. Yüksək qan təzyiqi, allergiya və zökəmlə mübarizə aparır. C vitamini ən güclü anti-oksidant hesab olunur.

2. Kivi stressi azaldır, sakitləşdirir, əhval-ruhiyyəni yaxşılaşdırır.

3. Kivi qəbizliyin dərmanıdır. Kivinin tərkibində çoxlu liflər olduğu üçün bağırsaqların hərəkətini tezləşdirir. Nəticədə qəbizliyi aradan qaldırır.

4. Kivi bədəndə olan artıq mayeni dəf edir. Kivinin çox hissəsi sudan təşkil edildiyinə görə, kalorisi çox azdır. Onu yeyən insan toxluq hiss edir. Nəticədə bu meyvə arıqlamağa şərait yaradır.

Xüsusilə sinə xərçənginə və infarkta mane olur və irəliləməsini dayandırır.

Təbii sidikqovucu dərmandır.

Gündəlik həyatda daha gümrah və enerji dolu olmağı təmin edir.

Dərini gözəlləşdirir və bədəndə olan artıq suyun və zəhərli toksinlərin çölə atılmasını asanlaşdırır.

Qan azlığını aradan qaldırır və qan şəkərini tarazlığa gətirir.

Dəri qırışıqlıqlarının düzəlməsinə kömək edir və yaşlanmanın qarşısını alır.

İmmunitet sistemini gücləndirmə xüsusiyyəti ilə yanaşı, qadınların qorxulu yuxusu olan sellülitin müalicəsində təsirli rol oynayır. Selülitin meydana gəlməsinə maneə olur.

Hormonları da nizama salır.

Avokado çoxlarının sevmədiyi meyvələrdəndir. Ancaq onun faydalarını öyrənəndən sonra hər gün avokado almaq istəyəcəksiniz. Belə bir fikrə düşsəniz, bilin ki, həmin meyvəni həm yeməklərinizə qata, həm dadlı salatlar hazırlaya bilərsiniz. Üstəlik, saç və üz dərisi üçün çox faydalı olan avokadonun maskaları da effektli olur.

1. Zehni gücləndirir
Beyni qüvvətləndirmək və zehni gücləndirmk üçün ən yaxşı üsul qidalarımıza fikir verməkdir. Avokado omeqa-3, yağ turşuları, həm də təbii E vitamini ilə zəngindir. Buna görə də, insanda problemləri həlletmə, qərarvermə qabiliyyətini artırır.

2. Xolesterini azaldır
Mütəmadi olaraq bir dilim avokado yemək orqanizminizin gündəlik yağ ehtiyacının 32 faizni ödəyir. Ancaq bu yağlar təhlükəli deyil. Çünki avokado sadəcə, doymamış yağ ehtiva edir. Bu xüsusiyyəti ilə zərərli xolesterinin səviyyəsini aşağı salır. Xolesterin səviyyəsinin aşağı olması isə iflic və infarkt riskinin azalması deməkdir.