Məşhur qadınlar kateqoriyası üzrə məqalələr

17 iyul 1986-cı ildə mehmanxana inzibatçısı və “Sovet Qadınları Komitəsi” adlı təşkilatın üzvü Lyudmila İvanova Leninqrad-Boston Sovet-Amerika telekörpülərindən biri zamanı “SSRİ-də seks yoxdur” ifadəsini işlətməklə dünya şöhrəti qazanmışdı.
Telekörpünün amerikalı qadın iştirakçılarından biri belə bir sual vermişdi: “Bizdə bütün günü telekanallardakı reklamlar seksin ətrafında dövrə edir, sizdə də belə reklamlar varmı?” Məhz bu anda aparıcı Pozner mikrofonu Lüdmila İvanovaya vermişdi. Lüdmila İvanova: “Əvvəla, bu seks sözünü heç kim eşitməmişdi, sadəcə təxmin edirdilər bunun nə demək olduğunu.

Dünya kinosunun əfsanəsi Sofi Loren gəncliyinin və gözəlliyinin sirlərini bölüşüb.

84 yaşlı Sofi öz təravətini əsasən pozitivliyinə borclu olduğunu bildirib.

Canlı əfsanə hesab edir ki, cazibədarlığın ən başlıca sirri xoş əhval-ruhiyyədir. «Mən hər zaman pozitiv düşünməyə çalışıram. Məni çox nadir hallarda kədərli və bədbin görə bilərsiniz. Başqalarında xoş təəssürat oyatmaq istəyirsinizsə, həyatın hər anından zövq alaraq yaşayın.

Modanı yenidən yaradan və «Chanel» ətirləri ilə adını tarixə yazan Koko Şanel İkinci Dünya müharibəsi zamanında bir nasist zabiti ilə sevgili olmaqla kifayətlənməyib, həm də onlar üçün casasluq edib.

Məlumatda bildirilir ki, çox fürsətcil qadın olan Şanel nasistlər iqtidarda olanda, o da modanın iqtidarı olub.

Şanel markasının yaradıcısı, Fransız modelyer almanların xarici siyasəti və Hitlerə heyran idi. İkinci Dünya Müharibəsinin ilk illərində Şanel alman aristokrat Gunter von Dinklageni sevir. O, nasistlərin təbliğat naziri Cosef Gebbelsə bağlı adam idi. Nasistlər 1940-cı ildə Fransanı işğal edəndə hər kəs evlərindən küçəyə atılsa da, Şanel ancaq yüksək rütbəli alman zabitləri və nasist dəstəkçilərinin qala bildiyi Ritz otelə yerləşmişdi.

Qədim tarixə malik olan Azərbaycan milli rəqslərinin ifasında, təbliğində və gənc nəslə ötürülməsində misilsiz xidmətləri olan Əminə Dilbazinin adı Azərbaycan mədəniyyətinə qızıl hərflərlə həkk olunmuşdur. O, ürəkaçan, zərif sənəti, pedaqoji fəaliyyəti ilə Azərbaycan professional milli rəqs mədəniyyətinin inkişafında böyük rol oynamış və ənənəvi rəqslərimizin əbədiləşməsi üçün böyük əmək sərf etmişdir. Təsadüfi deyil ki, onu “əfsanəvi rəqqas”, “Azərbaycan rəqs sənətinin şahzadəsi” adlandırmışlar.

Bu il ölməz sənətkarın 100 illik yubileyi təntənə ilə qeyd olunacaq. Bununla bağlı Azərbaycan Respublikasının Prezidenti cənab İlham Əliyevin unudulmaz ustadın yubileyinin keçirilməsi ilə əlaqədar 4 sentyabr 2019-cu il tarixli Sərəncamında onun yaradıcılığına yüksək qiymət verilir:

Əfsanəvi Kleopatra – ecakar cazibəsi ilə dünyanın bir çox güclülərini qarşısında baş əyməyə vadar edən və uğurlu karyera qurmağı bacaran qadın siyasətçi olub. Analitik.az böyük imperatorların ağlını başından çıxaran bu qadının həyatının mühüm detallarını təqdim edir. Romanın qüdrətli siyasi xadimləri – Qay Yuli Sezar və Mark Antoni onun cazibəsi qarşısında aciz idi.

Milyonların sevimlisi, SSRİ-nin və Rusiya Federasiyasının Xalq artisti, istedadlı və gözəl aktrisa Elina Bıstritskaya aprelin 26-da vəfat edib.

Elina Bıstritskaya 4 aprel 1928-ci ildə Kiyevdə yəhudi ailəsində anadan olub. Atası Avraam Petroviç hərbi həkim, anası Esfir İsaakovna isə xəstəxanada aşpaz işləyirdi. Sonra atasının işi ilə əlaqədar ailələri Nejin şəhərinə köçür.

İkinci Dünya müharibəsi zamanı ailə Həştərxana evakuasiya olunur. Uşaqlıqdan tibb işçilərinin əhatəsində böyüyən Elina müharibə başlayanda tibb kursuna yazılır və yaralılara yardım göstərməyə başlayır. Müharibədən sonra Nejin Tibb Kollecində oxuyur. Sonra (1947) atasının tövsiyəsi ilə N.Qoqol adına Nejin Pedaqoji İnstitutunun Filologiya fakültəsinə daxil olur. Lakin bir ildən sonra tibb və filologiyadan daha çox incəsənətə olan istəyi onu Kiyev Dövlət Teatr İnstitutuna daxil olmağa sövq edir.

Modernist türk millətçiliyinin önəm verdiyi dəyərlərdən biri türk qadınının ictimai-siyasi yaşamda fəal iştirakıdır. Aydınlanma sürəcindən cumhuriyyətin süqutunadək olan dönəmdə ictimai həyatda dəyər qazanan qadınlar oldu. Həmidə xanım Cavanşir, Hənifə xanım Mikayılova bu cür qadınlardan idi. Azərbaycanda kifayət qədər tanıdılmayan tanınmış şəxsiyyətlərdən biri də Şəfiqə xanım Qaspıralıdır.

Türk dünyasının aydınlarından İsmayıl bəy Qaspıralının qızı, Azərbaycan Xalq Cumhuriyyətinin baş naziri olmuş Nəsib bəy Yusifbəylinin xanımı.

Nəsib bəylə Şəfiqə xanım 1902-ci ildə Baxçasarayda tanış olublar. Həmin dönəmdə Novorossiysk universitetində təhsil alan tələbələr Krımda olarkən Qaspıralının ziyarətinə gəlirlər. Hüquq təhsil alan Nəsib bəy bu tanışlıqdan sonra Şəfiqə xanımla məktublaşmağa başlayır, daha sonra isə “Tərcüman” qəzetinin iyirmi illik yubileyinə dəvət edilir.

Qadınlar və gözəllik haqqında
Gözəl qadın odur ki, rəqabət, intriqa və xəyanətləri qəbul etmir.

Plastik cərrahiyyə mənlik deyil, amma cərrah xidmətinə müraciət edən qadınları qınamıram. Əgər bu, sizi xoşbəxt edirsə, niyə də yox? Kaliforniyada dodaqlarını böyütmüş, burnunu kəsdirmiş, yanaqlarına dolğu vurdurmuş, dişlərini ağartmış və saçlarını boyamış yüz minlərlə sarışın qadın yaşayır.

Hətta ən bahalı makiyaj və ən bahalı saç düzümü də qadınları gözəl edə bilməz. Ən parlaq və ən maraqlı qadın odur ki, enişli-yoxuşlu həyat yolu olsun.

Yeva Qardner dünyanın ən gözəl qadını idi. Niyə? O, üzündə heç bir dəyişiklik etməmişdi. O, qadına bənzəyirdi və heç bir zaman gənc qıza bənzəməyə çalışmırdı.

Elizabet Holms dünyanın ən gənc milyarder qadınlarından biridir. Onu tez-tez Stiv Cobsla müqayisə edirlər. Onları bir-birinə bağlayan keyfiyyətləri çoxdur. Məsələn, hər ikisi uşaqlıqda tək vaxt keçirməyi xoşlayırdı. Hər ikisi ali təhsil atıb, çünki onlar inanırdı ki, həyatda daha vacib işlər var və bunun öhdəsindən təkbaşına gəlmək olar.

Holms qara vodolazkalar geyinir, kərəviz və xiyardan hazırlanan şirə içir, ət yemir və az yatır. Onun qarderobunda yüzlərlə qara vodolazka var. O, bu üsulla hər səhər “Bu gün işə nə geyim” sualı ətrafında vaxt itirmir. Yeri gəlmişkən, qara vodolazkalara sevgisinə görə, Elizabeti “Ətəkli Cobs” adlandırırlar. Elizabet də eyni ilə Stiv kimi əmin idi ki, onun şirkəti dünyanı dəyişəcək. Stiv Cobs 40 yaşına yaxın milyarder olub, Holms isə daha erkən yaşlarda buna müvəffəq olub. Keçən il onun “Theranos” layihəsi 9 milyard dəyərində qiymətləndirilib, səhmlərin yarıdan çoxu ona məxsusdur.

Balaca Elizabet
10 iyul 1846-cı ildə Prussiyanın Ryökken vilayətində lüteran kilsəsinin keşişi Karl Lüdviq Nitsşenin ailəsində bir qızcığaz, Elizabet dünyaya gəlir. Elizabet qardaşı Fridrixdən iki yaş kiçik idi. İki yaşında atası Karlı itirən balaca Elizabet anası, xalaları və gələcəyin böyük filosofu olacaq qradaşı Fridrix Nitsşe ilə birlikdə yaşamalı olur.

Kiçik Elizabet xalq məktəbi adlanan ibtiadi təhsil müəssisəsinə gedir. Sonralar o, gənc qızlar üçün nəzərdə tutulan gimnaziyada təhsil alır. Burada oxuduğu zaman yəhudi əsilli bir oğlanla tanış olur və qısa vaxtda onların arasında sevgi münasibətləri yaranır.

Günlərin birində sevdiyi oğlanın başqa bir qızla öpüşdüyünü görən Elizabet həyatı boyu unutmayacağı dəhşətli bir zərbə alır. Bu xəyanət gənc qızın qəlbini sevdiyi oğlana, onun ailəsinə, sonralar isə yəhudi millətinə qarşı dəhşətli nifrət və qəzəb hissi ilə doldurur.