Ərzaqlar kateqoriyası üzrə məqalələr

Zəncəfil bitkisi xolesterolun miqdarının azalmasına, qrip və soyuqdəymənin qarşısını almağa kömək edir. zəncəfilin immunitet sisteminə də çox xeyri var.

Cökə ağacının çiçəkləri ilə zəncəfil çayı soyuqdəyməni tez bir zamanda aradan qaldırır. Zəncəfili ədviyyat kimi də yeməklərə qatmaq olur.

Bundan başqa, iştahı az olan və ya kökəlmək istəyənlərə zəncəfil turşusu yemək məsləhət görülür.

Zəncəfil mədə bulanması və qusmalara qarşı çox yaxşı çarədir. Yola çıxmazdan yarım saat əvvəl ağıza alınan 1 qram zəncəfil maşın tutmalarının qarşısını almaqda əla vasitə hesab edilir.

Alma qurusu astma və ürək xəstəliklərinə qarşı qoruyucu təsirə malikdir. Eyni zamanda alma qurusu tərkibindəki zəngin lif sayəsində bağırsaqları da təmizləyir. Alma qurusu maddələr mübadiləsini sürətləndirməkdə və həzm prosesini asanlaşdırmaqda da faydalıdır (A, B və E vitaminləri, həmçinin kalium, kalsium və maqnezium mineralları ilə zəngin olduğu üçün).

Alça qurusu kaliumla çox zəngindir. Həzmi asanlaşdırır, stresin və şəkər xəstəliyinin qarşısını alır, fiziki inkişafa kömək edir, görmə qabiliyyətini gücləndirir və s.

Bal səhər yeməyinin ən ləziz qidalarından biridir. Lakin əsl balla saxta balı bir-birindən fərqləndirməyi də bacarmaq lazımdır. Biz isə sizə əsl balı ayırmaqda kömək edərik. 
 

• Bal soyuducuda donursa, əsl baldır. 
   
• Balın qalınlığı çox olmalı və axanda dayanmamalıdır. Kəsik-kəsik axan bal saxtadır. Güllərdən əldə edilən bal sürətlə, digər bal isə daha yavaş axır.
   
• Əsl balı qaşıqla alanda kəsilmir. 
   
• Soyuducuda 1 ay qalan balın krem ya da kərə yağı qatılığa gəlməsi balın əsl olduğunun göstəricisidir. 
   
• Qələmin ucunu bala batırın sonra barmağınıza sürtün. Rəngli yazırsa, qarışıq baldır, rəng çıxmırsa, əsl baldır. 

Balıq yağı, digər normal yağlarla qarışdırılmamalı və saysız-hesabsız faydası olan yağdır. Bədənə lazım olan minerallar və turşular olan yağdır. Balıq yağı istifadəsi son illərdə gedərək artır. Balıq yağıyla əlaqədar çox sayda araşdırmalar aparılıb və onun inanılmaz faydaları aşkar edilib. 
  

• Ürək xəstəliklərindən depressiyaya qədər bir çox xəstəlikdə balıq yağı öz təsirini göstərir.
   
• Balıq yağının faydaları ehtiva etdiyi omeqa 3 yağ turşusundan qaynaqlanmaqdadır. Balıq yağının içində EPA və DHA adı verilən Omeqa-3 yağ turşuları var.
   
• Balıq yağı növləri: Balıq yağı növləri 2 şəkildədir. 1-Fish body oil: Balığın gövdəsindən əldə edilən balıq yağı.

Yumurtanı qaynatdığınız suyu atmayın

Yumurta qaynadılan su mineral və kalsiumla zəngindir. Dibçək güllərini bu su ilə sulayaraq solmuş güllərə yeni həyat verə bilərsiniz. Yumurtanı qaynatdığını suyu ilıqlaşandan sonra saça tökmək də çox faydalıdır. Yumurta proteinlə zəngin olduğu üçün qaynayanda tərkibindəki protein suda həll olur, bu su isə saçları daha sağlam edir.

Yumurtanın qabıqlarını da qablardakı kiri təmizləmək məqsədi ilə istifadə edə bilərsiniz. Qablardakı kiri təmizləmək üçün qabın içinə yumurtanın qabıqlarını atıb qaynadın. Qabın divarlarndakı kirin yox olduğunu görəcəksiniz.

Bir çox insanlar bilir ki, yaşıl çay çox xeyirlidir. Bu həqiqətən belədir. Yaşıl çayın faydalı xüsusiyyətləri haqqında hətta kitablar yazmaq olar.

Şərqdə yaşıl çay min bir dərdin dərmanı sayılır. Burada hesab edirlər ki, yaşıl çay insanı sağlam və uzunömürlü edir.

Güclü antioksidant xüsusiyyətlərinə malik olan yaşıl çay insanın orqanizmini müxtəlif zərərli maddələrdən (şlaklar, toksinlər, sərbəst radikallar və s.) təmizləyir və nəticədə insanın immun sistemi möhkəmlənir, xərçəng xəstəliklərinin inkişaf etmə ehtimalı azalır, insan cavanlaşır.

Yüksək hərarətlə müşayiət olunan müxtəlif iltihabı xəstəliklər və soyuqdəymələr zamanı yaşıl çay yaxşı tərlədici effekt göstərir ki, bunun nəticəsində insan orqanizmi intoksikasiya ilə uğurla mübarizə aparır. Bundan əlavə alimlərin fikirinə görə, yaşıl çay güclü mikrob əleyhinə təsirinə malikdir.

Yaşıl çay insanı daha fəal edir, insanın əqli və fiziki aktivliyini artırır, əhval-ruhiyyəsini qaldırır. Məhz bu səbəbdən həkimlər yaşıl çayın axşam vaxtlarında qəbul etməyini məsləhət etmirlər. Bu sizin rahat və tez yuxuya getməyinizə mane olacaq. Əksinə isə səhər tezdən içdiyiniz bir fincan yaşıl çay sizi daha tez “oyadacaq” və əmək qabiliyyətinizi artıracaq.

Araşdırmalar nəticəsidə alimlər müəyyən edib ki, pendirin içində olan phenylethylamine adlı maddə qan dövranını sürətləndirir və qandakı qlukozanının səviyyəsini yüksəldərək beynə sevgi siqnalları göndərir. Pendir yüksək kalorili qida məhsuludur. O, südün mayalanmasından əldə edilir. Adətən açıq-sarı rəngdə, deşikli və deşiksiz olur.

Pendirin tərkibində yüksək zülal payı (25%), yağ (60%-ə qədər) və mineral maddələr (3,5 %-ə qədər) var. Pendirin tərkibində olan zülallar insan orqanizimində südə nisbətən daha yaxşı həzm olunurlar. Pendirdə olan ekstraktlar dəmirin həzminə və yaxşı iştahın yaranmasına şərait yaradır. Pendirdə A, D, E, B1, B2, PP, C və başqa vitaminlər mövcuddurlar. Pendirə həm də südə olan elementlərin konsentratı kimi baxmaq olar: buraya zülallar, yağlar, mineral maddələr, kalsium, fosfor da daxildir.

Yayda yumurta yeməyin zərərli olduğunu düşünənlər var. Buna görə də çoxları qaraciyərinə zərər verəcəyi qorxusu ilə yumurta yemir. Halbuki, yumurtanın zərərli olmadığı təstiqlənib. Yumurtaya qarşı heç bir alergiyanız yoxdursa, hər mövsüm yeyə bilərsiniz.

Sarısı beyni inkişaf etdirir
B vitaminləri, sinir sistemini və beynin inkişafı, sağlamlığı üçün əvəzounlmazdır. Yumurtanın sarısı B vitaminləri ilə zəngindir. B vitaminləri uşağın beyinin inkişafına və sinir sisteminə çox yaxşı təsir edir. Buna görə də hamilə qadınlar yetəri qədər B vitamin qəbul etməlidir.

Protein qaynağıdır 
Yumurtanın içindəki proteinlər vücudumuz tərəfindən həzm olunur. Yumurtanın tərkibindəki proteinlər, tam proteindir.

Qoxusu ilə belə insanı xoşbəxt edə bilən şokoladın hər gün yeni faydası üzə çıxır. Şokolad ürək xəstəlikləri, xərçəng kimi xəstəliklərlə mübarizə aparır, dərini və sümükləri bəsləyir. İngiltərənin «Mirror» qəzeti bu möcüzəvi şirniyyatın faydalarını araşdırıb.

1.Şokoladın tərkibində olan antioksidanlar xərçənglə mübarizədə faydalıdır. Belə ki, kakao qırmızı şərabla müqayisədə iki, yaşıl çayla müqayisədə isə üç qat daha çox antioksidana sahibdir.
2.Şokolad zəngin kalsium qaynağıdır. Bu da sümüklərin möhkəm olması deməkdir.
3.Şokolad xüsusilə qadınların psixologiyası üzərində müsbət təsirlərə malikdir.
4.Güclü dişlər bədəndə olan florun miqdarından asılıdır. Şokolad bu maddə ilə də boldur.
5.Şokoladın tərkibindəki maddələr insanda xoşbəxtlik hormonunu artırır.
6.Şirniyyatın tərkibində olan dəmir və sairə maddələr dərini gözələşdirir, hüceyrələri yeniləyir.
7.Hər gün az miqdarda şokolad yemək qan laxtalanmasının, bu isə öz növbəsində qəfil infartk riskini aradan qaldırır.
8.Şokolad insanın enerjisini artırsa da, qanda şəkərin miqdarını sürətlə artırmır.
9.Qəhvə içmək yerinə şokolad yemək daha faydalıdır. Çünki onun tərkibində daha az kofein var.
10. Şokolad dişə ən az ziyan vuran şirniyyatdır. Çünki südlü şokoladın tərkibində yüksək miqdarda protein, kalsium və fosfat var. Bu maddələr diş minasını qoruyur.
11.Şokoladdakı yağ qandakı xolesterinin artmasına səbəb olmur.

Bu günlərdə bu nəfis şirniyyatın daha bir faydası üzə çıxıb. Sən demə şokolad insanın beynindən pis fikirləri, kin hissini, qisas almaq arzusunu dağıdır.

Qara istiot qədim zamanlardan yeməklərin dadına dad qatan bir ədviyyat kimi istifadə edilir. Yağlı və nişastalı yeməklərin həzminə kömək edən qarabibər şəkər xəstəliyinin də qarşısını alır. Qırmızı istiot isə immuniteti gücləndirdiyi kimi revmatizm xəstəliyinə də kömək edir.
Bu iki bitki yeməklərimizə dad və sağlam lığımıza fayda verməklə yanaşı digər bir çox mövzuda da işimizə yaraya bilər.

— Əgər avtomobilinizin radiatoru su buraxırsa, qarabibərdən istifadə edə bilərsiniz. Maşını ustaya aparmamışdan əvvəl radiatorun içinə bir ovuc qarabibər atın. Bu yolla müvəqqəti də olsa, praktik şəkildə sızmanın qarşısını ala bilərsiniz.

— Əgər evinizi qarışqalar istila edibsə, qırmızı istiotdan istifadə edin. Daha çox mətbəxlərdə şəkər axtarışına çıxan qarışqaların sıx olduğu yerlərə qırmızı istiot səpməklə onları evinizdən uzaqlaşdıra bilərsiniz.