Məşhur qadınlar kateqoriyası üzrə məqalələr

Ötən əsrin 20-ci illərinin əvvəlləri dəbdə qadın geyiminin cazibədarlıq və zəriflik itkisi situasiyası yaşanırdı. Məhz bu situasiyadan ustalıqla bəhrələnən Koko Şanel öz modellərində inqilabi yeniliklər və açıq-saçıq incəlik elementini birləşdirdi. O özünün ilk baxışda zövqsüz, sadə görünən məşhur «balaca qara paltarını» fikirləşdi. Bu həlledici addım ona dünya şöhrəti gətirdi və onun tapıntısını eleqantlıq, yüksək zövq və incəlik simvoluna çevirdi. "Şanel üslubu" anlayışı moda terminologiyasında möhkəm təsdiq olunub Koko isə özü haqda belə deyirdi: "İlk növbədə bu, üslubdur. Moda dəbdən düşür. Üslub isə heç zaman!".
Uşaqlığı haqqında məlumat çox azdır. Qabriel 1883-cü il avqustun 19-da Fransanın qərbində, Somüre şəhərində anadan olub. Atası yarmarka alverçisi Alber Şanel, anası isə atasının məşuqəsi Canna Devol idi. Əfsanəvi madmazel ömrü boyu qorxurdu ki, jurnalistlər onun nikahdankənar uşaq olduğunu, anasının astma və aclıqdan öldüyünü, atasının isə onu 12 yaşında katolik sığınacağına atdığını öyrənə bilərlər.

O, Misirin son kraliçası və son fironu olub.
Onun hakimiyyətə gəlişi ilə Misirdə bir çox yeniliklərə imza atıldığı kimi, ölümü də ölkəsinin yeni dönəmə keçməsini şərtləndirib.
O, Misirin (Makedon kökənli) Ptolomey nəslindən idi və bu nəsildən olub yerli dildə danışan, xalq içinə çıxan yeganə hökmdar oldu.
O, dövrünün iki ən böyük xanədanını südlə-sümüklə birləşdirməyə çalışmış, iki imperiyanın “ortaq övlad”ı Sezarionu dünyaya gətirmişdi.
Romalı ünlü tarixçi Plutarx onun haqqında deyirdi: “Səsi, istədiyi hər titrəşimi çıxarıb, istədiyi hər dili istifadə edə bildiyi çoxtelli bir musiqi aləti kimiydi… Gözəl olmaqdan ziyadə, zəki və mədəniydi..."
Bu, Ptolomey xanədanında Kleopatra adı daşıyan yeddinci qadın, gözəlliyi (ümumən şəxsiyyəti) barədə dünyanın hər yerində günü bu gün də adından bəhs etdirən, adını TARİXƏ əbədiyyən yazmağı bacarmış VII Kleopatradır! (Cleopatra VII Philopator)

Bu gün onu Aleksandr Dümanın yazdığı romanın qəhrəmanı kimi xatrılayırlar. Lakin bu qadın müasir Avropanın formalaşdığı XVII əsr tarixində mühüm rol oynamışdı. Məşhur kardinallar Rişelye və Mazarini, Fransa kralı və hersoq Bekinhem ona həm sevgi bəsləyər, həm nifrət edərdi. Avstriya kraliçası Anna kim olub – zəmanənin qurbanı ya Avropanın müqəddəratını dəyişən fitnəkar qadın?

1615-ci ilin oktyabrında Fransa ilə Avstriyanın sərhəddindəki Bidasoa şəhərindən təntənəli bir ordu keçirdi. Həmin ordu İspaniya şahzadəsi — 14 yaşlı Anna-Mariyanı Parisə yola salırdı. Burada qızcığaz gənc fransız kralı XIII Lüdovikin nikahına keçməli idi. Bu qızın öhdəliyinə böyük missiya düşürdü: o, iki qədim düşməni – Fransanın Burbon və İspaniyanın Habsburq kral sülalələrini izdivacı ilə barışdırmalı idi.

Onun həyatı bir çox romanların və başqa janrlı əsərlərin mövzusu olacaq, qəhrəmanlar onu xatırlayacaqdı… Məsələn, siz yəqin Şaşi Tharoorun “Böyük Hindistan romanı” əsərini oxumusunuz. Əsərdəki Priya Duryodhani xarakteri İndira Qandidən başqa biri deyil.
Siyasi həyatı enişli-yoxuşlu olan İndira Qandi, ölümündən sonra populyar kültürün bir parçasına çevrildi. Adı açıqca çəkilməsə də, ünlü siyasi romanlar müəllifi Tom Klensinin “Vicdan borcu” (Debt of Honor) və “Qəti əmrlər”(Executive Orders), Rohinton Mistrayın “Mükəmməl balans” (A Fine Balance) romanlarındakı qadın qəhrəmanların da İndira Qandi olduğu iddia edilməkdədir. Amma bunlar hələ çox sonralar baş verəcəkdi… Bir ömür – qadın lider ömrü yaşandıqdan sonra!

İngiltərə kral ailəsinin ən tanınmış üzvü hesab olunan Diananı "ürəklərin kraliçası" adlandırırdılar. Şahzadə Çarlzla boşanma ərəfəsində ictimai rəy Diananın tərəfində idi. O, mərhəməti ilə tanınmış və xeyriyyəçilik aksiyalarının fəalçısı idi.

Uels şahzadəsi Diana 1961-ci il iyulun 1-də Norfolk qraflığında, məşhur zadəgan ailəsində anadan olub. Valideynləri 1975-ci ildə boşanırlar. Diana təhsilini İsveçrədə alır və İngiltərəyə qayıdanda imtiyazlı uşaq bağçasında tərbiyəçi işləyir. O özünə kral ailəsinin diqqətini çəkir və şahzadə Çarlzla başlayan dostluğu mətbuatın marağına səbəb olur. Ümumiyyətlə, Diana Çarlzla hələ 16 yaşında atası evində tanış olur. İş ondadır ki, ingilis taxt-tacının varisi Diananın böyük bacısı Sara Spenserlə görüşürdü. O dövrdə Çarlzın başı təhsilə qarışmış, soyuqqanlı, özünə qapalı olsa da, yüksək statusu qızların böyük marağına səbəb olurdu. Şən Diana kralın nə məqsədlə evlərinə gəldiyini bilirdi. Onunla görüşdə Diana gülümsəyir, fransız dilində söhbətləşirdi. Diana bacısını həqiqətən sevir və ona xoşbəxtlik arzulayırdı.

Nicole Kidman 1967-ci ildə iyunun 20-də Honoluluda (Havay ştatı) anadan olub.Onun həm ABŞ həm də Avstraliya vətəndaşlığı var. Aktrisanın biokimya sahəsində çalışan eyni zamanda psixoloq olan atası Antony tədqiqat aparmaq məqsədilə həyat yoldaşı Janelle birlikdə adaya köçür. Qızları anadan olandan sonra Antony döş xərçəngi xəstəliyinin tədqiqatı məqsədilə ailəsi ilə birlikdə Vaşinqton ştatına üz tutur və 3 il orada yaşayır. Hələ kiçik yaşlarından Nikolda aktrisalıq qabilliyəti var idi.
Onun yaratdığı ilk obraz 6 yaşında məktəbdə Milad bayramı münasibətilə səhnələşdirən tamaşada oynadığı rol olur. Ktrisa olmaq arzusuna isə Nikol heç də asanlıqla qovuşmayıb. Artıq çəkisi ucbatından yaşıdlarından böyük görünən Nikolun dostları o qədər də çox deyildi.
Frank Wedekindin “Baharın oyanışı” (Spring Awakening) adlı tamaşasında rol alan Nicole özünün səhnədə ilk öpüşünü də məhz bu tamaşada gerçəkləşdirir. Həmin tamaşada baş verən seksual repressiya qurbanlarının birinin obrazını canlandırır.

Şahbanu Fərəh Pəhləvi sonuncu İran şahı Məhəmməd Rza Pəhləvinin üç xanımı arasında şahbanu titulunu alan yeganə xanım olub. Əslən azərbaycanlı olan Fərəh Pəhləvi 1938-ci il oktyabrın 14-də Təbriz şəhərində anadan olub. Şahın üç xanımı arasında yalnız onun üçün tacqoyma mərasimi keçirilib.
Qızlıq familiyası Fara Diba olan Fərəh Pəhləvi zabit ailəsində dünyaya göz açıb. Ailəsi çox varlı olsa da, atasının vəfatı ailəni Tehrandakı villalarını satıb qohumlarıgilə köçməyə məcbur edir. Fərəh təhsilini Tehran və Parisdə alır. Məktəb illərində o, idmanla məşğul olur, hətta basketbol komandasının kapitanı seçilir. Liseyi bitirəndən sonra Fərəh arxitektura ilə məşğul olur və Parisdə bu ixtisas üzrə təhsil alır. 1959-cu ildə Parisdə İran səfirliyində qonaqların qəbulu zamanı Fərəh şaha Fransada təhsil alan tələbə kimi təqdim olunur.

Onu «cinayətlərin kraliçası» adlandırırdılar, amma özünün başqa — "Ölüm hersoginyası" titulu xoşuna gəlirdi. Onun dahi təfəkküründə yüzlərlə ölüm və oğurluq hadisəsinin ideyası yaranmışdı. Odlu silahdan zəhləsi getsə də, zəhərləri cəlbedici hesab edirdi. Ginnesin Rekordlar kitabında onun əsərləri 103 dildə 2 milyard nüsxədə çap olunub. O, dünyada ən çox oxunan müəllifdir.

Millət vəkili Qənirə Paşayeva "Tarixə adını yazan Qadınlar" silsiləsini yazır

O, dünyanın ilk qadın savaş pilotu olub!

O, ilk türk qadın pilot kimi adını tarixə yazıb.

O, «Dünya tarixinə adını yazdıran 20 aviator»dan biridir!

O, Mustafa Kamal Atatürkün səkkiz mənəvi övladından biriydi!

Böyük Atatürkün mənəvi övladı olan Səbihə Gökçəni görmək və söhbət etmək mənə də qismət olmuşdu. Həddindən artıq maraqlı bir qadın idi. Amma onunla istədiyim qədər söhbət edə bilməmişdim. Bir gün acı bir xəbər eşitdik. Atatürkün mənəvi qızı, dünyanın ilk qadın savaş pilotu olan Səbihə Gökçən dülnyasını dəyişmişdi. Dünyadan çox maraqlı bir qadın, maraqlı bir tarix köçmüşdü. Amma köçən cismi idi, onun adı hələ bundan sonra da yüzillərlə unudulmayacaq.

O, zorla ərə verilməkdən yaxasını qurtarmaq üçün qaçıb getdiyi Avstraliyada, dünyanın ən böyük kosmetika markasını meydana gətirdi.
O, deyilənə görə, ilk dəfə Amerikaya getdiyi vaxt belə deyibmiş: “Bütün amerikalı qadınların burunları çəhrayı, dodaqları isə bozdur. Hamısının da üzü ağappaqdır. Burada ömrümün ən böyük uğurunu qazana bilərəm”.
Bir müddət sonra isə o qədər böyük uğur qazandı ki, dünya ondan danışmağa başladı. Bu qadın Elena Rubinşteyn idi.

“Çirkin qadın yoxdu, tənbəl qadın var.”
Elena Rubinşteyn