Yaraşıqlı görünüş, gözəl imic kateqoriyası üzrə məqalələr

İnsanın zahiri görkəmində üz dərisinin təmiz, elastik, hamar və təravətli olması böyük rol oynayır. Təəssüf ki, heç də hamı ona düzgün qulluq etməyi bacarmır. Bəziləri təzə çıxmış hər hansı bir kremi alır, üzün dərisinə uyğun gəlib-gəlmədiyini yoxlamadan istifadə edir. Üzə qulluq edərkən ən əvvəl, dərinizi necə olduğunu təyin edin. Adətən, üz dərisini təbii piy ifrazından asılı olaraq normal, yağlı, quru və qarışıq dərilərə ayırırlar.

Evdə hazırlanan yağlı dəri üçün istifadə edilən maskalar arasında ən təsirlisi təbii tərkibli maskalardır. Bu maskalar dəridəki yağ nisbətini azaldır, qara nöqtə və sızanaq kimi problemlərin öhdəsindən gəlir və qısa müddətdə nəticə verərək yağlı dəridə əmələ gələn problemləri düzələrək, dərizi hamar edeəcək. Yağlı dərilər üçün nəzərdə tutulmuş bu maskalar arasından sizin üçün ən uyğun olanı seçib maskanı istifadə edə bilərsiniz.

1-ci maska

Gil- 0.5 ç.q
Xiyar suyu — 1 x.q
Limon suyu - 0.5 c.q 
Yumurta ağı- 1 ədəd

Hazırlanması:

Bütün ərzaqlar yumşaq şəklinə düşənə qədər qarışdırın. Qarışığı göz ətrafından başqa bütün üzünüzə diqqətlə çəkin. 15-20 dəqiqə saxlayıb, ilıq suyla durulanın. Bu maska günəşə reaksiya verə bilər. Bu səbəbdən axşam isifadə olunması tövsiyə edilir.

Hamilə qadının qarderobunun necə göründüyü barədə nə vaxtsa düşünmüsünüzmi? Burada heç də həmişə həcmli koftalar və ya geniş cinslər əsas olmur. Müasir dünyada bir çox hamilə qadınlar “sağlam qidalanma” obrazını əsas tutaraq, nəticədə artıq çəki almaqdan qurtulurlar. Bəs məşhurlar geyim seçimində nələrə üstünlük verirlər? Buro 24/7 redaksiyası qadın bədənini ən gözəl şəkildə vurğulayan və eyni zamanda gizlədən ən doğru obrazları seçib.

Keyplər və over-size paltolar, axıcı siluetləri olan boş geyimlər və hündür beli olan ətəklər, rezinli şalvarlar və boş cinslər, geniş sviterlər, bluzkalar və kişi biçimli jaketlər hamilə məşhurların qarderobunun əsas geyimləridir.

Yaş artdıqca bütün bədən kimi üzdə də dəyişikliklər baş verir. Xoşbəxtlikdən bu qüsurları makiyaj hiylələri ilə gizlətmək mümkündür.
Birinci dərini təmizləməli, daha sonra isə nəmləndirməlisiniz. Dərini nəmləndirməkdən imtina etdiyiniz zaman gənc görünmək bir yana, dəriniz ləkə-ləkə görünəcək. 

Daha sarımtıl tonal kremlər seçin. Sarı rəng dərini isidir və daha gənc görünməsinə şərait yaradır. Tonal kremi əllə sürtmək asan olsa da, yaxşı fikir deyil. Tonal krem çəkərkən nəmli süngərdən də istifadə edin. Belə ki, süngər məhsulu üzün hər tərəfinə bərabər miqdarda yayır. Kremi az-az və dəriyə yedirərək tətbiq edin.

Heç bir məhsul dərini toz məhsulları qədər yaşlı göstərmir. Fırçaya ehtiyac olmayan kremlər, gellər və başqa kosmetik məhsullara üstünlük verin.

Kirpik buran alətlə tanış olun. Bu alətin istifadəsi də çəyin deyil. Yuxarıya tərəf burulmuş kirpiklər gözləri daha böyük, baxışları isə daha parlaq və gənc göstərir.

Qaş qələmi təbii rəngindən bir ton tünd olmalıdır. Qələmi çəkərkən 45 dərəcə tutaraq tətbiq edin və maksimum dərəcədə təbii görünməsinə diqqət edin.

Qara qələmin istifadə qaydası haqqında uzun illər təcrübəniz ola bilər, amma bu münasibətə son vermək lazımdır. Onu qəhvəyi qələmlə əvəz edin. Qəhvəyi rəng də eyni effekti verir və daha az bilinir.

Daha yaşlı görünən dəri ilə diqqət çəkmək istəmirsinizsə, kirşanı bir kənara qoyun. Yox, əgər ondan ayrıla bilmirsinizsə, şəffaf toz kirşanlara üstünlük verin.

Korrektor seçərkən çox diqqətli olun. Qara ləkələri gizlətmək istəyərkən, daha yaşlı görünə bilərsiniz. Hər korrektor hər dəriyə düşmür. Almazdan əvvəl göz ətrafına çəkib yoxlayın.

Dodaq parladıcısından daha az və krem rənglərindən istifadə etmək tövsiyə olunur. Çünki 30 yaşdan sonra dəri öz parlaqlığını itirməyə başlayır.

Parafin terapiyası, indiki dövrdə çox istifadə olunan prosedurlardan biridir.
Əvvəllər parafini, əməliyyatdan sonrakı dövr üçün, əzələ dartınması, artritin profilaktikası və ya müalicəvi massaj üçün istifadə edirdilərsə, indi estetik kosmetologiyada onun rolu əvəzolunmazdır.

Əgər dərinizin quru olmasını və yüngül qırışları hamarlaşdırmaq istəyirsinizsə, o zaman parafin terapiyası, bu kimi problemlər üçün ən ideal yoldur. Parafinin köməyi ilə dəri nəinki yumşalır, nəmlənir və hamarlaşır, həmçinin dərinin cavanlaşması nəzərə çarpır. Parafin dərini örtür, ona havanı keçirmir və tədricən ona istilik verir. 

Dəridə nə baş verir:
— Parafin mülaicəsində, hərarət 1,5 -2 dərəcə qalxdığından, dərini yandırmır. Soyuduqca parafının həcmi azaladığından, dəridə dartınma prosesi baş verir. Məhz bu xüsusiyyətinə görə, dərin olmayan, yüngül qırışların hamarlaşması baş verir. Lakin bu yalnız gündəlik olaraq edildikdə tam nəticə verir.

Bəzən bir qadını tanımaq üçün hansı ətiri istifadə etdiyini bilmək yetərli olur. 

Psixoloqların da təsdiq elədiyinə görə, qadının hansı ətiri sevməsi birbaşa onun xarakteri ilə bağlıdır. Məsələn, şərq ətirlərinə üstünlük verən qadınların həyatda əsas məqsədi özünü sevdiyi kişinin  ömründə bəzəyə çevirməkdir. Bu, eyni zamanda qadının maddi müstəqilliyinə də mane olmur.  Şərq ətirlərinə üstünlük verən qadınlar risqi dəyərləndirən, problemi bütün aspektlərdən qiymətləndirən, bəzən bir andaca tərsinə qərarlar verənlərdir. Belə qadınların intuisiyası güclü olur. 

Çiçək ətirlərini sevən qadınlar başladıqları işi sona çatdıran, «dağı dağ üstə qoymağa» çalışan tipə aiddirlər. Şirin çiçək ətrini sevənlər hər şeyi əvvəlcədən planlaşdırmağı sevirlər, bir az da həyəcanlıdırlar. 

Nəfis çiçək ətirlərinə üstünlük verənlər təbitən optimistdirlər. Amma onların arasında həyatlarına çatışmayan pozitivi daxil etmək istəyənlərə də rast gəlinir.  

Dəniz qoxulu ətirlərə işgüzarlar üstünlük verirlər. Onlar adətən səbirli, hiyləgərdirlər, hamı ilə dil tapmağa çalışırlar, həyata təbəssümlə baxırlar. Onların geniş çevrəsi möbvcuddur. 
Ağac ətirlərini bəyənənlər bir az eqoist, cəmiyyətdən seçilmək arzusunda olurlar. Belələri məntiq evliliyinə üstünlük verir. Yəni nikaha sevgiyə görə deyil, əksər hallarda pul kisəsinin qalınlığını göz önünə gətirərək girirlər. 

Kirşan ətirlərinin həvəskarları incə, küsəyən və şıltaq xanımlardır. Onlar zərif, hiyələgər, öz istədiklərinə çatan qadınlar sırasındadırlar. Paradoksal cəhət budur ki, onlarla nə qədər ünsiyyətdə olursansa, onları bir o qədər tanımadığına əmin olursan. Bunlar əsl ətir pərəstişkarlarıdır. Bəzi qadınlar xəzlə özlərinə «sipər» çəkirlərsə, bu qadınların psixoloji silahı da onların ətirləridir. 

Giləmeyvə ətirlərini xoşlayan qadınlar kişilərin hissləri ilə oynamağı, ərköyünlük etməyi sevirlər. Onlar impulsiv, öz bildikləri kimi hərəkət etməyi xoşlayan, başqalarının sözlərini qulaqardına vuran, məsuliyyəti digərlərinin  çiyinlərinə qoymaq arzusunda olanlardır. Belələri caduya, bədnəzərə də inanırlar. 

Tünd ətirləri sevən qadınlar üçün keyfiyyət əsas göstəricidir. Onlar həyatdan nə istədiklərini bilən, çətinliklərin öhdəsindən gəlməyi bacaran, keçmişlə yaşamadıqları üçün yaşlarından gənc görünən xanımlardır. Ürəklərinin dərinliyində uğura inanır, energetik və nikbin əvhal-ruhiyyəli, əksər hallarda da yükü öz çiyinlərinə götürürlər. 

Mütəxəssilər əmin edirlər ki, ətirin qoxusu ilə özü kimi başqalarının da xarakterinin incəliklərini çözmək mümkündür. 

Sonda tanışlıq üçün oxuculara bəzi məşhur ətir brendlərinin hansı qoxu kateqoriyasına aid olmasını bildirən siyahını təqdim edirik: 

Şərq ətirləri: Belle d'Opium, Yves Saint Laurent; Dior Addict, Dior; Vanille Ambre, Comptoir Sud Pacifique; Shalimar, Guerlain; Amarige, Givenchy.
Çiçək ətirləri: J'Adore, Dior; Beautiful, Estee Lauder; Bulgari pour Femme, Bulgari; L'Air du Temps, Nina Ricci; Chanel №5, Chanel; Light Blue, Dolce & Gabbana.
Nəfis ətirlər: Happy, Clinique; L'Eau d'Issey, Issey Miyake; L'Eau par Kenzo, Kenzo; Cool Water, Davidoff; Women, DKNY.
Ağac qoxulu ətirlər: Wood Wood, Comme des Garcons; Dry Woods, Jo Malone; Feminite du Bois, Shiseido; Premier Figuier, L'Artisan Parfumeur; Vetiver, Etro.
Kirşan qoxulu ətirlər:  Love, Chloe; Noa, Cacharel; Iris Poudre, Frederic Malle; Hiris, Hermes; FlowerbyKenzo, Kenzo.
Giləmeyvə ətirləri: Be Delicious, DKNY; Hippy Fizz, Moschino; Sunset Heat, Escada; Mango Manga, Montale; Mure & Musc Extreme, L'Artisan Parfumeur.
Tünd ətirlər: Gucci by Gucci; Miss Dior Cherie; Chypre Rouge, Serge Lutens; Eau du Soir, Sisley; Iris Nobile, Acqua di Parma.
Əgər indi  sizi «ona hansı ətiri hədiyyə edim?» sualı narahat edirsə, onda onun xasiyyətini düşünərək addım atın, onu tanıyın və birlikdə xoşbəxt olmağa çalışın.

Firəngiz Ağalar

Linza istifadəçiləri makiyaj edərkən aşağıdakılara diqqət etməlidir: 

Kirpik üçün tuşdan istifadə Linzaları daim makiyajdan əvvəl taxdıqda partiküllərin girməsini önləmək olur. Bunu makiyajı pozmadan etmək  çətindir. Bəzi hallarda insanda  stress də yaradır. Bu baxımdan makiyaj sonrası linza taxmaq üçün təcrübəli olmaq lazımdır.

Toz pudralar yerinə yığcam pudralar istifadə edin.

Ənlik sürərkən tozlanmanı minimuma endirmək üçün fırçanı üzünüzdə yavaşca gəzdirin. Yumşaq tükləri olan böyük və təmiz bir fırça ilə təmizlik edin. Gözləri bir müddət bağlı saxlamaq da olar.

Maye göz faralarından istifadə isə linzaları yerindən oynama riskini azaldır. Maye və ya qələm şəklindəki göz qapaqlarının boyanması üçün karandaşı heç bir şəkildə alt gözün iç qisminə sürtmək olmaz. Kirpik üçün tuş növlərindən istifadə etmək olar. Ancaq kirpiklərin həcmini artırmaq üçün içində mikro liflər saxlayan kirpik tuşundan istifadə məsləhət deyil.

Ərzaqlar:
2 yemək qaşığı toz xardal
1 yemək qaşığı şəkər
1 yumurta sarısı
60 ml isti su
2 yemək qaşığı zeytun yağı

Hazırlanması:
Bütün ərzaqları qarışdırıb qarışığı bir fırça yardımı ilə saç diblərinə yedirin. 40 dəqiqə gözlədikdən sonra saçları yaxalayın. Maska ancaq saç diblərinə çəkilir. Həftədə 1 dəfə çəkilmək şərti ilə, 14 həftə davam etdirilməldir.

Qeyd: Maska çəkildiyi zaman baş dəriniz sanki yanırmış kimi hiss edəcəksiniz. Bu zaman təşvişə düşməyin və normal qarşılayın. Çünki xardal başınızdakı qanı hərəkət gətirib qan dövranını süərtləndirir, saçları isə qısa müddət ərzində uzadır.

Dərinizin təravətli və canlı olmağı üçün istifadə olunan botoksun əvəzinə təbii üsullarla hazırlayacağınız bu maskayla dərinizdə istədiyiniz nəticəni əldə edə bilərsiniz. Hər zaman təbiətin bizə bəxş etdiyi möcüzələr təbii olmayan üsullardan faydalıdır. Evdə asan üsulla hazırlayacağınız bu maskanı istifadə edərək dərinizi daha da gəncləşdirə bilərsiniz.

Resept və hazırlanması

1 ədəd yumurta sarısı
1 çay qaşığı limon suyu
1 çay qaşığı süd
1 çay qaşığı bal
1 çimdik duz

Yuxarıda göstərilən ərzaqları qarışdırdıqdan sonra ilk olaraq təmiz dəriyə bu qarışığı bir dəfə sürtüb 10 dəqiqə qədər gözləyin və daha sonra 2- ci qatı sürtün, yenə gözləyin daha sonra 3-cü qatı da sürtüb yarım saat müddətində maskanı üzünüzdə saxlayın və ilıq su ilə yuyun.

 

Dodaq formasının korreksiyası (dodaqların böyüdülməsi) — hazırda ən geniş yayılmış və dəbdə olan əməliyyatdır. Sadə görünməsinə baxmayaraq, bu prosedura yalnız kosmetik klinika şəraitində və yalnız çox yüksək dərəcədə ixtisaslaşmış və kifayət qədər təcrübəsi olan həkim-kosmetoloq tərəfindən yerinə yetirilməlidir. Qeyri peşəkarlıqla yerinə yetirilən bu əməliyyat dodaqların asimmetriyasına (əyriliyinə), üzün eybəcərləşməsinə, ağır allergik reaksiyaya səbəb ola bilər.

Dodaqların böyüdülməsi və onların korreksiya edilməsi əməliyyatının öz əks göstərişləri də vardır: istifadə edilən komponentlərin fərdi şəkildə uyğunsuzluğu; hamiləlik və laktasiya; əvvəllər keçirilmiş allergik şok; dəridə çapıqların əmələ gəlməsinə meyllilik; preparatın daxil edildiyi yerdə iltihabın olması; qanın laxtalanmasının pozulması; bədən temperaturunun artması; hər hansı bir xəstəliklərin kəskinləşməsi.