Məşhur qadınlar kateqoriyası üzrə məqalələr

Beyonce Giselle Knowles – hamı onu qısaca olaraq Beyonse çağıır. Məşhur müğənni, bəstəkar, aktrisa, rəqqasə, dizayner olan Beyonse 1981- ci il sentyabrın 4-də ABŞ-ın Hyuston şəhərində dünyaya gəlib.

Uşaqlığında çox utancaq olan, öz yaşıdlarından seçilməyi xoşlamayan, daim yerə baxan 6 yaşlı kiçik qızın istedadlı olduğunu başa düşən valideynləri onu rəqsə qoyurlar. Rəqs məktəbində Beyonsun xoreoqraf müəllimi olan miss Darlett onun müsabiqədə iştirak etməsini məsləhət görür.

Beyonse müsabiqədə ilk mahnısı olan Con Lennonun repertuarından “İmagine” mahnısını oxuyur. Müsabiqədə qalib gələn Beyonse hər kəsi, o cümlədən valideynlərini heyran edir. O gündən bəri Beyonse 30-a yaxın gənclər arasında müsabiqənin qalibi olub.

Qalib gəldikdən sonra Beyonsun atası Girls Time (sonralar qrupun adı Destiny`s Child oldu) adlı qrup yaradır.

Seçimlərə Beyonse özü və atası münsiflik edirdilər. Qrupa qohumları olan Kelli Rounlend və 4 qız da seçilir. O gündən sonra qrup oxumağı, rəqs etməyi öyrənir, boş vaxtlarında isə Beyonsun anasının gözəllik salonunda, müştərilərin qabağında çıxış etməyi öyrənirlər.

Robin Rihanna Frenty 1988-ci il fevralın 20-də ABŞ-da yerləşən kiçik bir ada ölkəsi olan Barbadosun Saint Michael bölgəsində anadan olmuşdur. Rihannanın ailəsi 5 nəfərdən ibarətdir — anası Monica Frenty, atası Ronald Frenty və özündən kiçik qardaşları olan Rorrey və Rajad. Rihanna Charles F.Broome Memorial məktəbini bitirib. Daha sonra ölkənin məşhur məktəblərindən birinə — Combermere məktəbinə daxil olur. Sonralar iki sinif yoldaşı ilə orada ilk musiqi qrupunu yaradır.

2004-cü ildə «Miss Combermere» gözəllik yarışmasında birinci olur və «Combermere məktəbinin rəngləri» festivalında səhnəyə çıxaraq Mariah Careynin «Hero» mahnısını ifa edir. Rihanna ilk böyük addımını hələ 15 yaşındaykən bir dostunun vasitəsi ilə musiqi prodüseri Evan Rogers ilə tanış olmaqla atır. Rogers həmin anda həyat yodaşı ilə istirahət edirmiş. Bacarıqlı produser və onun iş ortağı olan Carl Sturken Rihannanın ilk səs yazılarına kömək etməyə qərar verir.

Rihannanın bu səs yazıları Amerikanın bir çox şirkətinə göndərilmişdi. Bu yazılardan biri də Jay-Z-yə çatmışdı. Jay-z Rihannanı müqaviləyə imza atması üçün «Def Jam Records»la bir araya gətirir.

1. Darya Nikolayevna Saltikova (1730—1801)
Tarixə inkişaf etmiş rus mülkədari kimi düşmüşdür.
139-a yaxın qulluqçusunu öldürtmüşdür.

2. Kraliça I Mariya (1516-1558)
İnglis kralı VIII Henrinin və onun birinci xanımının qızı. Atasının ölümündən sonra taxta çıxan xanım Mariya ölkədə bərpa dövrünü başlayır və bu bərpa dövrü xalqa divan tutmaqla keçir. Minlərlə insan öldürülür, asılır və yandırılır.

3. Mayra Hindli (1942-2002).
Killer xanım dostu İen Brayenlə «ingiltərəli Bonni və Klayd” adı almışlar. Bir neçə il ərzində ikisi əl-ələ verərək 10-17 yaşlı 5 azyaşlı uşağı oğurlayıb təcavüz edib öldürmüşdülər.

4. İzabella Kastilskaya (1451-1504)
İzabella katolik olmayanlara divan tutmaqla məşhurdur. İzabella Kastilskayanın dövründə İspaniyadan çoxlu yəhudi və ərəb köçmüşdür (200 minə yaxın), qalanlarını isə güc ilə xristianlığı qəbul etməyə məcbur edirdilər, qəbul etməyənləri isə ocaq gözləyirdi.

5. Beverli Eplit (1968)
İngiltərəli tibb bacısı 1991-ci ildə 4 körpə öldürmüşdür, daha beşini isə ciddi zədələmişdi. O uşaqların qanına küllü miqdarda insulin vuraraq onlarda ürəkağrısı yaradırdı.

Övladlarım yoxdur, bəlkə, ana olsaydım, dünyaya daha fərqli baxardım...

Tərəf-müqabillərimdə ən çox ağıla, cazibəyə və seksuallığa üstünlük verirəm...

Dünya ailə, danışmaz əmlak, ev tikintiləri ətrafında fırlanır...

Jaklin Bisset yetmişdən çox filmdə çəkilib. Onun tərəf-müqabilləri arasında Frenk Sinatra, Jan-Pol Belmondo, İnqrid Berqman, Şon Konneri, Pol Nyumen, Entoni Kuinn kimi ulduzlar olub. Tamaşaçılar Jaklini daha çox “Napoleon və Jozefina”, “Anna Karenina”, “Varlılar və tanınmışlar” filmlərindən tanıyır.

“Uçurum” filminin uğurlu sualtı çəkilişlərindən sonra Jaklin Bisset yetmişinci illərin seks-simvoluna çevrildi… Sözügedən filmdən sonra bədənəyapışan köynəklər dəbə mindi...

Kino karyerasındakı uğurlara rəğmən, Jaklinin şəxsi həyatı heç də ideal, göründüyü kimi, xoşbəxt deyildi...

Jaklin Bisset: “Veybricdə, imkanlı həkim ailəsində anadan olmuşam. Uşaqlıqda baletlə məşğul olurdum. Atam bizi atmışdı, anam sklerozdan əziyyət çəkirdi. Onun qayğısına qalırdım. Əmək yoluma Çin restoranında ofisiant işləməklə başlamışdım.

Sonradan aktyorluq kurslarının xərclərini ödəmək üçün model kimi fəaliyyət göstərməyə başladım. Zənn edirəm ki, kino aləminə sırf xarici görünüşüm sayəsində düşdüm. Onda iyirmi yaşım vardı. Üç ildən sonra Mia Ferrou “Detektiv” filmində çəkilməkdən imtina etdi və o rola məni dəvət etdilər. Bu rol mənə dünya şöhrəti gətirdi...”

Məşhur skripkaçı, bəstəkar,oranjemançı Vanessa Mey məşhur skripkaçı Nikolo Paqanini ilə eyni gündə, lakin 196 il sonra, 27 oktyabr 1978 – ci ildə Sinqapurda dünyaya gəlib, 4 il Sinqapurda yaşadıqdan sonra atası ingilis olduğu üçün Londona köçürlər.

5 yaşında artıq skripka və fortopianoda çalmağı öyrənir. 8 yaşında ingilis gənc pianoçularının müsabiqəsində qalib gəlir. Pekində rus məktəbində təhsil alır. 11 yaşında Beynəlxalq musiqi kollecinə daxil olur, lakin orda bir neçə ay oxuyur.

Həmin məktəbdə musiqi texnikasını öyrədirdilər, Vanessa isə yaratmaq, yeniliklər kəşf etmək istəyirdi. Vanessa eyni stili sevmir, müxtəlif janrları caz, pop, klassika və s. janrları bir yerdə istifadə etməyə üstünlük verir. Ilk albomu, The Classical Album 1 alman musiqisinə, ikinci isə Çin musiqisinə həsr edib.

1996 – cı ildə ilk diski olan «The Violin Player» işıq üzü görür.

1998 – ci ilin aprelində ilk dəfə «Storm On» adlı dünya turnesinə çıxır. İlk konserti Dubayda keçirilir. Onun səhnədə çıxışı üçün 5000 hava şarından ibarət vulkana bənzər səhnə quraşdırmışdılar. Klassik repertuarına baxmayaraq, Vanessa müasir pop-musiqisinə də xüsusi diqqət ayırır.

Karyerası: Aktrisa 
Boyu: 1.68 m

Doğum tarixi: 28 aprel 1974-cü il
Doğulduğu yer: Madrid, İspaniya

Bürcü: buğa
Atası: Eduardo Krus

Anası: Enkarna Sançes
Bacısı: Monika Kruz- aktrisa və rəqqasə

Qardaşı: Eduardo Kruz –məşhur İspan müğənnisi və bəstəkarı
Janrı: komediya, drama, melodrama

Cəmi filmləri: 97
İlk filmi: 1986-cı il

Sonuncu filmi: 2011-ci il
Məşhur filmləri: “Bu yalandır”, “ Eleqiya”, ”Darvinin Missiyası”, ”Əsrin şousu” və s.

Amerikalı aktrisa gözəl olmaqla yanaşı, müdrik, təvazökar və cazibədardır. Əlbəttə ki, istedadlıdır, lakin Hollivudda istedadlar çoxdur, təvazökarlar isə barmaq sayıdır. Enn isə başqa məsələ, o təmizdir, sadədir...

“Taleyim mənə qarşı çox səxavətlidir, onun mənə bəxş etdiklərini korlamaq istəmirəm” – aktrisa yüzüncü kərə bu kəlmələri işlətməkdən yorulmur...

O, Hollivudun təravətli simasıdır. İri gözləri, hissiyyatlı qalın dodaqları… Hər hərəkətində bir kübarlıq, bir incəlik var. Təbəssüm – saatlarla güzgü önündə məşq edilmiş təbəssüm deyil — təbiidir, uşaqcaşına təbii… Bu xanım sanki işıq saçır… O, daha qapalı, daha gizli, daha özündənrazı ola bilərdi. Lakin bu zaman da o, indiki Enn Heteuey olmazdı...

Culiya Robertsə bənzəmək...
Onu ulduzların şəxsi həyatı heç vaxt maraqlandırmayıb, daha dəqiq desək, onların kiminlə yatması, hansı plastik əməliyyat etməsi və s… Enn sadəcə, uşaqlıqdan kinonu sevib və “Gözəlçə”dəki Culiya Robertsə bənzəməyi arzulayıb. O qədər çox arzulayıb ki, nəticədə, bu gün Ennin xarici görünüşünü və mimikalarını məhz Culiya Robertsə bənzədirlər. Culiya ilə yanaşı,Heteueyi eleqant, təkrarolunmaz Odri Hepbernə də bənzədirlər. Enn etiraz etmir...

Enn Heteueyin adı və soyadı Şekspir mütəxəssislərinin bu dahi dramaturqun bioqrafiyasını yenidən nəzərdən keçirməyə məcbur edir. Axı Şekspirin həyat yoldaşının adı da məhz belə idi. Bütün həyatı boyu Enn İngiltərəyə, buranın adət-ənənəsinə və teatrına maraq göstərib.
Uşaq ikən Enn teatr dərnəklərinə gedir, tez-tez kinosınaqlara qatılırdı. Məktəbi bitirdikdən sonra Brodveydəki tamaşalarda uşaq rollarını oynamağı arzulayırdı. Ancaq teatr prodüserləri onun uşaq rollarını oynamaq üçün çox hündür olduğunu, yaşca böyük rolları canlandırması üçün də çox gənc olduğunu hesab edirdilər. Lakin gələcək aktrisa həvəsdən düşmür və bir neçə serialda çəkilir,daha sonra isə “Şahzadənin gündəliyi” filmi üçün sınaqlara qatılır və rola təsdiq edilir.

İngiltərəli aktrisa Naomi Uotts:
Rol almaq üçün rejissorla yatmaq vacib deyil...
Bəzən mənə elə gəlir ki, xoşbəxtlik Hollivudun daha bir uydurmasıdır...

Həyatda hər bir şeyin öz səbəbi var. Əgər insan istəsə, onu tapacaq...
Deyə bilərəm ki, bəxtim hardasa gətirib. İlk böyük uğuru on üç yaşımda qazandım, bu yaşda insan, əslində, kim olduğunu dərk etməyə başlayır.

Kino sınaqlar – təhqiredici və alçaldıcı bir şeydir. Səni üzünə baxmayan insanların yanına salırlar və bəlkə də, yarım il məşq etdiyin səhnəni oynamağına yalnız beş dəqiqə vaxt verirlər. Bu heç də xoşagələn proses deyil.

Zaman keçdikcə, bütün bunlar dərin yaralara çevrilir və elə bir vaxt gəlib çatır ki, qadir olduğunu, sadəcə, göstərə bilmirsən. Buna gücün çatmır. Məhz bu səbəbdən, Devid Linçin mənim üçün etdiyini heç vaxt unutmayacağam. Məni “Mulholland Drive”ın sinaqlarına çağıranda elə də yaxşı formada deyildim. Ancaq o, mənim yorğunluğumun, məyusluğumun və qəzəbimin arxasında gizlənən istedadı görə bildi.

Mariya Sibilla Merian ilk qadın entomoloqdur (Entomologiya — zoologiyanın həşərat, böcəklər bəhsi) 1647-ci ildə Almaniyanın Frankfurt şəhərində anadan olub. 3 yaşında atasını itirib. 1651-ci ildə anası Mariyanı rəsm çəkməyə cəsarətləndirən natürmort rəssam Cakob Marrel ilə ailə qurur. 

Mariyanın təbiətə olan böyük marağı ilə rəsm çəkməyə olan həvəsinin birləşməsi daha 13 yaşındaykən müxtəlif növ bitki və böcək təsvirləri yaratmasına səbəb olur.

1665-ci ildə Mariya ögey atası Marrelin şagirdi Cohann Andreas Qraff ilə ailə qurur. Ondan iki qız övladı olur. 1667-ci ildə Mariya ailəsi ilə birlikdə Nürnberq şəhərinə gedir. Orada ilk peşəkar uğurlarını əldə edir. 1681-ci ildə ögey atası vəfat edir və ailə mirası yerbəyer etmək üçün Frankfurta dönmək məcburiyyətində qalır.

Mariya 1685-ci ildə 38 yaşındaykən həyat yoldaşından ayrılır. Anası və qızları ilə birlikdə Hollandiyada qatı protestant cəmiyyət olan Labadistlərə qoşulur. Bu dövrdə Surinam plantasiyalarından gətirilən tropik bitkilərə qarşı böyük bir həvəs, maraq hiss edir.

Şöhrəti bu gün də azalmayan, hələ sağlığında rus ədəbiyyatının klassiki hesab olunan rus şairəsi, yazıçısı, ədəbiyyatşünası, tərcüməçisi Anna Axmatova yaradıcılığı ilə yanaşı öz faciəvi taleyi ilə məşhurdur.

Doğrudur, Anna Axmatova şəxsən həbs edilməyib, sürgün olunmayıb. Amma sovet rejimi onun doğmaları olan iki nəfəri — birinci əri Nikolay Qumilyov və oğlu Lev Qumilyova qarşı amansız davranıb.

1910-1018-ci illərdəki həyat yoldaşı Nikolay Qumilyov 1921-ci ildə güllələnib, oğlu Lev Qumilyov isə ömrünün 10 ilini barmaqlıqlar arxasında keçirib. Özünün isə yaradıcılığı nəzarət, daimi qadağa altında olub. Hətta ölümündən bir neçə onillik keçəndən sonra belə Anna Axmatovanın əsərlərinə qadağa mövcud olub. «Vətən xaini»nin anası və «vətən xaini»nin arvadı Anna Axmatovanın «təcrübəsi» öz əksini «Rekviem» poemasında tapıb.

Əsərlərinə qoyulan qadağalara, Kommunist Partiyasının ona qarşı «personal» nifrətinə baxmayaraq, Anna Axmatova sağlığında rus ədəbi mühitini daima öz ətrafına yığa bilib, dövrünün ən istedadlı gəncləri ilə əhatə olunub. Məşhur rus şairəsinin həyat hekayətini sizə təqdim edirik.