Flora kateqoriyası üzrə məqalələr

Sarı qarpız adi qarpızın bir növüdür. Sarı qarpız əsasən İspaniyada və Tailandda bitir. Lakin son zamanlar bu qeyri-adi giləmeyvə bir çox digər ölkələrdə də (Çin, Misir, Yunanıstan, Rusiya və s.) yetişdirilir.

Sarı qarpız təbii məhsuldur, onun çox xoş şirin dadı var. Yaxşı keyfiyyətli sarı qarpız insan sağlamlığı üçün çox faydalıdır.

Sarı qarpız azkalorili məhsuldur, orqanizmi təmizləyir, sidikqovucu təsirə malikdir. Sarı qarpız A vitamini ilə zəngindir. A vitamini «cavanlıq vitamini» sayılır. Bu vitamin qocalma proseslərini ləngidir, xroniki xəstəliklərin inkişafının qarşısını alır, görmə üçün çox vacibdir.

Dağlaləsi dünyanın ən məşhur güllərindəndir. Yazda və yayın əvvələrində xüsusi seçilmiş soğanaqlardan inanılmaz gözəlliyə malik güllər yetişir. Dağlaləsininin becərilmə tarixi qədim zamanlara gedib çıxır. Bu möhtəşəm gül on yeddinci əsrdə Hollandiyada ən çox becərilən gül kimi məşhurlaşmışdı və günmüzdə də onu heyranedici hesab edən bağbanlar var.

Dağlaləsi sərin iqlimə malik ölkələrdə daha yaxşı çiçəkləyir. Soğanaqlı bitkilər növündən olan dağlaləsinə qulluq etmək sinfin digər növlərinə nisbətən daha asandı. Dağlaləsinə qulluq erkən yazda başlayır. Belə ki, dağlaləsi ilk cücərən vaxt inkişaf etməyən soğanaqları seçib çıxartmaq və onları məhv etmək lazımdır ki, digər soğanaqlarda xəstəliyə yoluxmasın.

Litops və ya “canlı daş” səhranın qeyri-adi bitkilərindəndir. Onlar daşa çox oxşayırlar. Litopsların üzərində tumurcuqlar çıxana kimi onları çınqılla və ya qranit qırıntısı ilə asanlıqla dəyişik salmaq mümkündür.

Bu qeyri-adi tərəvəzin adı «bamiyə» dir. Bamiyənin bir çox faydalı və müalicəvi xüsusiyyətləri var. Tərəvəz çox zəngin kimyəvi tərkibə malikdir. Onun tərkibində C, A, K, B6, B9 (fol turşusu) kimi vitaminlər, kalsium, dəmir, maqnezium, zülallar və s. faydalı maddələr var.

Bamiyənin dadı qulançar və badımcanın dadını xatırladır. Bamiyəni bişirmək, salatlara, suplara əlavə etmək olar. Tərəvəzin çox xoş dadı var.

Fol turşusu ilə zəngin olan bamiyə hamilə qadınlar üçün xüsusilə faydalıdır. Fol turşusu dölün sinir sisteminin normal inkişafı üçün xüsusilə vacibdir. Bu bütün dünyada təsdiq olunmuş elmi faktdır.

Yonca adətən heyvanların yemi kimi istifadə olunur. Lakin yonca həmçinin çox faydalı müalicəvi bitkidir. Yoncanın gülləri xalq təbabətində müxtəlif xəstəliklər zamanı çox geniş istifadə olunur.

— Yonca qadınlar üçün xüsusilə faydalıdır. Yoncanın tərkibində qadın hormanları olan estrogenlərə oxşar maddələr var. Bu maddələr klimaksın xoşagəlməz simptomlarını azaldır, təzyiqi normallaşdırır, qadına klimaksı daha asan keçirməyə kömək edir. Klimaks zamanı yoncadan müalicəvi çay hazırlayın:

2 ç.q. təzə yoncanı termosda 1 stəkan qaynar suda 1 saat ərzində dəmləyin, süzün və gün ərzində 4 dəfə stəkanın 1/4 hissəsi olmaqla qəbul edin. Müalicə kursu — 1 ay

— Bəzi eksperimentlər göstərir ki, yonca bəzi xərçəng formaları zamanı müalicəvi təsir edir. Lakin süd vəziləri, uşaqlıq, yumurtalıq xərçəngi zamanı yoncadan istifadə etmək olmaz.

Yaşayış yerlərindəki çirkli hava insan xəstəliklərinin əsas səbəblərindəndir. Kərpic və beton divarlar isə formaldehid kimi zəhərli kimyəvi maddələr buraxır. Havanı işlənən plitələrin üzərində formalaşan bakteriyalar, kif, toz və karbon qazı da zəhərləyir. Evlərdə havanı təmizləyin ən yaxşı üsulu otaq bitkiləridir. 

Payızgülü
Bu bitki NASA-da çox sevilir. Məhz bu güllər kosmik agentliyin ofislərində havanın təmizlənməsi üçün istifadə edilir. Payızgülü istənilən yerdə havadakı ammiyak, benzol və formaldehidi udur.

Suyu və nəmişliyi sevir. Lakin çox sulananda yaxşı çiçək açmır. Drenajlı torpaqlarda tez inkişaf edir. Davamlı gübrə verildikdə çoxlu və iri çiçəklər açır. Soyuğadavamlı bitkidir. Payız şaxtalarını yaxşı keçirir. Qışda 10 oC temperaturda saxlamaq, az sulamaq məsləhətdir. Toxum və vegetativ yolla çoxaldılır.

Bitkinin vətəni Vest-Hind adaları və Cənubi Amerikadır. Monstera gözəl, həmişəyaşıl, ən geniş yayılmış otaq bitkilərindən biridir. Cavan yarpaqları bütöv olur, zaman keçdikcə deşilir, sonra tamamilə kəsikli olur.

Tikanlı olduğu qədər, gözəl olmağı da bacaran kaktus bitkisi çoxlarının sevimlisidir. Düzgün qulluq edildiyi təqdirdə ilin bütün fəsilləri evlərin çiçəkləyən yaraşığı ola bilir. Aşağıdakı məsləhətlərə əməl etməklə evinizi kaktuslarla gözəlləşdirə bilərsiniz. Hələ, kaktusun sağlamlığa necə faydalı olduğundan danışmıram.

Bir çox otaq bitkilərində olduğu kimi kaktuslarda da istirahət dövrü qışda başlayır. Kaktusların yaxşı inkişafı üçün, ələlxüsus da çiçəkləyən növlərinin, qış dövründə dinclik vermək mütləqdir. Bu səbəbdən onlara qulluqda məqsəd – qışda inkişafına şərait yaratmamaqdır, belə ki, bu dövrdə kaktuslar uzanıb normal görüntülərini itirirlər.

Qışda kaktusları pəncərəaltında saxlamaq olar. Köklərinə soyuq olmasın deyə dibçəklərin altına nəsə qoymaq lazımdır. Ən işıqlı yerləri exinotsereus(echinocereus), fillokaktus (phyllocactus) və yazda çiçəkləyən digərləri tələb edir.

Qızılgülü qazon və buketlərin kraliçası adlandırırıqsa, onda gözəl beqoniya da pəncərəaltı və eyvanların, qış bağçalarının şahzadəsi hesab etmək olar. Bu gülün hər zövqə və istəyə uyğun rəng və çalarlarını tapmaq olar. Sarı, qırmızı, çəhrayı, ağ, narıncı, adi və dekorativ yarpaqlarla – mindən çox variantlarla insanı heyrətləndirir. 

 

Beqoniya qismən tələbkar bitkidir, düzgün qulluq edilərsə, gur çiçəkləməsi və ya yarpaqlarının parlaq rəngləri ilə uzun müddət sevindirir. Beqoniya seçərkən hansı növü olduğuna diqqət edin.