Ərzaqlar kateqoriyası üzrə məqalələr

Tısbağa yumurtası nadir hallarda tapılan qidalardandır. Tısbağa yumurtasının qidalandırıcılıq xüsusiyyəti çox yüksəkdir. O ən xüsusi delikateslərdəndir. Tısbağa yumurtası dairəvi və yumşaq qabığa malik olur. Tısbağa yumurtasının çəkisi 30-35 qram olur. Onun qabığınılln rəngi ağ, solğun sarı, açıq sarı ola bilir. Bu yumurtanın rəngi və ölçüsü toyuq yumurtasına bənzəyir. Yumurtanın züllalı hissəsi rəngsiz və şəffaf olur.

Müxtəlif ölkələrdə istifadəsi
Bir çox ölkələrdə tısbağa yumurtasından delikates kimi istifadə edilir və o qida maddəsi kimi istifadə olunur. İstifadə edilməsi və satış məqsədilə tısbağa yumurtasını Atlantik və Sakit okean sahillərindən yığırlar. Yumurtalamaq mövsümündə tısbağalar 200-ə yaxın yumurta qoyurlar.

Midiya dəniz molyusklarındandır və Mytilus sinfinə aiddir. Bu sinfə aid olan molyusklara bütün Dünya okeanının sularında rast gəlmək mümkündür. Onlar ikitərəfli simmetrik və oval şəkilli çanağın içərisində yerləşirlər.

Əsasən restoranlarda müxtəlif üsullarla yetişdirilmiş midiya molyuskundan istifadə edilir. Onun yetişdirilməsi üçün xüsusi fermalar və müəssisələr var. Bu müəssisələr midiya molyuskunun artırılması ilə məşğul olurlar. Bu proses çox çətin və maraqlı bir prosedir və onu ilk dəfə irlandiyalı balıqçılar tətbiq etmişlər.

Kalmar buğumayaqlılar sinfinə daxil olan molyusklardandır. Adətən kalmarların ölçüsü 0,25-0,5 metr uzunluğunda olur. Nadir hallarda iri ölçülü kalmarlara da rast gəlinə bilir. Ən iri kalmar 20 metr uzunluğunda olan onurğasız heyvan kimi qeydə alınıb.

Supermarketlərdə əsasən 800 qram çəkidə olan kalmarlara rast gəlinir. Bu zaman kalmarın yeyiləcək orqanları onun dərisi altında yerləşən çanağında gizlənir. Kalmarın əti xüsusi tünd dada və donmuş balıq iyini xatırladan iyə malik olur.

Onu almamışdan əvvəl təzəliyinə diqqət yetirmək lazımdır. Təzə kalmar dərisinin rəngi çəhrayının açıq bənövşəyinə çaları rəngdə olur. Aldıqda isə təmizlənməmiş kalmar almaq məsləhət görülür. Onu bişirmək üçün təmizlədikdə isə çəkisini iki dəfə itirir.

Əksər meyvə və tərəvəzləri çiy halda yemək daha faydalı sayılır ki, yüksək temperaturlar onların tərkibində olan faydalı maddələrin qısmən dağılmasına səbəb olur. Lakin pomidora bu aid deyil.

Mütəxəssislər pomidoru çiy şəkildə deyil, yağda, sobada, qrildə qızardılmış və ya pörtlədilmiş şəkildə yeməyi tövsiyə edirlər. Məsələ burasındadır ki, pomidorun tərkibində olan çox faydalı maddə likopinin miqdarı termik emaldan sonra əhəmiyyətli şəkildə artır.

Qəhvə bir qayda olaraq ifrat hisslər doğurur: biz ya bu içkinin aşiqiyik, ya ona qarşı tamamilə biganəyik. Bir çoxları qəhvəsiz bir gün də olsa yaşaya bilmir. Təəssüf ki, qəhvə ikili təbiətə malikdir və bunu hər kəsin bilməsi lazımdır.

Bəzi insanlar qəhvəni dadına görə, bəziləri də gün ərzində enerji toplamaq üçün içir. Bundan əlavə qəhvə bizim sağlamlığımıza müsbət təsir göstərir. Bu ilk növbədə yaşlanma prosesini ləngidən güclü antioksidləşdiricidir. Həmçinin bu içki qandakı mənfi xolesterinin səviyyəsini azaldaraq aterosklerozun və ürək-damar xəstəliklərinin inkişafının qarşısını alır. Aparılmış tədqiqatlar göstərir ki, qəhvə içmək miqrenin tezliyini, II növ diabet xəstəliyinin, xərçəngin bəzi növlərinin, Parkinson və Alzheimer kimi xəstəliklərin və eyni zamanda kariyes və astma riskini azaldır. Tədqiqatlar nəticəsində müəyyən edilib ki, qəhvədən mütəmadi olaraq içmək qısa müddətli yaddaşı yaxşılaşdırır və öyrənməyə kömək edir.

Batatın digər adı "şirin kartof«dur. Lakin bu tərəvəzin kartofla heç bir əlaqəsi yoxdur. Onları birləşdirən yeganə amil tərkibində nişastanın çox olmasıdır.

Batat Avropaya Amerikadan Kolumb vaxtından gəlib və burada olduqca populyar olub. Batat çox faydalı müalicəvi məhsuldur. Tərəvəzin xoş şirin dadı var. Batatın bəzi növləri kökü, digərləri balqabağı və ya yemişi xatırladır.

Ağ çay — çay kolunun tumurcuq və cavan yarpaqlarından əldə edilən və birbaşa günəş işığıyla qurudularaq qıcqırma prosesinə məruz qalmadan minimum oksidləşməylə əldə edilən bir çay növüdür.

Ağ çay qanda xolesterol və triqliseridlərin səviyyəsini salır, yağların parçalanmasını sürətləndirir, bədənin antioksidant səviyyəsini artırır, xərçəng hüceyrələrini məhvedici təsir göstərir, xüsusən, bağırsaq xərçənginə qarşı olduqca təsirlidir. Çaylar arasında ən yüksək antioksidant dəyərini ağ çay daşıyır. Ağ çay qanda xolesterolun səviyyəsini yaşıl çaya nisbətən daha tez salır.

Makadamiya fındığını müxtəlif dövrlərdə müxtəlif cür adlandırıblar: mullibimbi, bumera, kindal-kindal, Kvinslend, Avstraliya fındığı.

İlk dəfə 1930-cu ildə Avstraliyanın Viktoriya ştatında botanik Ferdinand fon Müller əslən şotlandiyalı olan həmkarı və dostu Con Mak-Adamın şərəfinə onu Makadamiya fındığı adlandırıb. Həmin il Avstraliyada makademiyasevərlər assosiasiyası yaradıldığına görə məhz bu adın üzərində dayanılıb.

1970-ci ildən başlayaraq Makadamiya fındığı Avstraliyanın Kvinslend ştatında iri sahələrdə yetişdirilib. Makadamiyanın 9 növündən 5-i yalnız Avstraliyada, 2 növü isə Braziliya, Kaliforniya, Cənubi Amerika və Havay adalarında yetişir.

Dəniz kələminin (dəniz yosunları) tərkibi yod, manqan, kobalt, fosfor, dəmir və kaliumla zəngindir.
Tərkibindəki bu qiymətli mikroelementlərə, vitaminlərə görə o, demək olar bütün bitkilər arasında ən faydalısıdır.

Ona görə də bu faydalı qida məhsulunu təkcə dəniz kənarında yerləşən ölkələrin əhalisi deyil, dünyanın əksər yerlərində insanlar ondan sağlamlıq üçün faydalı olan müxtəlif xörəklər hazırlayır, dəniz kələmini çiy, qurudulmuş, qaxac edilmiş, konservləşdirilmiş və duzlu halda yeyirlər.

Küncütün faydalı və müalicəvi xüsusiyyətləri insanlara qədim zamanlardan məlumdur.
 
Belə ki, qədimdə küncüt və küncüt yağı ilə sonsuzluğu, cinsi zəifliyi müalicə edirdilər. Küncüt qadın və kişi cinsiyyət sistemləri üçün həqiqətən çox faydalıdır. Bu bitki güclü afrodiziakdır (cinsi həvəsi artıran məhsul), həmçinin onun tərkibində olan fitoestrogenlər qadın dölyaratma sisteminin fəaliyyətinə çox müsbət təsir edir.
 
Küncüt qanda «pis» xolesterolun və şəkərin səviyyəsini aşağı salmaq xüsusiyyətinə malikdir.